南港島線票價公佈，新城放心晒

南港島線票價公佈，海怡至金鐘索價高達$6.7，預計到中環或銅鑼灣有可能更貴。往旺角收$14.2，比171貴三成。

其實只要新城保證未來十年都唔加價，巴士相當有競爭力，港鐵今次真係計錯晒數。

為抗衡港鐵，建議90延長到海怡，而離開鴨脷洲後不停站直達灣仔，由於車費平$2，估計可吸引大量乘客使用，建議城巴可以改派12.8米行走。

171方面，應該盡早拆線，全日不入利東，而171A全日服務，相信可以狂搶港鐵過海客。

最重要係城巴集中做好90、96、97、592、171、171A，實施車海戰術，南港島線行三卡車一定迫爆，可望吸引大量乘客回流。

至於華富、華貴一帶，應及早放棄48及78，轉交AMS經營，到時乘客迫爆小巴上唔到車，自然搭唔到港鐵，可以安心繼續使用37A、38、42、70、72、77等線。

成個形勢嚟睇，新城今次真係無得輸！

如果唔使享受香隧塞車帶來額外補眠時間
唔見得港鐵比巴士稍貴乘客唔受

其實今時今日，價錢真係唔係太大問題。除非香隧真係可以唔塞，天橋又唔塞，否則講緊出金鐘可以話係完全無任何競爭力。下繁都有機會有啲客剩，但上繁真係唔會有得點吸客。
講緊南港島線迫爆其實一向都只係一種誇張嘅估計，好多人都分析過現實唔會點爆，而且時間上嘅優勢，絕對唔係話平兩蚊就搶得番哂啲客。

華貴、田灣、香港仔應該55波

但咁先死

巴士公司只要你D線客量流失10-20%，已經可以減班
搭巴士班死硬派等車耐左就會用其他方法

基本上我覺得268B/269B情況會係南區出現

有數得計

逸港居可以行去黃竹坑站，以前係十五間等車等好耐
去黃竹坑返工班客又去晒鐵路

變相70/72/42/38等線，本身未玩已經知道要輸咁D

都會票KO咗171啦

新城放心晒? 俾你住南區,塞左幾十年香隧,有得揀都唔揀搭巴士啦,特別是星期六,以及下繁.

因此,南港對南區巴士簡直是重傷. 講得衰D,地鐵貴多一倍,南區班居民都係會逼地鐵.

kay 發表於 2016-11-21 22:55
華貴、田灣、香港仔應該55波

但咁先死

華富、華貴、香港仔去黃竹坑轉鐵的話起碼要8.3（當坐48俾多$3），價錢比巴士貴一截。
如果新城好似我咁講放棄48同78，小巴轉鐵總車費勢必突破$9，貴巴士幾乎一倍。

鬼咩!  十幾年前政府有意興建摩星嶺隧道連接南區, 西區及西隧, 作為四號幹線延伸段, 減輕香隧擠塞, 但南區區議會以空氣污染為由反對, 自食其果!