今次選舉選舉用品既存放地點引起爭議

http://hk.apple.nextmedia.com/realtime/news/20160831/55581722?top=4h

竟然係安排擺選舉主任既屋企簡直笑死人。
咁神聖既野應該係安排擺係例如老廉總部就差唔多。
當例如學校開考之前用既試卷都識得安排擺係差館既時候。

證明呢個政府個政治觸角真係差到冇人有，
事先我唔評論前幾次選舉佢地係點樣處理，但係近年梁振英不斷起度挑火頭挑到香港已經二元化對立都不旦止，
而家選舉期間又有唔少恐嚇、種票等負面新聞；仲要整單咁 o既野出黎 ……

既然起而家呢個咁敏感 o既時刻，政府又唔係冇能力可以當日先將堆選票送去投票站，
咁搞究竟為乜？

究竟梁振英係真心為香港好，定係根本想搞亂香港，我相信大家心中有數。

雖然我認為今次呢個選舉已經有好多野唔見得光，
但係我認為行出黎投票都係應該，係時候拎我地手上 o既選票投比班真正為香港而唔係下下為土共 o既人。

AVD1 發表於 2016-9-2 04:19
證明呢個政府個政治觸角真係差到冇人有，
事先我唔評論前幾次選舉佢地係點樣處理，但係近年梁振英不斷起度 ...

你真係認為真係有條件可以在選舉日才一口氣運這埋野去所有票站?

票站係 7:30 開始開放接受市民投票。

極其量係之前一晚接近投票日的凌晨準備及最遲大約2點要出車﹐不同的票站要凌晨已經開始要有人standby準備接收物資﹐有些票站車程短會早一些送到﹐有些票站遠會遲一些送到。

換句話說﹐即係幾乎成個通宵都要最少2-3個人駐守不同票站﹐以便接收物資及看管這堆物資。

明顯係政府在過去一段相當長的時間﹐唔想做這一件事﹐唔想派人「守夜」。
同一時間﹐未必每一個票站都容許政府派人「守夜」。

而且﹐我都未講一些離島區的票站﹐究竟要出動幾多人力物力才可做到通宵運物資去票站。

結果政府便用一個風險度較低的方法﹐將少部份物資由指定的票站主任預先提取﹐投票日直接前去票站開工。


有報導講有人可以利用這一個星期時間去印製假選票﹐其實風險唔高﹐我亦唔相信有票站人員會冒險做這件事。

原因票站係會準確點算實際前來投票人數﹐以及發出的選票數目 ﹐點票時的結果(有效票+廢票)﹐3個數字是否一樣。

要種票到無聲無息﹐便要扮有選民來報導﹐但要在投票時間最後的部份才可做﹐以防真正投票者前來而被發現。
但係成個票站都係人﹐如何可以經過一大堆人去做這些動作? 點過到登記核對選民身份的一關?

如果純粹入一批假選票﹐又會同發出選票數目不同﹐一定出事。


在點票時﹐又有一堆人睇住(外人都可以入去睇的)﹐又點可以在神不知鬼不覺的情況下偷換選票?


點票過後﹐所有選票都會封存處理﹐以便有需要時提出驗查。


而且﹐以我記憶﹐過去的選票都有獨立編號的﹐不過唔會記下你取了那一張選票。
一旦真係多了一堆選票﹐其實係可以靠這些編號做點算﹐睇下那一些係真﹐那一些係假。

真係出現這個情況﹐自自然會慢慢查出為何有這個情況﹐直至有調查結果為止﹐最壞係重新投票。


我真係睇唔出有什麼完美方法可以在這一部份去種票﹐去操控結果﹐只係未有其他更好的處理方案去解決運送物資的問題。


作為選民成件事要擔心﹐反而係選民登記冊﹐上面有個人資料﹐一旦外洩.......

當例如學校開考之前用既試卷都識得安排擺係差館既時候。

試卷真係會放警署?    真的嗎?


以前的流程係印刷完之後﹐在考評局自己搵地方安置﹐在適當時間運去不同的試埸(學校)。

學校便會放在一般教職員不能進入的房間鎖上﹐在開考當日取出﹐按程序經監考員分發給考生。




真係存放警署?  警署要應付多間學校取貨﹐真係好唔得閒。
一些離警署好遠的學校﹐咪好慘﹐每天考試早上都要預早好多去指定警署提貨?

kei_hk 發表於 2016-9-2 10:21
你真係認為真係有條件可以在選舉日才一口氣運這埋野去所有票站?

票站係 7:30 開始開放接受市民投票。

票箱咁大個就得，選票相對細咁多就唔得
你話係咪好灰諧...

asv2 發表於 2016-9-2 12:20
票箱咁大個就得，選票相對細咁多就唔得
你話係咪好灰諧...

票箱無得做手腳嘛﹐唔駛搵人看守嘛。預早一兩天運去相關票站﹐求其搵個位暫存便可。


只係需要在開始投票之前﹐檢查箱內有沒有物品在內﹐之後便關上並上鎖便可。

但係選民登記資料﹐有個人私隱﹐唔可以亂放。
選票﹐因為有嚴格的記錄數量﹐所以都唔可以亂放。
2者都要有專人妥善保管。

kei_hk 發表於 2016-9-2 11:45
試卷真係會放警署?    真的嗎?

試卷在印刷完成後至運抵即學校之間會儲存於何處我不大清楚，只知道試卷是
於該科目考試當天早上八時前由考評局委託的公司（多半是速遞公司）送抵學
校，並由校方（通常是校務處）簽收及暫存於一處較難受干擾的地方（例：一
間只有指定人士方可進入的房間），然後需由試場主任親自或在其監察下把所
有試卷帶到試場預備分發。

而除試卷外的物資則會預早於該學校第一天用作試場前任何時間送抵學校。

回正題：
其實如果用作票站的場地許可，供票站用的檯椅等用品於八月底已陸續運抵各
票站（如並非使用該場地原有的），而電話線及電線連電燈亦早於八月底已設
置妥當。

當公開試試卷可以喺考試當日先送去學校，我就唔明啲選票點解可以擺喺一個人屋企
仲要個行李喼封條只係一啲好求其既貼紙黎

其實每張選票都有號碼
仲要係收票時有記數
用咗邊張邊疊都會有記數

當然
派票俾市民時唔會記低邊個拎咗邊個號碼

所以
要種票唔係你所講咁易

至於你話票站主任
可能拎票返屋企做功課嘅問題
基本上跟樓上情況一樣
要翻查一定有得跟

HV9990 發表於 2016-9-2 23:00
當公開試試卷可以喺考試當日先送去學校，我就唔明啲選票點解可以擺喺一個人屋企
仲要個行李喼封條只係一啲 ...

公開考試﹐如果題目外洩﹐得益者係會自己專攻相關題目﹐之後如常去應考﹐會對其他考生不公平﹐無得追查。

至於選票﹐預先比你知道入面內容都無問題﹐反正上面只係印上所有候員人的資料﹐根本不是什麼秘密﹐有獨立編號。而候選人資料﹐其實只係選舉事務處之前跟隨投票通知卡(信)﹐附上的候選人資料係一樣的﹐全是公開資料﹐唔會影響選擇公平性的。


即使你去番印選票﹐在適當時間放入票箱﹐會出現發出及收回選票數目不符﹐一定出事被發現。

至於你用「換包」方法﹐將票箱入面的選票以「一換一」方式去更換﹐相信無人可以在眾目睽睽下成功進行。


所以﹐選票預先運去票站其實問題都唔大﹐只係怕有遺失﹐令到票站提供服務時﹐沒有選票提供。
而由票站職員暫存家中﹐於投票日成個行李喼帶去投票站﹐便可解決暫存無人看守的票站保安問題。


你可以講﹐投票箱在開始投票之前有遺失點算?
可以做應急處理﹐由警方見証及看管下﹐用其他物品作為臨時投票箱﹐等待後備票箱運抵時﹐由警方見證及看管下﹐投入後備投票箱。