東西線直通南北線有冇可能？

如果第時東西同南北線開左有冇可能用九卡列車來直通?(先要揾個相同既門位
一卡一至兩道門)

門位已經唔同啦。
同埋香港始終唔係日本，咁複雜既路線運行模式應該未必適合香港啲人，陣間掛住做低頭族唔望自己搭咩車，搭錯直通車去其他地方又投訴。

南北線全線安裝Seltrac / 東西線全線安裝TGMT乎?  

concorde3388 發表於 2016-1-6 22:26
門位已經唔同啦。
同埋香港始終唔係日本，咁複雜既路線運行模式應該未必適合香港啲人，陣間掛住做低頭族唔 ...

其實簡單少少

非繁 康城特車 直通油麻地 會唔會較有可能同方便

兩邊總站都係調景嶺

咁不如每十二分鐘抽一班入康城咪仲好

還掂非繁班次無咁緊張

dogdog002 發表於 2016-1-7 11:41
其實簡單少少

非繁 康城特車 直通油麻地 會唔會較有可能同方便

唔計訊號系統﹐門位等因素﹐要跨線行車﹐最大考慮係時間表及行車時間﹐會唔會互相影響﹐做到另一線有塞車(變相延誤/減班次)。


例如觀塘線直去中環﹐在旺角過線時﹐荃灣線要在旺角站預留行車空間﹐給予觀塘線車攝入。

荃灣線便要在旺角停車﹐增加停車時間﹐讓觀塘線車進入﹐這便會做成荃灣線「塞車」。
如果要夾時間﹐即係要拉闊前後車之間距離﹐利用這個較闊的距離去攝車﹐便會做成要減班或拉疏班次(繁忙時間)。

仲要提防列車不同因素令到遲到/早到轉線車站﹐又令成個預先編定的時間表用唔著。


以現時MTR的車密程度﹐真係如非必要﹐都唔會刻意玩列車轉線﹐以免一班車令到2條線都受到阻延。

其實信號可吾可以裝兩套
門位就揾嗰一樣或者設兩道門(一個for東西另一個就for南北線)
只不過港鐵肯吾肯做就
同埋有冇需要

E3Tsubasa 發表於 2016-1-7 15:26
其實信號可吾可以裝兩套
門位就揾嗰一樣或者設兩道門(一個for東西另一個就for南北線)
只不過港鐵肯吾肯做就 ...

我係MTR都唔會攪列車轉線囉﹐因為以現時班次頻密程度﹐只會影響另一線的班次。自己條線又因為部車去了另一線﹐少了一部車令到回程少一班車。

要完美夾時間﹐又會受好多因素影響﹐單是有乘客衝門﹐有乘客拉制需要支援﹐已經令到跟唔到預定的時間表。

為了唔會2線互相影響﹐唔會輕易調車去另一條線去行﹐特別係繁忙時間時段。



至於車門﹐真係要睇多一些資料﹐睇下一卡入面有幾多隻門係夾到位﹐如果任何情況只有1隻門﹐真係晒氣﹐點夠乘客上落。
即使有2-3隻門可以夾到位﹐都唔會夠乘客上落用。如果3隻門都夠用﹐當年便不用黃頭由3門改5門。


另外﹐以東西南北線的客量﹐如果開唔齊門﹐政府又會唔會以乘客安全問題﹐緊急疏散為由而不批准?


列車裝多套訊號系統﹐本身問題不大﹐現時幾部ER-20工程車﹐都係裝了2套訊號系統﹐可以直接進入東西馬3線的﹐不過成本及日後維修保養會增加囉。仲要確保套閒置的一SET訊號系統﹐唔會無情情發傻﹐在對方路段發出錯誤訊息令到列車停頓唔行。
真係多隻香爐多隻鬼


與其攪咁多野﹐成效又唔高﹐整來做乜。

與其東西通南北，北環通東西會更有用，尤其早繁能有效疏導北區往西九龍及解決錦上路及荃灣西難上車問題甚至東西通東涌綫，雖然技術上冇可能，但免在南昌轉車也能為乘客節省大量時間

2076 發表於 2016-1-7 22:43
與其東西通南北，北環通東西會更有用，尤其早繁能有效疏導北區往西九龍及解決錦上路及荃灣西難上車問題甚至 ...

北環線個point你啱但係西鐵未好迫
但係東涌直通冇乜可能
可以改軌同電壓既但係東涌線
要長期停駚wor
Mtr一定5會

kei_hk 發表於 2016-1-7 13:48
唔計訊號系統﹐門位等因素﹐要跨線行車﹐最大考慮係時間表及行車時間﹐會唔會互相影響﹐做到另一線有塞車 ...

其實夾時間根本唔係咩特別或者新野

遠至東鐵直通車，東涌機鐵，落馬洲，康城到何文田黃埔都係咁做

最大問題係港鐵死都唔公佈枱底直通甚至特車既時間表姐

令自己愉愉收左車都唔洗怕被人鬧

唯一公開既咪係614P／615P直通

諗起以前九鐵版614P／615P係兆康個圖示係會融合左，之後改改下版就無左


其實好睇鐵路公司識唔識走盞姐


不過港鐵明顯係以自己為本先


假設觀塘綫直通中環係每天指定時間都會行走


佢大可以寫明油麻地直達中環


但係港鐵就係留自己一條生路，一唔對路就油麻地收左佢就算