隨著電牌越來越先進，所有巴士線應該強制顯示大小區名稱

castanopsis 發表於 2016-8-2 09:45
路線編號係重要，但清晰顯示目的地同樣重要
你問下你身邊堆人，有幾多個真係記得樓下堆線個編號？
好多人 ...

樓主幾日前被司機陰過一次?
Btw 兩邊方向既巴士經過鶴咀站既時候價錢應該係唔同? 如果有懷疑或者擔心可以問一問司機，確保無錯丫

S3BL343@66 發表於 2016-8-2 12:45
對住美孚新邨唔叫美孚
唔通叫荔枝角（橋底）？

佢係想講荔枝角個問題多過美孚姐

呢個問題其實可以延伸到去荔枝角長沙灣深水埗地鐵站既問題

荔枝角站係長沙灣 長沙灣政府合署又係深水埗果個問題

生客咪以為部904 905去到荔枝角站咪收工囉

不過算數啦，生客又點會搭904 905，港豬梗係搭港鐵先啦

所以而家目的地顯示已經唔再用地名

用港鐵站名反而仲清晰

美孚／ 盈暉台咪仲好

不過盈暉台人咪又係去美孚站搭港鐵，唔通真係咁傻慢慢搭904 905去港島咩

castanopsis 發表於 2016-8-2 09:45
路線編號係重要，但清晰顯示目的地同樣重要
你問下你身邊堆人，有幾多個真係記得樓下堆線個編號？
好多人 ...

城巴側牌係識得同報站同步

其實搞咁多野最多咪係防止有半熟客走上車問

"經唔經XX？"

只要知道大部分人問咩問題

咁就只要係頭牌側牌寫明就得啦

同埋最重要係最好橙牌先好轉頁

綠牌磁石牌就算吧啦，唔好整壞仲好

dogdog002 發表於 2016-8-3 00:22
佢係想講荔枝角個問題多過美孚姐

呢個問題其實可以延伸到去荔枝角長沙灣深水埗地鐵站既問題

荔枝角果個問題呢，城巴就識做，之前大改data果陣就幫171加「經美孚」轉頁，長側牌又出「>美孚>荔枝角」，驚死人唔知171去到美孚而唔係荔枝角站就收工

Haydn 發表於 2016-8-3 00:46
荔枝角果個問題呢，城巴就識做，之前大改data果陣就幫171加「經美孚」轉頁，長側牌又出「>美孚>荔枝角」 ...

新城係呢方面又真係值得一讚
基本上行出街見到部黃車或者橙車路線牌你都會知佢大約去邊同經邊度
反而九巴家陣改啲又唔改啲
一時鐵路站一時又去鐵路化
荃葵青沙田將軍澳好多線都唔加大區名
生客係條街度都未必知238X係入荃灣或者89C係入馬鞍山
希望九巴可以快啲統一番

wingho_cwh 發表於 2016-8-2 12:56
樓主幾日前被司機陰過一次?
Btw 兩邊方向既巴士經過鶴咀站既時候價錢應該係唔同? 如果有懷疑或者擔心可以 ...

差少少俾人陰，不過拍卡前兩秒個司機截停咗我
主要係唔係幾好意思浪費全車人時間

講真，唔記得較方向既車喺路上係非常常見
固然車上個GPS系統唔係100%準，但應該會準過靠司機手動搞
始終司機已經好多嘢要兼顧，唔記得轉實在人之常情

S3BL343@66 發表於 2016-8-2 12:40

.......
何以見得？
以前53 d mcw 會係車頭掛塊 banner 寫住「元朗、屯門（東）及荃灣」、「青山公路元朗至荃灣段沿線直達，不經元朗公路、屯門公路」？
......

留意我係以整體巴士服務既發展作為基準。
重點係以前展示技術冇咁先進既年代巴士公司情願車身擺字陣都會落力show途經地區/地標名稱(至少唔少大陸既大跨區線、香港部分既紅綠小線都仲有keep住呢種傳統)，
但去到宜家電牌盛行既年代，展示既空間越來越多，卻反而逐漸令巴士公司傾向於唔詳細交代？

paul2357paul 發表於 2016-8-3 08:30
留意我係以整體巴士服務既發展作為基準。
重點係以前展示技術冇咁先進既年代巴士公司情願車身擺車陣都要 ...

我曾經同九巴反映話去到2016年都仲有唔少人以為40經九龍城 (至少我作為座上客間中都見到有人搭錯車)，希望佢多d宣傳
但係佢既回覆都好官式下，話咩乘客可以係豬紙睇到路線資料

呢d大改定線既路線電牌連經邊度都唔加 (唔好講好似E34A咁大大隻字寫住「不經元朗」)，當時九巴係呢方面的確有好大既改善空間 (最少當時正值北區路線重組，好多果邊既線都開始加轉頁、鐵路站變站等)

不過唔可以唔認既係，九巴近年都開始用多左電牌宣傳，例如青沙線、63X南行、268X等特快宣傳

Haydn 發表於 2016-8-3 09:38
我曾經同九巴反映話去到2016年都仲有唔少人以為40經九龍城 (至少我作為座上客間中都見到有人搭錯車)，希 ...

40 都改了路幾年﹐改路頭幾個月﹐車頭有宣傳牌。

幾個月都唔坐一次﹐都算係生客﹐中一次伏之後便應該唔會再中。


今時今日才中伏﹐真係生客之中的生客﹐應該坐車前問下人(直接問司機﹐都唔會中伏啦)﹐自己做下功課先。


至於途徑邊一區﹐留番長則牌做啦。真係可以由 總站開始逐個細區顯示出來﹐直到另一邊總站﹐走馬燈形式。
進階一點﹐可以當部車去到某個位﹐便自動cut去已經經過的細區﹐只顯示餘下車程。

1.show曬沿途地點,又驚無時間變回總站名,就算擺在長側牌,乘客無時間睇直接上車,最後結論係巴士公司可能多此一舉,因為乘客眼睛可能「盲」,最後問返司機或者需要在司機位貼通告通知乘客途經邊到。如果唔夠,極端做法學960車身路線廣告,唔信乘客都睇唔到。其實乘客係咪自己查資料同睇路線圖,唔好自我中心呢?
2. 如果充分用電牌功能,例如58M VS 60M,58M往屯門方向加插「特快>屯市」轉頁,宣傳58M係快過60M到屯市。仲有 52X VS 60X, 52X往屯門方向加插「經:深井」提醒乘客
3. 荔枝角/長沙灣總站 因為港鐵搞到不倫不類,巴士公司可以把電牌分別更改為「荔枝角(九華徑)」和「長沙灣」轉頁 「荔枝角站」