今次選舉選舉用品既存放地點引起爭議

kei_hk 發表於 2016-9-3 10:12
公開考試﹐如果題目外洩﹐得益者係會自己專攻相關題目﹐之後如常去應考﹐會對其他考生不公平﹐無得追查。
...

話說岩岩已經有報紙話有人想去投票，一拎到張選票就「發現其超級選區選票上，在民建聯候選人李慧琼介紹資料中，「民建聯」字眼位置被蓋上「剔號」，正常空格位則未有「剔號」」

ref: http://hk.apple.nextmedia.com/realtime/news/20160904/55598967

kei_hk 發表於 2016-9-3 10:12
公開考試﹐如果題目外洩﹐得益者係會自己專攻相關題目﹐之後如常去應考﹐會對其他考生不公平﹐無得追查。
...

就算整體黎睇唔易舞弊，但唔係咁就可以在某D細節掉以輕心
一個細節位有問題，就離出事近佐一步，
負責任的領導人係應該每個細節都著重
每個細節都近佐一步就會出事
有興趣可以睇下乜係Swiss Cheese Theory

另外，[建制mode]議員係薪高糧準的優差[/建制mode]
社會地位提升利益更係無可限量
即使有多重保安措施，過往N屆行之有效
時移世易，公務員過去尚俾大眾中立形象
今屆選舉主任就能阻人出閘，惹人質疑又有何出奇？

kei_hk 發表於 2016-9-3 10:12
公開考試﹐如果題目外洩﹐得益者係會自己專攻相關題目﹐之後如常去應考﹐會對其他考生不公平﹐無得追查。

至於選票﹐預先比你知道入面內容都無問題﹐反正上面只係印上所有候員人的資料﹐根本不是什麼秘密﹐有獨立編號。而候選人資料﹐其實只係選舉事務處之前跟隨投票通知卡(信)﹐附上的候選人資料係一樣的﹐全是公開資料﹐唔會影響選擇公平性的。


即使你去番印選票﹐在適當時間放入票箱﹐會出現發出及收回選票數目不符﹐一定出事被發現。

至於你用「換包」方法﹐將票箱入面的選票以「一換一」方式去更換﹐相信無人可以在眾目睽睽下成功進行。


所以﹐選票預先運去票站其實問題都唔大﹐只係怕有遺失﹐令到票站提供服務時﹐沒有選票提供。
而由票站職員暫存家中﹐於投票日成個行李喼帶去投票站﹐便可解決暫存無人看守的票站保安問題。
...

亮點係將例如選票之類呢D講求高度公正性既物品暫存在票站職員既屋企本身已經是荒謬安排。
一來一般家居場所本身保安規格唔夠高，二來絕對唔應該拖埋家人落水做埋管理選舉果份工。

至於選票被搞既問題，唔駛去到例如「換包」咁大工程，淨係有人例如立心不良地在選票落野搞到職員不適已經可以足以令到公眾恐慌了。

paul2357paul 發表於 2016-9-6 00:43
亮點係將例如選票之類呢D講求高度公正性既物品暫存在票站職員既屋企本身已經是荒謬安排。
一來一般家居場 ...

只可以講﹐對於票站運作來講﹐未開始投票之前暫存指定職員家中﹐算係一個最可取的方法。而最重要問題係未有更好而又可以切合實際運作的方法﹐去處理開始投票前的選票及選民冊的運送。


除了選民登記資料外﹐其他野根本唔值錢﹐遺失都唔怕。
如果相關職員家中保安係有問題﹐大可以唔接受暫存物品。

不過﹐我同意係有改善的空間﹐但在多方面取捨的情況下﹐未必可以全面用新方法。


至於你講打職員主意﹐令到他不能去開工。
可以同你講﹐每個票站最少有2位職員負責選民登記冊及選票﹐假如其中一位未能上班﹐最多只係選票不足﹐需要由中央運一批備用選票去票站。




至於有新聞報導講﹐有人取了一張有預先被蓋印的選票﹐以及 "被投票"﹐我係相信係人為錯失有關。


選票被蓋印﹐有機會係職員處理紙板穿起的印仔(簡稱 : 印仔)出意外。
這個印仔﹐會隨發選票時一併給予選民﹐去到交選票時﹐才把印仔交回職員。
而職員會把這堆印仔重新分配去多個登記處


最大機會係最後一個步驟﹐把印仔回歸去登記處時﹐由於印仔係有條繩串起﹐會周圍fing的﹐有印仔在此處真係意外地在選票上面停留﹐意外地 HI 到/撞到/刮到 選票﹐令到選票上有印仔。


同一時間﹐登記處的職員又無為意選票意外地受污 (他應該無預過有這個機會﹐所以無刻意去檢查)﹐所以便取出選票並對摺交給選民。




另一可能性﹐便是選民行去劃票區的時間﹐不過機會性會低好多。
由於個印仔會fing 下 fing下﹐所以便會放在跟隨的紙板上。如果巧合地放在紙板上﹐又好巧合地攝入選票中間﹐意外地弄污選票﹐都不能排除可能性。




至於實情係點﹐真係好難去追查﹐只可以講要多重巧合才會做這的意外。
(預左有人反駁﹐事實發生的機會真係極微﹐只係首次有這樣的新聞﹐不過我只係講可能性)






而被投票﹐真係近幾次投票都發生。
唔計有人存心用假証去投票﹐發生的原因便只有職員手文之誤。

去過投票的人都知現時用什麼古老方法去核對選民身份﹐上世紀就話未有好方法處理﹐而家電腦世代﹐又點會無更好方法去減少錯誤及加快登記的效率。

用上電腦﹐到時便不需要在登記處前去搵邊一個櫃位﹐去任何一個櫃位都可以登記取選票。
除了減少人手錯誤之外﹐亦可提升效率﹐職員唔再需要慢慢搵資料﹐全由電腦處理﹐縮短整體登記時間。

到時﹐實體的選民資料冊只會係後備使用。