新界的士在將軍澳區經營範圍及大嶼山的士經營問題

simon12 發表於 2016-9-3 11:57
講真政府唔應該再收窄綠的經營範圍，以將軍澳為例，以前將軍澳工業村落成後，綠的可以載乘客由西貢到將軍 ...

順利邨的新界的士站是可以載客經清水灣道往西貢的。

kei_hk 發表於 2016-9-2 10:51
......當年要有新界的士的原因﹐係新界比較人少﹐鄉村分散﹐為唔想所有的士去晒市區營業﹐令到新界鄉村及市鎮之間無的士服務﹐於是便有限制新界地區營業的的士。


但係社會發展﹐特別係新機場都增加為新界的士的營業範圍﹐市區漸漸擴大到新界的士營業範圍(例如 沙田)﹐所以便出現好似新界的士限制的好點過火。
現實係﹐政府沒有縮細新界的士的營業範圍﹐相反更因為機場及迪士尼而增加了營業範圍。

其實政府係咪對呢樣野過分憂慮？
好似市區的士咁樣就算俾佢可以走勻差唔多成個香港又點？
到頭來又係搞到紅的界暗中分番開九龍牌和與港島牌兩派，
港島牌既唔係好想走到新界好入，九龍牌既唔係好想去港島。

留意的士呢樣野本身唔係咁適宜兼顧太大既服務範圍，
又好似大陸果邊咁樣絕大部分品種既的士更加可以走勻全中國，係咪就等於我地可以咁順灘搭著某市既的士一程過走大跨市既路程？

paul2357paul 發表於 2016-9-10 08:28
其實政府係咪對呢樣野過分憂慮？
好似市區的士咁樣就算俾佢可以走勻差唔多成個香港又點？
到頭來又係搞到 ...

如果唔講乘客車費﹐以及車牌的牌價問題﹐今時今日未必太布必要再去分紅色綠色。

但係講番上世紀 七/八十年代﹐分紅綠便是一件重要的事。
當年新界真係可以用鄉村去形容﹐搵客都唔係一件易事。
但市區的市場大大好過新界﹐如果不限制新界地區﹐這批車出埋市區搵食﹐新界便好易出現無的士服務。


印象中﹐自新界都漸漸市區化﹐過去都有聲音想統一紅色綠色。
但係歷史帶出來的問題﹐便是車資及牌價問題﹐綠的係低過紅的﹐如果去統一成為紅的﹐都沒有一個好共識﹐所以到現在都沒有統一。
近年亦再無聽過有團體再提出紅綠合併。



至於過海車問題﹐由於維港2邊的乘客需求相約﹐沒有新界及市區的大分別﹐所以紅的唔會因為客源問題而集中在個別地區﹐因而沒有需要去作出特別限制。

dcyw 發表於 2016-9-3 22:35
順利邨的新界的士站是可以載客經清水灣道往西貢的。

但甚少綠的會去順利村, 因為返西貢在科大前九成都冇旗

而且綠的司機傾向做地區內駁腳同埋鄰區往返(例如元朗錦田上水), 元朗綠的有西貢旗未必開心, 因為要諗交更前點樣做住生意返元朗

1. 依照我觀察，坑口道，昭信道，環保大道，百勝角路及石角路皆沒有新界的士禁區路牌，理論上是可以上落客，而將軍澳其他新界的士可行駛道路，比如影業路，就有設置禁區路牌
2.石角路興建了新樓盤峻瀅，綠的是可以駛入該地方，在石角路燈位，有明顯的路牌指示，不准綠的直行往工業村，但可以左轉石角路
3.蓬來路的確以前是沒有設禁止綠的駛入路牌，以我所認知，大概在開放綠的往坑口地鐵站的2005年，就設置了路牌

twlihk2000 發表於 2016-10-31 01:20
1. 依照我觀察，坑口道，昭信道，環保大道，百勝角路及石角路皆沒有新界的士禁區路牌，理論上是可以上落客 ...

綠的可行載客行駛的地方﹐又唔代表可以合法上落客的。


因為仲有路牌可以作出限制的。  >>例子<<

kei_hk 發表於 2016-10-31 14:03
綠的可行載客行駛的地方﹐又唔代表可以合法上落客的。

咁清水灣道出九龍至順利邨一段，沒有設新界的士禁區牌，係唔係可以隨意上落客？

simon12 發表於 2016-11-1 07:32
咁清水灣道出九龍至順利邨一段，沒有設新界的士禁區牌，係唔係可以隨意上落客？
...

如果唔係雙黃線﹐又沒有指定車輛限制停車上落的路牌﹐係可以上落客的。

但根據運輸署既的士營業範圍地圖有一段清水灣道綠的可以行經但唔可以上落客

paul2357paul 發表於 2016-9-10 08:28
其實政府係咪對呢樣野過分憂慮？
好似市區的士咁樣就算俾佢可以走勻差唔多成個香港又點？
到頭來又係搞到 ...

會唔會其實因為唔熟路所以先唔願意去新地方咋？
其實的士佬多唔多用導軌？特別係市區入新界既