herman15hk 發表於 2023-7-17 11:50
咁不如叫政府定左個新填海區的地區名先，四小龍同南昌一帶咁多年都係比人叫到混亂
四小龍話叫自己荔技角； ...
其實一間公營公司，就有足夠影響力改到名，例子有長沙灣站，荔枝角站，仲有康城站
不過同意政府有義務改名
AV296 發表於 2023-7-17 11:55
等等先，呢到係討論區，有分岐嘅議題，點解唔認同人地講咩就要終止討論? 呢個世界就係咁，一個有爭議嘅議 ...
沙田廣源有人質疑過？
真係冇印像
反而104個深水埗白田邨就有人話過嘞好似
但您又吹佢唔脹
白田邨又真係喺深水埗區;P;P
herman15hk 發表於 2023-7-17 11:50
咁不如叫政府定左個新填海區的地區名先，四小龍同南昌一帶咁多年都係比人叫到混亂
四小龍話叫自己荔技角； ...
南昌站一帶，好簡單，要賣樓
深水埗個朵太臭，所以一定要黐去長沙灣，再唔係就直接叫南昌站
至於四小龍，可能因為近荔枝角站，叫荔枝角方便突顯有特設出口嘅鐵路優勢，又或者係長沙灣聽落似工廠區，叫荔枝角感覺會再高級少少
selfcloser 發表於 2023-7-10 07:50
不如叫長沙灣西南偏西2.45度
西南仲要偏西，咁叫「長沙灣西」，都好合適喔
話唔定個「長沙灣西20」電牌
係劍指海麗四小龍呢
teddybus 發表於 2023-7-17 12:11
沙田廣源有人質疑過？
真係冇印像
反而104個深水埗白田邨就有人話過嘞好似
我簡單research過一下，呢啲可能都比較關事，同我地討論都可能有用。另外sorry, 沙田廣源可能比較少，可能我想講嘅係沙田顯徑
九巴亂改路線牌累客搭錯車 - 香港巴士討論 (B2) - hkitalk.net 香港交通資訊網 - Powered by Discuz!
九巴 285 線電牌資料 - 第5頁 - 香港巴士討論 (B2) - hkitalk.net 香港交通資訊網 - Powered by Discuz!
286X線修改電牌內容 - 第4頁 - 香港巴士討論 (B2) - hkitalk.net 香港交通資訊網 - Powered by Discuz!
九巴電牌更新一攝 (畫蛇添足的區名？) - 巴士攝影作品貼圖區 (B3) - hkitalk.net 香港交通資訊網 - Powered by Discuz!
路線電牌顯示更新/加轉頁 - 香港巴士車務及車廂設備討論 (B0) - hkitalk.net 香港交通資訊網 - Powered by Discuz!
本帖最後由 herman15hk 於 2023-7-17 15:34 編輯
Ohm 發表於 2023-7-17 13:11
南昌站一帶，好簡單，要賣樓
深水埗個朵太臭，所以一定要黐去長沙灣，再唔係就直接叫南昌站
南昌站因為本來就係因南昌邨而命名，叫深水埗西站高級程度無咩分別
三個海X邨又唔夠大自成一區(以前就算分期興建都會叫1/2/3期)
將軍澳個case有D唔同，Planing時大家已經分區一區一個站自成一角、最多係近年將南同市中心南混為一談
AV296 發表於 2023-7-17 12:58
其實一間公營公司，就有足夠影響力改到名，例子有長沙灣站，荔枝角站，仲有康城站
不過同意政府有義務改 ...
荔枝角站個名係搞到錯哂
原本1970年建議方案個名係最正路，現荔枝角站叫長沙灣，現美孚站返叫荔枝角，現長沙灣站叫蘇屋
AV296 發表於 2023-7-17 11:58
其實一間公營公司，就有足夠影響力改到名，例子有長沙灣站，荔枝角站，仲有康城站
不過同意政府有義務改 ...
城巴叫長沙灣「荔枝角站」巴士站做「荔枝角站、長沙灣廣場」，呢個名稱會較易令人明白。
本帖最後由 12Lane 於 2023-7-17 15:32 編輯
AV296 發表於 2023-7-17 11:55
等等先，呢到係討論區，有分岐嘅議題，點解唔認同人地講咩就要終止討論? 呢個世界就係咁，一個有爭議嘅議 ...
我幾時有權去終止呢個討論，只不過我已經講左，我回應過，我本人唔想再回應都唔可以? 我又幾時有阻止過你地去繼續討論?
咁既然閣下咁想繼續既，又要出埋D激漲法要我繼續同你講，今日又打風，咁唯有奉陪一次。
好簡單，
就你張圖，我已經唔認同你對於呢個"長沙灣"嘅畫法，咁我想問再討論落去有咩意義? 我前面已經回覆過。
咁不如講一講我嘅前題，就係地名係由幾樣因素形成，任何有根據嘅文獻都係可以被理解為地名來源解釋，後代約定俗成又得。
所以我完全冇否定過南昌定係長沙灣南係唔岩，只係我同樣覺得長沙灣西並非無根據。
引述維基百科 - 長沙灣
""
長沙灣位於荔枝角和深水埗之間，填海發展前是一個長形沙灘，以長沙灣道位置附近為海岸綫，當地鄉民稱之為長沙灣。而海旁則有數條鄉村，包括黃屋、李屋、蘇屋、鄭屋、白薯茛及上李屋，長沙灣於清嘉慶年間出版的《新安縣志》已有記載
....
一般而言，長沙灣泛指蝴蝶谷道至東京街之間的地區，以東京街與菴由(大約由東京街與欽州街之間，是長沙灣與深水埗之過渡段)連接，並與深水埗分隔；與蘇屋及李鄭屋以青山道為界，與荔枝角以蝴蝶谷道為界。然而長沙灣及深水埗一帶有很多誤以「長沙灣」或「深水埗」甚至「荔枝角」命名的建築物（包括港鐵站），容易令人混淆。例如位於長沙灣的深水埗運動場；及位於長沙灣工業區內長沙灣廣場地底的荔枝角站，甚至深水埗區議會三個以荔枝角為名的選區位於長沙灣之內。另外位於深水埗南昌站的富昌邨，施工時命名為「長沙灣西邨」（另一說法是「南昌西邨」）。另外，現今區內居民普遍視菴由(大約由東京街與欽州街之間，是長沙灣與深水埗之過渡段)，為深水埗一部分，並不視其為獨立地方。
""
引述維基百科 - 長沙灣站
""
由於長沙灣地區發展前本為一處長形海灣，因此幅距甚大，區內有不少建築物以深水埗或長沙灣命名，如長沙灣道、長沙灣廣場、深水埗運動場、長沙灣政府合署等，有些並不接近長沙灣站。亦因此有不少市民誤以為建築物名稱有「長沙灣」即等如在長沙灣站下車。故此，港鐵公司在長沙灣站內貼出告示，提示乘客如要到長沙灣廣場，應在茘枝角站下車；而前往長沙灣政府合署的乘客，應在深水埗站下車。
""
引述維基百科 - 深水埗
""
深水埗歷史悠久。「埗」、「埔」及「埠」三字相通，意思是深水而無淺灘的海灣，皆解作碼頭，由此可知深水埗過去是一個深水碼頭。深水莆甚麼時候改名爲「深水埗」則難以稽考。1912年以前，政府並未熱衷於發展深水埗區，區內主要的道路設施僅有1902年建成的大埔道及其後建成的青山道，其餘發展則由私人發展商小規模負責，如南昌街至桂林街一帶的填海工程。數十年前，深水埗曾稱作「深水埔」。時至今日，深水埔街坊福利會仍然以「深水埔」爲名。現時，深水埗與塘尾、石硤尾、長沙灣、荔枝角、昂船洲等地在行政區劃上同屬深水埗區，但沒有明顯分界而且互相交接，而欽州街至東京街屬深水埗與長沙灣的過渡地帶，在深水埗區議會中屬於長沙灣選區。
""
冇錯，第一句你會問我，維基係唔係有效資訊來源，我會話，未必。但"灣"字本身解"海灣", "海岸" 之意應該唔會錯。
咁大家就要諗，到底"灣"係一個點，定係一條線；當填海後，呢個區邊一個位係中心點?
參考兩份文獻，圖一圖二，歷史問題，圖例各有不同，對位就冇可能完全同今日比較，唯有盡力求真，冇偏幫嘅。
首先，到底長沙灣係一個點，定係一條海岸線，
如果你覺得係一點，圖一1866年已經清楚定明呢一點大約位置，海麗海達都喺呢點以南。
但如果長沙灣係一條海岸線，咁範圍會更大，條海岸線由北至南, 海麗海達 分別在呢條線以南->以西南->以西。
而圖一亦有一幅簡陋地圖，顯示長沙灣仿為"海灣"的大約位置和走向。
圖二，比較近代，可見未經完全填海嘅長沙灣，及其海岸線連綿位置，雖說"西"未必最準確，但個人認為講唔上錯。
當然，我唔否認該地同樣可稱作深水埗西。
維基有樣野似乎講岩左，就係地界本身就非常模糊，冇明確界線，甚至冇基準點，又何來"絕對正確"之方位?
你畫幅圖，先唔講長深並無官方明確地界，咁邊個位先係基準點?
呢點就係我一直想表達嘅矯枉過正說。官方就直頭將長沙灣站一條由東北向西南嘅發祥街尾段稱發祥街西。咁去到呢道，又係咪你口中講緊嘅畫圖形叫小學生答問題咁簡單?
本帖最後由 ccchhhuuunnn 於 2023-7-17 16:32 編輯
herman15hk 發表於 2023-7-17 14:31
南昌站因為本來就係因南昌邨而命名，叫深水埗西站高級程度無咩分別
三個海X邨又唔夠大自成一區(以前就算分 ...
你話係就係？
深水埗新盤叫自己南昌東
南昌站有新樓地鐵上蓋匯壐
邊個名臭啲一目了然
三個海x邨如果用同一個邨名其實夠大
不過四小龍喺度啲人又點會咁易嗌公屋名