一線搜查講長車短搭

lsc04d11 發表於 2023-7-27 20:04
長乜車短搭丫？ 呢7日內撞到2個無理乘客 頓時發覺長車短搭唔係錯  因為有人用一句”唔該哂” 又冇哂證又冇 ...

側側膊唔多覺成日都有，不過又咁講，佢合唔合法又真係唔太關我事，佢有本事，我又冇損失，呢個情況都係巴士公司急多過我去急；兩蚊就政府反而急多過巴士公司急，市民駛唔駛為政府急就兩睇啦。

12Lane 發表於 2023-7-27 19:56
個問題本身就唔在於呢度。
係政府話兩蚊用多左公帑牙痛咁姐。

講黎講去只係策劃者死唔認錯

又要威（加福利換民怨降溫），又唔願出錢

仲要揭露埋一直以黎既車費結構問題（無得揀焗搭貴車）

死唔認錯就唯有賴老人家唔識拍卡，你話笑死唔笑死

kei_hk 發表於 2023-7-26 12:12
大西北已經有車站的拍卡機做雙向分段﹐唔需要用車上的拍卡機。

問題係巴士公司及政府想唔想攪。

大西北有輕鐵做對手競爭，其他地區有？
很久以前，已發現大西北既區內單向分段特別平，又係乜原因？

某些人好憎輕鐵，又覺得巴士好好，恨不得拆晒輕鐵改晒做巴士。雖然輕鐵的確麻麻，但如果冇輕鐵做對手競爭，巴士仲會做到咁好？

kei_hk 發表於 2023-7-26 11:54
麗瑤情況﹐全部都唔係區內線﹐全部都係長程線﹐這一點唔算係長車短坐。
唯一可做﹐就係叫巴士公司提供雙向 ...

麗瑤出九龍嘅46號巴士，收$6.4 搭落荔景鐵路站我覺得係 marginal case 。

要怪就怪去到荔景鐵路站嘅46M、47M、91A 專線小巴缺乏低地台服務吧，想踏少一兩級「梯」級就唯有搭九巴46 甚至45。

不過，如果65歲或以上搭九巴原本係收半價，補貼費用係「半價-$2」嘅話，搭「長車」(哪怕再貴啲嘅45號大巴，全費$7.6而65歲或以上半價就只係$3.8) 嘅補貼額係低過綠頂小巴(我當專線小巴長者原本係收全費)，
係樂悠卡或合資格傷/殘疾者嘅補貼幅度會多些少。

MCMoore 發表於 2023-7-27 12:55
廣黃最經典嘅長車短搭例子唔係86出源禾路咩

83K 係慢啲咁解，要兜完沙田市中心至去得到源禾路。沙田鄉事會路會否擠塞就好難講。
另外，沙交受訪當日有冇在現場「捉」到83K線班次開唔開得足咁呢。

但假如未來嘅人工升幅遠遠大過車費加幅產生嘅新增收入，巴士公司有朝一日捱唔住嘅最後手段都可能係成條83K cut 晒，然後搵86雙向分段頂替。

mckhgc 發表於 2023-7-28 00:05
大西北有輕鐵做對手競爭，其他地區有？
很久以前，已發現大西北既區內單向分段特別平，又係乜原因？

輕鐵嘅一大好處係很多列車都有把緊急通風窗嘅標貼移走，改為「如須更多空氣請開窗」之類嘅標貼，部份巴士車隊都有為少量車窗改為可開啟通風窗，但數量太少；從減低染病風險嘅角度，搭輕鐵若確實揀架歡迎開窗並確實有開窗兼坐正在貼近通風窗之座位，咁樣搭輕鐵係安全過搭巴士嘅。

kei_hk 發表於 2023-7-26 12:38
正解。

一律 $2﹐拍完自己慳唔到錢﹐完全無誘因去做。

係，有誘因（全費客）vs 冇誘因（兩蚊客，甚至月票客都可以計一份）

dubbies 發表於 2023-7-27 16:36
40X 何嘗唔係馬鞍山去源禾路之選

40x (南行方向)呢個例子比廣黃86更佳，廣黃都仲有條兜路嘅83K代替，但40x想搵架短途車代替，有啲位真係比較難，810小巴線在利安邨/錦英苑係冇得答嘅，除非把86K巴士線改做循環線兼改到類似83K 咁款。

我講左好耐，要巴士公司全部開雙各分段收費，$2車只會補最平車費，除非巴士公司可証明該人是長途。 用錢做班巴士公司就可以解決問題。

mckhgc 發表於 2023-7-28 00:05
大西北有輕鐵做對手競爭，其他地區有？
很久以前，已發現大西北既區內單向分段特別平，又係乜原因？

其實大西北分段唔係特別平 , 只係港鐵加價加下加下就拉開咗少少距離啫
更何況班人區內搭巴士都唔係因為平 , 而係方便