沙中綫既鑽石山站做唔到跨月台轉乘擺明只係藉口？

DIH 發表於 2016-7-14 16:23
港鐵的而且確係度縮，但跨月台轉乘不見得全無隱憂。
諗下假如真係有跨月台轉乘，最多人轉會係邊個方向。
...

咁如果沙中線去到鑽石山都係用右上左落呢?

到時4條路軌就會係
<- 沙中線往烏溪沙
　觀塘線往調景嶺 ->
　沙中線往紅磡/屯門 ->
<- 觀塘線往黃埔

咁以主要客源 城河東<>觀塘, 觀塘<>土瓜灣 咁計,
起碼 城河東>觀塘, 觀塘<>土瓜灣 都可以過對面, 觀塘>城河東 先要上返大堂,
獅隧唔洗起立體交叉 又可以慳返一筆


如果再將西鐵調轉行車方向, 即係成條東西線都右上左落, 仲可以方便埋屯門>港島 tim
紅磡站本身都諗住分上下層架啦 左上右落定右上左落都唔影響轉乘

可惜都係錢同埋龍翔道作怪 ..

dennis28a 發表於 2016-7-14 03:23
當年個合併方案只係初步建議，你又有無了解過，將觀塘線管道改造比千九已經係問題？無話唔可行既，但要先 ...

小弟諗緊如以現時計劃的鑽石山站為基礎，
往屯門月台，改俾觀塘線﹙往黃埔﹚用，
觀塘線﹙往黃埔﹚路軌對上﹙機房層﹚，就擺沙中線往屯門路軌。
東西線﹙往屯門﹚同觀塘線﹙往調景嶺﹚果層，就做類似北角站咁，
得三兩條轉車通道
咁就可以做到同層轉車，又無需在獅子山做交叉。

仲可以減少大規模改建現有鑽石山站結構。

車站可以咁玩，到改建路軌，始終都係避唔到重建蒲崗村道交匯處
搞不好，連東面的斧山道都要大執

dennis28a 發表於 2016-7-14 03:23
當年個合併方案只係初步建議，你又有無了解過，將觀塘線管道改造比千九已經係問題？無話唔可行既，但要先 ...

但大家有諗過仲有一種設計起碼可以盡量玩到少少跨月台轉乘亦可以將龍翔道既挖掘範圍盡量減少。
就係將沙中線果邊既站體揀疊式，跟住將觀塘線油麻地方向在另一邊起新月台並將舊翼果邊既原有觀塘線油麻地方向既月台門拆走並間牆由島式月台轉為側式月台，與沙中線沙田區方向果邊既月台直接用通道連接，
而另一邊方向既月台就與舊翼果邊既大堂層直接用通道連接，咁就可以有其中一種組合有跨月台轉乘之餘而另一種組合步行既距離亦盡量拉近。

paul2357paul 發表於 2016-7-14 21:02
但大家有諗過仲有一種設計起碼可以盡量玩到少少跨月台轉乘亦可以將龍翔道既挖掘範圍盡量減少。
就係將沙 ...

東九龍線的鑽石山站可否用類似方式興建 (在車站北側)? 即如此:
(只顯示前地鐵部份)
B1: 大堂

B2: (往黃埔) 觀塘線月台 (往調景嶺) 觀塘/東九龍線月台 (往寶琳)
B3:                                                           東九龍線月台 (只作落客)

在此方案下, 觀塘線東行在鑽石山站改為雙側開門, 東九龍線預留向東頭邨, 九龍城延長條件 (去九龍 / 南昌, 去南昌的話再預留去東大嶼都會)

dennis28a 發表於 2016-7-14 03:23
當年個合併方案只係初步建議，你又有無了解過，將觀塘線管道改造比千九已經係問題？無話唔可行既，但要先 ...

首先，龍翔道鑽石山一段旁邊有大磡村空地，臨時遷移行車線相對容易，亦可以在工地上方鋪上鋼板維持行車
同時，港鐵興建觀塘綫延綫時引入左迷你珍寶鑽挖機擴闊原有電纜隧道，有關鑽挖機亦可用作擴闊原有觀塘綫隧道至東西綫界限

就算按照你嘅建議，立體交叉都可以放喺沙田一邊，例如將顯徑站設計成兩層側式月台
大圍車廠至獅子山隧道口一段都唔短，相信可以擺得落一個立體交叉，唔駛喺隧道入面整

paul2357paul 發表於 2016-7-14 21:02
但大家有諗過仲有一種設計起碼可以盡量玩到少少跨月台轉乘亦可以將龍翔道既挖掘範圍盡量減少。
就係將沙 ...

一搞觀塘線往油麻地路軌預留牆壁就已經要挖起晒成條龍翔道東西行線。留意，往油麻地路軌係正龍翔道西行線地底。

hokachung 發表於 2016-7-14 23:08
首先，龍翔道鑽石山一段旁邊有大磡村空地，臨時遷移行車線相對容易，亦可以在工地上方鋪上鋼板維持行車
...

唔好意思，唔係咁容易，因為要做既野需要重置整條大磡道、龍翔道，拆除大老山隧道支線部份橋墩，修改蒲崗村道天橋地基。
而且做既唔係臨時遷移，而係頭幾年需要成條龍翔道南移，原有起龍翔道鋼板位置只能夠比作暫時重置大磡道。

就算按照你嘅建議，立體交叉都可以放喺沙田一邊，例如將顯徑站設計成兩層側式月台
大圍車廠至獅子山隧道口一段都唔短，相信可以擺得落一個立體交叉，唔駛喺隧道入面整

都唔可以，因為顯徑站月台南端同沙中線獅子山隧道入口太近，無可能完成得切整個立體交叉，
除非做雙獨立行車管道，或者大幅度削山（一定過唔到環評）。
但如果做到獨立行車管道，就已經唔需要係顯徑度做。

重點係，造雙管獨立行車管道，就需要用 TBM 鑽兩次隧道，貴係貴在依點。

hokachung 發表於 2016-7-14 23:08
首先，龍翔道鑽石山一段旁邊有大磡村空地，臨時遷移行車線相對容易，亦可以在工地上方鋪上鋼板維持行車
...

唔知你想擴闊邊一段觀塘線隧道。
問題係你肯定你想擴闊果段觀塘線隧道結構同地質，同油麻地段係一樣先？
唔一樣就要用唔同方法喎

更大鑊係一搞親觀塘線隧道，就唔止係大磡村一段龍翔道改路咁簡單
係要連彩虹村至新光一段都要搞。
大磡村一段至少有一大塊地任改咁滯
如果要搞到遠D，兩邊交匯處肯定要重建，話唔定仲多幾幢樓要重置

DIH 發表於 2016-7-14 16:23
港鐵的而且確係度縮，但跨月台轉乘不見得全無隱憂。
諗下假如真係有跨月台轉乘，最多人轉會係邊個方向。
...

相對簡單的調轉西鐵行車方向方便南昌南行轉乘佢都唔做啦。

如果我係港鐵，一定唔會搞行車方向，睇黎係簡單一個制，但大把手尾跟。
最重要係，又唔可以停駛幾日去測試運作安排，
要怪就怪點解唔一早起馬鐵果陣，索性起到出鑽石山，而唔係當年慳錢，起到大圍就算。

dennis28a 發表於 2016-7-15 00:13
......要怪就怪點解唔一早起馬鐵果陣，索性起到出鑽石山，而唔係當年慳錢，起到大圍就算。

你能夠保證九鐵當年早d將馬鐵拉長與觀塘線轉乘其轉乘站既設計一定會好過宜家既版本？