個人覺得BYD又唔係外界講到咁差

HU6455 發表於 2024-3-19 23:23
大陸既野,你比幾多錢佢,佢就自然比幾多貨你!

事實就係,你貪平買,自然質量差

都唔一定㗎，城記咋 YM 都係高配版，全車來籠嘢咁滯。

結果行咗一兩年個底仲靚過聲粗拉拿。

樣都攞嚟講，真係幾無理批評，一部巴士啫，又唔係你條女

我就覺得除了冷氣外，都可以接受，而 DENNIS VOLVO 都唔見得有幾出色，DENNIS 出名啪啪啪，VOLVO 其實舒適度一代比一代差，都一樣新出牌時候就正，用耐咗之後停車又嘈又震

12Lane 發表於 2024-3-19 23:56
Exactly，綠色果隻雙層搭過一次，焗到想落車，坐多幾個站，凍到想落車。

冷氣問題﹐要睇埋部英國車的表現﹐而且係要睇埋佢冬天的情況。
可能﹐一樣有相類似的情況。



電動車又要控制溫度﹐又要控制濕度﹐就好睇車廠的調校功力。
私家車/細車可能易D﹐但成日會打車門﹑上落客多的車﹐車內環境變化的快﹐就未必易處理。

可以看看以下一條片的講解
https://www.youtube.com/watch?v= ... VG0ircjUkA&index=33

szeto993 發表於 2024-3-20 10:02
跟手問題就係就係電池應該係買斷定訂閱，台仔gogoro 關於呢方面嘅問題都嘈咗好多年 ...

以營運公共交通嘅機構黎講，最可取就係買一大堆電池返黎，叫間廠去做電池保養。
幾多年就慢慢再同佢計，
但最基本嘅充電站、換電站基建等等，根本就應該由公共交處機構出錢去搵人地間電車廠去 set up。

等同油站、油車嘅概念。

NIO 個套用起私家車個到，
最大問題係我買架新車返黎明明係裝新電池上去，但係用完個換電站就將我嘅新電換左出去。
唔買斷用 subscription 個隻模式 NIO 本身又唔係收得平。

NIO 一日唔解決呢個問題一日都好難發大黎搞。
但係而家 NIO 又未本事去叫佢地嘅客用換電模式，
除非有朝一日 NIO 換電站做到好似油站咁多；但到時就係邊到有咁多資源去做咁多電池。

* 某程度上 NIO 換電係好岩香港或者城市用，
但係講到美加個啲地大人少，密度低嘅地方，換電站係唔岩用。

雖然 NIO 係可以用超充叉電，但用返超充就已經唔係換電個原意。

kay 發表於 2024-3-20 07:23
以前D比亞的士就唔襟玩

不過香港地只要唔係差過華廈神龍已經贏左

當年嘅 BYD 都已經係 n 年前技術，
而家人地堆海乜海物都賣到去歐洲澳洲。

相信點都已經好過以前 n 倍；
只係當年口碑差，佢而家要打返入黎 local 市場點都要返啲時間了。

啦，機會就比左佢，
未放雙長眼睇下堆電巴可以玩幾耐。
（而家最好啦，ADL 都黎埋，若干年後一齊對比下就知 BYD 係龍係鳳；或者到時證明到英國佬先係垃圾，who know ）。

kei_hk 發表於 2024-3-20 11:21
冷氣問題﹐要睇埋部英國車的表現﹐而且係要睇埋佢冬天的情況。
可能﹐一樣有相類似的情況。

雖然話Denso用得耐都有弱風/唔凍問題（同保養或者有關，呢度唔多講），但好似從來無係電動車見過用Denso冷氣？
至少柴油車新車時Denso個恆温好過依家BYD嗰副冷氣

BYD冷氣唔得真係難搞, 一上車已經臭, 出風果下勁, 之後又係熱到臭

kingprowm 發表於 2024-3-20 10:48
樣都攞嚟講，真係幾無理批評，一部巴士啫，又唔係你條女

我就覺得除了冷氣外，都可以接受，而 DENNIS VOLV ...

樣都唔講得，以後炒晒全世界啲設計師囉。

S3V3 發表於 2024-3-20 11:49
雖然話Denso用得耐都有弱風/唔凍問題（同保養或者有關，呢度唔多講），但好似從來無係電動車見過用Denso ...

我相信你無睇條片入面的講解了。

空調系統會有暖氣及冷氣﹐暖氣作用就不用多講﹐冷氣除左降低溫度之外﹐就係抽濕。

人的舒適環境係約22-24度﹐濕度約50%。


電車的空調就係死於濕度控制方面。
或者講白D﹐就係油車及電車製造暖氣的方法唔同﹐令到電車有空調好難做得好的原因。


油車的空調﹐其實係冷氣 及 暖氣同時運作﹐溝出適當的溫度輸出﹐做到恆溫。
既可有舒適溫度﹐亦因為冷氣有運作而抽濕﹐所以好易做到最舒適的環境。
簡單講﹐咪即係有如變頻冷氣﹐識得自動轉變輸出冷氣的溫度。



但係電車的空調﹐同油車係完全唔同﹐只能夠冷氣運作﹐又或者只能夠暖氣運作﹐唔能夠冷暖氣同時運作。
當去到一些臨界點溫度就會出問題。

當溫度高少少冷氣運作﹐去到低番少少 或者 天氣凍的日子﹐冷氣就停上運作﹐繼而只出風/暖氣。
這樣﹐車廂就會出現悶焗﹐直到高過預設溫度重開冷氣 / 一段時間後自動重啟冷氣運作。
這個情況﹐就等同以前的未有變頻冷氣機﹐製冷時會好凍﹐夠溫度就停製冷﹐隔一陣就好悶焗。

如果係天氣冷﹐車內溫度一直都上唔番約25度﹐車內人數又多﹐問題會更大。
因為人多的時間﹐亦代表呼吸帶出的濕氣高﹐結果因為要控制濕度要開冷氣﹐結果車廂就會再要凍一些。
** 唔係無解決方法﹐只係成本效益問題﹐用電高左影響續航力。

12Lane 發表於 2024-3-20 12:09
樣都唔講得，以後炒晒全世界啲設計師囉。

樣唔會影響巴士性能和舒適度先