東鐵綫信號故障，現時全線服務暫停 (1130恢復)

JA5674 發表於 2018-1-12 01:06
「你估下九龍灣班高層知唔知咩叫做四色燈? 人地做地鐵大既, 火車既野佢識鬼咩」
你咪傻啦
點會唔識呀

我大力推薦九龍灣高薪挖角鍵盤磚家取代班垃圾啊sir
到時肯定101.1%準時

話MTR班人唔識4色燈我真係俾個服字佢
入行做signalling engineer 邊個唔使學3/4色燈系統?
IxSE堆考試書唔知佢又刨過未?

上網扮磚家個個都識
railway signalling最緊要係咩呀? 其中之一係唔會炒車呀
你叫班Tcap 零保護咁跟4色燈行 炒左邊個負責?

好呀用token行 而家成條線停低
你放到幾多抽車?

sakura549 發表於 2018-1-14 10:38
我大力推薦九龍灣高薪挖角鍵盤磚家取代班垃圾啊sir
到時肯定101.1%準時

唔使放好多抽, 就算淨係1抽已經好大幫助, 東鐵MLR一抽定員3862人, 一架3+2座位既旅遊巴定員約66人, 一架雙層巴士定員約120人,
一抽MLR已經等於32架雙層巴士, 58架旅遊巴, 已經對疏導乘客有好大幫助, 掉轉黎諗, 一抽MLR停駛你邊到黎搵58架旅遊巴載咁多人?
重要而家成條東鐵唔止一抽車喎, 加起黎成幾萬人等住你車, 你車得幾多個?

所以話而家唔係要東鐵故障都要比返3分鐘一班既班次, 就算15分鐘甚至30分鐘一班都好過冇, 起碼都叫有限度服務,
當然唔係叫你22kph loop足全程, 行咁慢係唔合理既, 反正本身有程序做到疏車但係正常速度既服務 (港鐵廢除就係另一回事)

053h4 發表於 2018-1-13 22:41
Station mode 係由控制中心監控下由車站進行有關操作，唔存在所謂放權

根據呢篇原載於MTR Service Update既文章指出

目前，港鐵市區綫的訊號機組屬「分散式」（de-centralised）配置，以各車站的機組合組聯網，當控制中心無法調度，可將控制權交到車站機組。若機組因通訊失效而無法聯網的話，最終可由各車站控制室的「綜合後備控制板」（IBP），透過電路開關改動路軌方向等，逐列列車放行，是為「在地控制」（Local Control）。

請問呢位版友"唔存在所謂放權"既資訊又係邊到聽返黎既呢, 定係版友又係九龍灣個垃圾桶執到個龜殼?

ky26042008 發表於 2018-1-14 11:14
唔使放好多抽, 就算淨係1抽已經好大幫助, 東鐵MLR一抽定員3862人, 一架3+2座位既旅遊巴定員約66人, 一架雙 ...

重大故障期間勉強維持有限度服務,
有機會令修復時間延長, 影響更多人.

當時, 獨市路段 eg.上水去羅湖有限度服務係應該, 我都贊成既

cruisesnet 發表於 2018-1-14 11:23
重大故障期間勉強維持有限度服務,
有機會令修復時間延長, 影響更多人.

咁就要睇所謂"修復時間延長"係咪值得啦, 如果好似今次事件, 正值繁忙時間壞車,
我覺得如果維持有限度服務, 疏導繁忙人流先, 等待非繁忙時間先停駛修復係值得既,
因為非繁忙時間交通需求較細, 對市民影響較少, 其他交通工具 (如巴士) 都較易抽調加班車疏導乘客,
如果你繁忙時間停駛, 果時巴士又打緊仗, 都分唔到車黎幫你, 結果就係乘客望天打掛, 咩車都冇

唔好講市區線啦~ 市區線的確係有所謂"現地控制"權
但東鐵係冇呢樣野 唔好撈亂

ky26042008 發表於 2018-1-14 11:39
咁就要睇所謂"修復時間延長"係咪值得啦, 如果好似今次事件, 正值繁忙時間壞車,
我覺得如果維持有限度服務, ...

做到的話你估唔會做? 就係做唔到先唔做嘛
控制室最基本既野都做唔到時 勉強行車 一陣出事 D人又話做乜勉強行車
而家唔係一個半個站出事 而係全線出事

而且又唔係你話想轉行人手就可以立即轉到
至少都要搵人落路軌鎖晒D波口先 你又知唔知?

Hisui 發表於 2018-1-14 12:21
做到的話你估唔會做? 就係做唔到先唔做嘛
控制室最基本既野都做唔到時 勉強行車 一陣出事 D人又話做乜勉 ...

其實有時係未必真係做唔到, 只係驚揹鑊先唔做, 呢個真係要睇港鐵平時有冇做好應變辦法既培訓,
睇返其他版友講, 港鐵"當家作主"後幾乎移除哂所有東鐵人手操控既辦法, 完全依賴電腦控制, 咁電腦出左事咪邊到都唔使去,
當然我都同意係明知職員對人手操作認知不足下強行用全人手操作係好大風險既, 但係呢個都係平日唔勤加訓練既結果黎,

呢個事故唔係冇辦法解決, 而係本來有辦法, 但係港鐵過度信賴電腦系統, 搞到Plan B都冇, 結果電腦一出事就大大鑊,
如果而家又出現裂紋事件, 我估港鐵都唔會夠膽比東鐵全線行ATP, 因為班車長用慣ATO都幾乎唔識渣車咁滯,
係外國有D行ATO既鐵路都會要求車長每日做一次全線行ATP手動操作, 目的係確保車長對手動操作有一定認識,
至於港鐵係呢方面有咩措施我就唔清楚啦, 希望有知情人士可以解答一下啦

Hisui 發表於 2018-1-14 12:15
唔好講市區線啦~ 市區線的確係有所謂"現地控制"權
但東鐵係冇呢樣野  唔好撈亂
...

呢個係純粹想糾正上面位版友對市區線"Local Control"既誤解

sakura549 發表於 2018-1-14 10:38
我大力推薦九龍灣高薪挖角鍵盤磚家取代班垃圾啊sir
到時肯定101.1%準時

讀書時讀過冇用, 唔係讀過就識應用返出黎, 有D野你讀過但係十幾年冇用過, 的確係會生疏/ 一時唔記得,
呢個就係用地鐵思維管火車既壞處, 地鐵同火車本身都有D獨得既地方, 就算讀過平時都唔會用得到 (e.g. 四色燈系統)
當有需要用到時決策層亦未必會第一時間諗到呢D只係係書上面讀過既野, 就算諗到都未必有信心用 (用左出事我咪唔使撈?)

就以駕駛執照為例, 你問下任何有駕駛執照既人有幾多人唔睇書答到以下問題?

一架車以80公里前進, 最少需要既停車距離為幾多米? 55/ 60/ 65/ 70米?

呢題係考車牌筆試幾乎係必考既, 但係而家有幾多人重識答?

又以航海為例, 係未有GPS既年代, 遠洋航海係靠用六分儀做定位既, 六分儀係一樣好古老既儀器, 係1731年發明, 目的係測量天體既仰角,
據我接觸過既遠洋航海員所講, 係課程上, 航海員一定要學用六分儀, 星象定位/ 導航, 考試亦一定深入考, 以防萬一電腦故障就大大鑊,
但係我聽過好多故事係講, 其實好多船長根本已經唔記得點用六分儀, 因為過去幾十年都係用GPS導航, 無啦啦唔會用六分儀, 搞到冇人識用,