屯門公路巴士專線

朝朝坐巴士都發現有非巴士類車輛駛入屯門公路巴士專線，有部分司機連指揮機都唔打, 話入就入, 導致巴士要急煞車, 一不留神便會造成嚴重意外, 點解九巴明知都唔出聲?

你覺得九巴出聲有乜用？

係就每500米擺一個警察喺道，咁就或者有用喇！
但，人從何來呢？

新聞報導過架啦。

一係成條公路擺4-5更亭規定慈母係繁時駐守，一係大幅加罰款；如果唔係，班博開嘅司機係唔會理你，俾你捉到咪俾320囉，班職業司機或者過境車，個320當豪俾你啦。

bjbus 發表於 2016-12-19 09:54
鄰國巴士車頭全部安裝鏡頭，
有其他車輛入巴士線即拍低交去交警，
所以司機更加自律，

而家啲新車一樣有車cam

HT408 發表於 2016-12-19 10:01
而家啲新車一樣有車cam

先假設影到的影片係可以由巴士公司主動交警方作舉報之用﹐而不涉及私隱及其他法律性問題。

片去到警方﹐都要相關司機出來落口供﹐提供更多資料﹐司機又是否願意去做﹐相關時間又是否屬於工作時間?
巴士公司又肯唔肯視為工作時間﹐派相關司機去警署去提供資料﹐同一時間會派另一位司機接替原本司機的工作?


除非﹐相關的攝錄器材係經警方/法庭認證﹐拍攝出來的影片係會有準確的日期時間(唔會不同原因出現日子時間錯誤)﹐影片不能被後期加工。
在經認証的器材所拍攝的影片﹐才可以直接用於呈堂証供/証物﹐不需要司機提供額外口供﹐以確認影片的真確性。


在這件事﹐巴士公司又唔會直接受到影響﹐除非真係撞車/因事件令車上乘客受傷﹐沒有合理理由要主動提交影片給警方﹐增加自己的工作量。



如果樓主想幫手打擊這些違規行為﹐作為道路使用者﹐都可以同警方舉報的﹐有片會更有力。
有人講﹐如果違規車主交出司機資料﹐司機又直接認罪﹐舉報者基本上唔需要再提供資料。
但司機唔直接認罪﹐舉報者便要再去提供詳細口供﹐作進一步的調查檢控之用。

PS. 其實都有司機會自備車cam﹐以防遇事時食死貓。

ky927 發表於 2016-12-19 09:54
新聞報導過架啦。

一係成條公路擺4-5更亭規定慈母係繁時駐守，一係大幅加罰款；如果唔係，班博開嘅司機係 ...

不遵守交通標誌係$450

kei_hk 發表於 2016-12-19 10:39
先假設影到的影片係可以由巴士公司主動交警方作舉報之用﹐而不涉及私隱及其他法律性問題。

片去到警方﹐ ...

現時外勤人員如因工作原因需前往落口供
相關時間將計作工時

ma212223 發表於 2016-12-19 11:55
現時外勤人員如因工作原因需前往落口供
相關時間將計作工時

司機在休班時間﹐要去警署提供資料﹐又點計算工時?

不過﹐這些都係小問題﹐大公司應該有晒指引點去計算工時的。


另外尚有其他的問題﹐外勤人員(稽查)多數都會在遇事時即時筆錄事件經過﹐所以對調查好有幫助。

但係如果在事後抽出行車影片﹐交給警方做檢舉﹐而事前相關司機根本無預先接獲通知﹐你覺得司機會唔會記得在那一轉車在某個位置發生什麼事?

你話部車要停下處理(不論有沒有人撞車/要外勤人員前來支援)﹐司機覺得有手尾跟﹐自己會醒水盡快用自己方法記錄。
但係日常行車﹐有人不當cut線﹐對自己無影響﹐隨時下一個單回程已經唔記得。

交條片去到警方﹐警方叫司機去做確認影片真確性﹐司機隨時乜都唔記得了﹐介時是否可以作出檢控﹐真係天曉得。

3AV53 發表於 2016-12-19 11:52
不遵守交通標誌係$450

$450 同唔扣分係無阻嚇性