西樓角路爆水管，43X 49X玩「原地踏步」

為咗果一個綠楊新村巴士站
尋日見啲43X 49X眾安街之後直行青山公路去到昌榮路先至調頭去荃灣地鐵站入返西樓角路
呢度起碼用多咗十分鐘時間
43X要上石圍角先話要焗兜
49X其實係咪應該沿和宜合道直上城隧算數，好過係荃灣兜咁大個圈

跟規舉﹐一向改路都係用盡方法令受影響的車站係零或最少。

即係﹐只要有得兜大運﹐便要做到無車站受影響﹐行車時間及行車里數﹐根本唔會考慮。

kei_hk 發表於 2016-8-4 15:03
跟規舉﹐一向改路都係用盡方法令受影響的車站係零或最少。

即係﹐只要有得兜大運﹐便要做到無車站受影響﹐ ...

講真綠楊個站同眾安街站相距唔遠，個站又唔係特別多人上落
本身改路已經搞到附近塞塞地
係咪真係有必要咁陪兜法？

who_r_u 發表於 2016-8-4 16:03
講真綠楊個站同眾安街站相距唔遠，個站又唔係特別多人上落
本身改路已經搞到附近塞塞地
係咪真係有必要 ...

只可以講﹐在可行情況下﹐巴士公司係唔應該減少巴士站的。
當然﹐無論點改路點兜都無法去到個別車站﹐便會改行最近的道路﹐並且在相約地點加設臨時站。


如果係可以為求行車暢順而去cut走車站﹐點去定義人多的車站﹐人少的車站?
(唔針對今次你提及的車站)
之後又會有人問﹐點解少於某個數字便為之人分的車站﹐可以skip?  數字點樣取得?

真係沒完沒了。

咁樣倒不如係西樓角路整個臨時站,
43x,49x可以直接轉上去綠楊新邨
宜家簡直係趕客

Ps.尋日坐架49x,師傅問完冇客係綠陽落之後直接跟48x咁上城隧

DA78 發表於 2016-8-4 16:55
咁樣倒不如係西樓角路整個臨時站,
43x,49x可以直接轉上去綠楊新邨
宜家簡直係趕客

唔怪得昨日見有43X由青山公路轉入大河道北行。

西樓角道個站彎任何時間都亂過乜，擺埋43X同49X真係多得你唔少。
不過你個概念都幾好用。
既有城隧轉車站，咁不如43X跟你個行法，
臨時唔停眾安街。
49X停完眾安街，就跟48X不停站上城隧。
綠楊新邨唔該全部上43X。

kei_hk 發表於 2016-8-4 16:53
只可以講﹐在可行情況下﹐巴士公司係唔應該減少巴士站的。
當然﹐無論點改路點兜都無法去到個別車站﹐便 ...

其實呢，無幾耐之前大角咀臨時改道，
全部線咪又係飛哂銘基書院同新填地街，
跟10、13D等齊齊入大角咀內街
新填地街仲要係新界線大站
其實銘基書院後只需改行棕樹街、
晏架街、塘尾道、亞皆老街就乜站都唔駛改。

唔知磚家又點解釋大角咀呢次改道，唔停番原本車站呢
唔好同我講，巴士行唔到呀。

s3n370 發表於 2016-8-4 17:25
其實呢，無幾耐之前大角咀臨時改道，
全部線咪又係飛哂銘基書院同新填地街，
跟10、13D等齊齊入大角咀內街 ...

上次整路正正係亞皆老街東行介乎塘尾道至新填地街之間街市那一段, 如果根據你的意思去停埋原來銘基及新填地街兩站應該要改為行棕樹街, 晏架街, 旺角道, 上海街, 亞皆老街(西街), 新填地街, 再返原線

不過可能老運怕紅日都搞到塞死上海街, 所以無咁改法, 不過就算係上述咁兜都絕對無43X, 49X咁兜得那麼遠

mhbsmcwetu 發表於 2016-8-4 18:36
上次整路正正係亞皆老街東行介乎塘尾道至新填地街之間街市那一段, 如果根據你的意思去停埋原來銘基及新填 ...

唔好意思，發佐神經，
一見呢段路，就自動load佐非巴士的行車路線添…

不過，就算上海街太繁忙，行棕樹街同晏架街出旺角道
都飛少銘基書院個站。

s3n370 發表於 2016-8-4 17:25
其實呢，無幾耐之前大角咀臨時改道，
全部線咪又係飛哂銘基書院同新填地街，
跟10、13D等齊齊入大角咀內街 ...

係唔係指呢單？

情況完全唔同，個Post 係29／6出，3／7先整路，通告都出左幾日，改站無問題
www.hkitalk.net/HKiTalk2/forum.php?mod=viewthread&tid=970295

不過今次爆水管係即時所以唔同講法