本帖最後由 HZ8186 於 2024-3-17 02:20 編輯
小弟上年年頭於悉尼獨遊多日後，便藉機拜訪下澳洲一些比較冷門既地方 - 完成悉尼的項目後先到坎培拉一日遊，再飛往墨爾本轉機回港。
今日既行程係相當緊湊 - 小弟會先乘當地火車由悉尼到坎培拉，於坎培拉遊玩八小時後 再由坎培拉乘 Qantaslink 到墨爾本 轉機回港，順便一嚐 B717 既風采。
註：不過由於小弟懶既關係，呢份 遇溺記 係遲左一年有多先至面世 - 文章內容相隔一年係依然準確既，不過要一嚐 B717 最後風采既 就敬請閣下盡快啦~~
-- Flight Info --
QF1531 CBR-MEL VH-YQU Boeing 717-200 STD 2010 ATD 2030 (AEST) STA 2120 ATA 2135
-- The road less taken --
小弟既尋找波音 717 之旅 始於一個非常清靜既悉尼中央火車站。雖然澳洲既長途火車班次少之又少，不過火車其實不失為一個來往大城市之間既好選擇。NSWTrainlink 每日提供三班 悉尼 - 坎培拉 既火車班次 - 雖然火車只係由三卡柴聯組成，不過所有車廂係有冷氣提供，而個別車卡甚至有頭等座位同小食亭，整體感覺係幾舒服。
係澳洲搭乘長途火車係一個相當特別既體驗 - 澳洲既長途火車係採取實名制 - 小弟三日前於車站購買車票既時候係要提供名字，電郵同住址，不過當日登車時只需向車務人員確認名字已可，連車飛都無拎過出黎。把行李放妥後，小弟便把椅子靠後，慢活地開始呢個 尋找 717 之旅。
今日既用車係一部 ABB NSW Xplorer，係一個由三個車卡組成既 Diesel Multiple Unit (DMU)。雖然佢絕對唔係 The Ghan 或 The Indian Pacific，不過佢既車廂係非常舒服同寧靜，以及價格合理，不失為一個由首府來往 Sydney 既選擇。
小弟今日搭既係二等，車廂用上一個 2+2 既排位，而座距係相當闊綽。今日班次亦設有頭等座位，不過據小弟理解 頭等座位只係 legroom 多少少而已，究竟值唔值得俾多一倍錢 對腳可以伸長少少就見仁見智啦~~
比較需要留意既 係列車並沒有 Wi-Fi 提供 - 去到鄉郊地區時手機訊號接收係會差少少 (之前見過評論話 由於車廂係用鋼鐵製造 牆壁會好似一個 faraday cage 般隔走手機信號)。 小弟身邊既乘客皆有備而來 離開悉尼市郊時 不約而同地拎起書本或 iPad - 幸好小弟昨天於 Wollongong 的 HARS 博物館購買了本講述 Qantas 歷史既 The Flying Kangaroo，都總算可以扮下 local 咁~~
四小時後，火車緩慢地駛進一個只有一邊月台既鄉郊小站 - 呢個就係今日火車服務既終點站 - 坎培拉
-- Southern Sights --
坎培拉係一個相當獨特既城市 - 同唔少相對上年輕既國家一樣，佢既首府係一個 Planned City。抵埗後小弟購買一張一日票，便前往拜訪佢地既澳洲國家博物館，以及澳洲既上, 下議會。
於坎培拉闖蕩八小時後，小弟搵左間郵局寄明信片，再乘當地巴士前往機場，展開今日行程既下半部份 - 尋找波音 717 之旅。
-- Canberra Airport --
坎培拉機場係非常現代同整潔，而辦理登機手續到保安檢查都係一個非常快捷及輕鬆既過程。
不過機場既 Landside 部份比較少設施同商舖 - Landside 除左有一個細既展覽 展出一部 Hudson Bomber 之外都無咩特別，而小弟都無係 Landside 逗留太耐，辦好登機手續同拎左 boarding pass 後就通過安全檢查進入禁區，再搵餐廳食左個晚餐。醫好個肚之後，小弟就走左去搵個窗口位 靜待今日既 B717 從 MEL 飛抵。
Canberra Airport 主要服務國內航點為主，而同澳洲其他機場一樣，主要用家都係 Qantas 同 Virgin Australia 呢個 duopoly。雖然坎培拉係澳洲既首府，不過佢唔係一個大城市，而佢既目的地網絡都比較有限。來往悉尼，墨爾本等大城市既航班係可以頻密至每小時一班左右，不過大部份航班都係用 B717 同 E190 等中小型客機營運。
Canberra - Melbourne 既 City-Pair 之中， VA 係派出 737-800 營運航線，而 QF 則用上 717-200 連接兩地。
-- The Adopted Jet --
今日既主角從墨爾本飛抵 - 今日既用機係 VH-YQU，係一部由 National Jet Systems 為 QantasLink 營運既 B717-200。
Boeing 717 係一部非常特別既波音客機 - 唯特別之處就係佢唔係一部由波音設計既客機。原名 MD-95，佢係 DC-9 家族既最後一員，不過由於 McDonnell Douglas 於 1997 年被波音收購，最後呢部飛機係命名為 Boeing 717。
DC-9 系列既飛機由六十年代到千禧初 一直係唔少航空公司既主力機種。由於其後置雙引擎，T-Tail 既設計 概念簡單， Douglas (以及日後既 McDonnell Douglas) 係可以輕易地把機身伸長縮短，做出多個版本以迎合唔同航空公司既需要。 由 109 座位既 DC-9-10，到 172 座位既 MD-81 - 佢地骨子裏都係同一個設計 - 即使第一部 DC-9 早於 1965 年投入服務，不過至今其 “後代” 依然係唔少地方依然使用中。
B717 就係呢個設計既最終版本 - 配上新既控制系統，以及兩部勞斯萊斯 BR715 引擎，呢部可以搭載多達 134 位乘客既飛機於 1999 投入服務，並最終售出 156 部，並現時為 Delta, Hawaiian 以及 Qantas 服務。
Qantas 同 B717 之間既淵源就要由一間名為 Impulse Air 既 Regional Airline 講起 - 二千年初 航空公司係希望用 B717 以廉航模式挑戰 Qantas 同 Ansett 於國內既 duopoly (情況係有少少似今時今日正在挑戰 Qantas/Virgin 既 Rex Airlines 咁)，不過短短一年後， Impulse 以合約形式接下 Qantas 支線航班既營運，而 Qantas 於隨後幾年亦買下 Impulse 既業務。
Qantas 隨即開始靈活調配佢新添既 717 機隊 - 機隊於 04 年為 Jetstar 做開荒牛，而 05 年後 轉到 QantasLink 既各個區域樞紐 (例如 Hobart, Canberra 等) 繼續服務。Qantas 並於隨後年間擴展其 717 機隊，高峰時一度有多達二十部 717 為澳洲各小，中型城市服務。
不過呢批 B717 既年事已高 - 最大 B717 營運商 Delta 早前公佈將會購入過百部 A220-100 & A220-300 (當時依然為 Bombardier CSeries)，而Qantas 亦從 Airbus 訂下一批 A220-300，並會於 2024 年開始以一個 ‘一換一’ 既形式逐一取代。
如果讀者係香港長大，相信閣下同筆者一樣 都係除左長榮既 MD-90 之外，比較少接觸到 DC-9 系列既客機 - 就睇下呢部 B717 客機究竟係咩來頭，以及佢既乘客體驗究竟係如何啦~~
-- QF1531 --
值得一提既係今日航班既營運公司 - 雖然航班編號係掛上 Qantas 既 prefix，不過今日既飛機係由 National Jet Systems 營運，並用上 QantasLink 既包裝。同其他歐洲既航空公司一樣， Qantas & Virgin Australia 都會將部份短途或國內既航線既營運交予自己既子公司營運，並將 “Mainline” 同 “Regional” 既營運同品牌分開。 Qantas 既 “Regional” 版本名為 QantasLink，而旗下既航線係會按照機型交予唔同子公司營運。今日既營辦商 National Jet Systems 其實係由 Qantas 全資擁有，不過相信以上操作係可以簡化機隊既運作，以及可以為乘客既期望作出管理。
雖然今日既航班因為先前既延誤而需要順延半小時起飛，不過呢個簡短既航班係非常簡單同愉快。今日航班只有大約四五十位乘客左右，而登機程序好快就完成。機組人員完成起飛前的檢查以及進行安全示範後，兩部聲音雄厚既 BR715 好快就將呢部 B717 推到天空裡，向維多利亞省既方向進發。
到達巡航高度後 機組人員隨即開始今日既 Inflight Service - 雖然當時正值晚飯時間，不過當日每位乘客只獲發一塊曲奇及飲料。塊曲奇係幾好食既，不過小弟慶幸自己有係 Canberra 上飛機前醫肚咯~~
航班上娛樂方面， QantasLink 既 B717 並沒有椅背螢幕或 Wi-Fi，而只有 Inflight Magazine 提供。不過今日最娛樂到小弟既 莫過於窗外正在慢慢流逝既日落 - 可惜飛機年事已高 窗口比較多刮痕 否則影落既照片係應該夠出一星期份量既 IG Story :p
座椅方面，QantasLink 係用上一個 12J 98Y 既機艙佈局 - 商務艙係用上一個 2+2 既排位，而經濟艙則用上一個 2+3 既排位。
經濟艙既座椅係非常舒適 - 整潔既仿皮外套包住一個結實既坐氈 - 呢張座椅既承托力係非常好，絕對足以讓乘客係澳洲可能多達四小時既內陸航班上有一個舒適既旅途。雖然座椅既厚度係令到有效座距減少，不過相比小弟之前搭過，差唔多同大小既飛機中 (例如 Fokker 100，Avro RJ100 等) 呢個係一個 improvement 黎~~
機艙既隔音亦比預期中好 - 雖然飛機引擎位於機身後方 並直接連住機身，不過震動同噪音除左係起飛同降落時比較明顯之外，其餘時間都唔會感覺到。
Inflight Service 完結後，小弟走去機尾使用洗手間 - 而機尾部份係清清楚楚見到 DC-9 Series 設計既影子。六十年代初，唔少機場既建設同服務都未如現今般發達，而 Douglas 為左增加飛機既實用性以及減少 turnaround time, DC-9 有唔少設計係為方便地勤人員作業既 - 除左機艙盡量貼近地面，方便地勤人員處理行李同作出檢查之外，飛機亦配有兩條 Airstairs - 分別位於機頭左則，以及機尾 兩個引擎中間，以增加登機速度，減少飛機於地面停留既時間。呢個設計亦沿用於 MD-80 系列既飛機，而小弟亦於希臘乘坐 MD-82 既時候，體驗過呢個奇妙既登機模式。
雖然 B717 並沒有保留機尾既 Airstairs，不過其逃生通道既功能則獲保留。同 MD-80 系列既飛機一樣，遇上緊急情況時，拉下手柄就會一個小既 explosive charge 把機尾部份炸開，然後乘客就可以打開艙門逃生。
飛機好快就到達墨爾本上空，並於 2135 分降落。經過一個頗長既 taxi 之後，飛機停靠 T1 既衛星閘口，並悠然地伸出 Airstairs，為呢個飛行體驗作結。
餘下既旅途都非常順暢 - 小弟落機後徒步由 T1 步行到 T2。再進行安全檢查同辦理出境手續後，小弟便坐上當晚既 CX105 回港，結束呢個新年遠征澳洲之旅。
-- Conclusion --
總括呢個 1h05m 既航班，呢個係一個幾好既體驗 - 雖然今日航班由支線公司營運，並沒有 full service，不過由於航空公司有 set expectation，所以小弟論期望 又無感到有太大落差。
波音 717 客機係一個可靠舒適既機種，不過正所謂不過青出於藍勝於藍，相信係 A223 抵達澳洲之後，乘客體驗更可以大大提升，尤其係機上娛樂既方面。
澳洲除左 Sydney, Melbourne 之外其實有好多值得發挖既城市 - 希望之後再黎南半球既時候可以有機會拜訪啦～～
小弟既尋找波音 717 之旅 始於一個非常清靜既悉尼中央火車站。經過四個小時既車程後，小弟到達澳洲既首府 - Canberra
作為澳洲既首府，唔少國家機關都位於呢個中型城市之中 - 澳洲既上, 眾議院皆位於 Parliament House 呢個建築物入面。
於 Canberra 遊覽一天後，小弟便乘巴士前往坎培拉機場，開始今日旅途既戲玉~~
Canberra Airport - 雖然 Canberra 既人口遠遠不及其他澳洲城市，不過其國內既航線網絡係相當 well developed~~
不過呢個機場既設施則比較少 - Landside 基本上除左停車場之外 係咩野 Amenities 都無
Australian War Memorial 於 坎培拉機場設立既 Lockheed Hudson - 以紀念 Lockheed Hudson 於二戰期間為 RAAF 作出既貢獻
雖然佢既設施欠奉，不過坎培拉機場既設計係非常現代 - 佢既落地玻璃設計令柔和既天然光可以佈滿整個離境層，而整個候機環境都非常舒服
坎培拉既 Airside 則有多翻少少設施 - 除左餐廳 酒吧 商舖等基本設備之外， Qantas 同 Virgin Australia 亦有於機場設置專屬既候機室。
今日既主角 - VH-YQU (B717-200) - 從墨爾本抵達坎培拉。由於客運大樓係用上唔少落地玻璃，所以唔少候機空間都可以輕易見到坎培拉機場主跑道 既所有 movement
雖然飛機比原定時間遲左足足四十分鐘抵達坎培拉，不過係地勤人員既準備下 飛機抵達閘口後二十分鐘 已經準備好接待前往墨爾本既乘客
Staring into the eye of a Rolls Royce BR715
經濟艙既座椅係非常舒適 - 雖然座椅既厚度係令到有效座距減少，不過相比小弟之前搭過，差唔多同大小既飛機中 (例如 Fokker 100，Avro RJ100 等) 呢個係一個 improvement 黎~~
踏破了鐵鞋 被歲月帶壞 先知道得與失記不記得不需太介懷 放過了別人 戾氣都化解 其實還未化 或偶爾失態
雖然航班時間屬晚飯時間，不過當日既 Inflight Service 只有簡單既飲料同餅乾
小弟當日既 ‘機上娛樂’ - 航空雜誌以及安全卡 - 留意安全卡係如何描述機尾逃生出口~~
雖然 B717 並沒有保留機尾既 Airstairs，不過其逃生通道既功能則獲保留。同 MD-80 系列既飛機一樣，遇上緊急情況時，拉下手柄就會一個小既 explosive charge 把機尾部份炸開，然後乘客就可以打開艙門逃生。
座椅方面，QantasLink 係用上一個 12J 98Y 既機艙佈局 - 商務艙係用上一個 2+2 既排位，而經濟艙則用上一個 2+3 既排位。
經過一個頗長既 taxi 之後，飛機停靠 T1 既衛星閘口，並悠然地伸出 Airstairs，為呢個簡短卻充實既飛行體驗作結。
~~ Fin ~~
如果閣下鐘意小弟既飛行報告既話, 不妨睇埋 浸鹹水遇溺記 以外 其他旅行報告~~
一個唔搭因航遭天譴的故事
一個初嘗 East Midlands Trains HST 頭等座既故事
一個被威爾斯政府資助乘搭頭等列車既故事
一個蘇格蘭島嶼, 兩個汽車渡輪既故事
一個東京諸島的遊記
一個尋找 Fokker 100 的故事
| 
樓主
