聯署要求合法帶狗上九巴

咁公道D講人家爭取既時候都寫得幾清楚
寵物一定要係籠或者袋入面
屎尿一定要清如果唔係賠錢
如果寵物本身唔穩定既可以唔俾佢上車
同埋嘈既可以趕返佢落車

問題是好肯定而家有唔少做壞規矩既主人
到時肯定有排嘈

Snoopy@FB8617 發表於 2016-4-16 14:35
咁公道D講人家爭取既時候都寫得幾清楚
寵物一定要係籠或者袋入面
屎尿一定要清如果唔係賠錢

咁咪無情白事又要車長做埋巴士判官，
判斷踢唔踢你落車？
如果 968 上左西九龍公路隻狗喪吠，係咪去到大欖踢你落車？咁都嘈左大半程啦。

然後點決定幾大隻寵物唔俾上車？
當行李定要俾錢？個個站上隻芝華華哥基唐狗點搞？

就算你肯入袋，
當架巴士坐滿人，你又肯攬住個袋，你肯定隔離位唔介意？你肯定隔離位唔怕狗？

講到底，養寵物都唔係真係基本需要，我唔認為公共交通工具有必要俾佢地上車。
好多人當寵物係仔，叫自己做阿爸阿媽，但佢始終都係寵物，唔係人，你當佢係仔女，sorry 人地唔係。

如果成事就大劑囉, 好似小弟呢種對動物毛髮鼻敏感的人可以從此絕跡於巴士了...

3ASV174 發表於 2016-4-16 14:45
咁咪無情白事又要車長做埋巴士判官，
判斷踢唔踢你落車？
如果 968 上左西九龍公路隻狗喪吠，係咪去到大 ...

好似都有建議埋個大細同收費

利申唔支持亦覺得建議唔可取

導盲犬OK，其他免問

其實最大問題係

今次比你帶狗，下次帶貓、蛇、雀仔？

成架車變動物園，出左事保險賠唔賠D貓貓狗狗都成問題

唔讚成合法帶狗上巴士，如果合法比帶狗之後一定有其他既會(單車之類)又要求合法上巴士

如果事成，九巴正式變成狗巴

其實就應該開寵物巴士
唔應該搵普通乘客較飛

rusf101001 發表於 2016-4-16 16:21
其實就應該開寵物巴士
唔應該搵普通乘客較飛

印象中好似寵物巴士已經存在過一段時間(到依家都重好似行緊
就係唔知點解話要求九巴要加條咁既條例

講真，我個人除左導盲犬之外，唔多想見到貓貓狗狗上車(即使我係鐘意佢地都好

巴士唔可以帶狗上車(導盲犬除外)﹐係法律列明的。
Ref: 香港法例第230A章《公共巴士服務規例》第10條
節錄:

(c)        不得准許任何動物由該巴士運載，但陪同失明人士乘車的領行狗隻除外；

要容許巴士帶貓狗﹐以至其他動物﹐先搵立法會議員要求政府修例先。
一日未修例﹐一日都唔可能成事。