分手了......

同她拍拖將近一年，最終於30/7晚入camp前由她提出分手了。

(ps：個camp係音樂事務處的music camp，佢係其中的青年樂手，入camp的樂團training，我係音樂事務處的part-time staff，係樂團的助理，我同她一直是這個關係)

個晚佢係MSN突然話想同我做番朋友，佢覺得佢無左愛的feeling，唔想拖住我晒我的時間，唔想去到大家鬧大交時先分手，橫掂大家最終都要分手，寧願現在和平分手...... 而且佢話覺得我地的差距越來越大，佢見到我越來越愛佢，但佢就越來越無感覺。

我個晚無訓，喊左好耐，發生得好突然，完全無先兆，之前仲好甜蜜的去書展.......

入到camp對住佢好辛苦，唔知點面對佢；有一晚佢約左我出來傾，都係講下點解要分手，覺得咁樣係為我好....... 但我仍然係不甘心，放唔低，接受唔到，愛得太深，傷得亦太深了!!

我覺得唔甘心，係因為我地的關係仍好地地，我亦盡了努力去維持這段關係，無必要為這主觀negative的諗法，抹殺左發展的機會，我最初同她都有講，如果一路心裡認為會散，任何的一段關係都會失敗。

出了camp，開始係MSN同佢傾，佢覺得我唔明白佢，覺得我地唔夾，佢覺得如果真正了解佢，可以第一句便能安慰到她，但她知道沒權利要我這樣，所以唔想同我傾訴。

但點知永遠講唔到兩句就吵大交，因為佢覺得我係blogger的日記在唱衰佢，覺得我好小家小氣，其實我係日記只係講番我係camp入面的feelings，無去comment她，唔通我係日記到寫自己好開心咩!! 但我已即時將部份blogger的日記invisible左，同佢say sorry，但佢唔接納，覺得我係有心專登去唱衰佢。

佢開始好嬲我好討厭我，話係我唔想同佢做番朋友，但完全係佢搵交嘈，竟可一句句quote我的日記出來同我算帳...... 我都唔想咁唔開心，我唔想同佢連朋友都無得做，但現階段真係好難當咩事都無，無可能即時同佢轉個頭就好friend咁，我叫過佢俾時間我，但我唔覺得佢有體諒過我現在的感受。

我曾經搵一個同佢共同的friend同佢傾過，但連那個friend都覺得她好頑固。

依家我係msn/icq無理睬佢，因為唔想講唔夠兩句就無謂地嘈交，但我唔知接著應該點做，我唔想咁樣下去。

我依家的感覺好矛盾，心知自己仍未放得低，對佢仍然有感覺，但開始有d火，點解佢可以咁樣睇我，覺得其實佢都係唔明白我...... 我唔係想挽救呢段感覺，唔係想佢回心轉意，因為我知道佢決定左的野就無人可以改變到，但唔想佢誤解我(同時間佢都覺得我在誤解她)，唔想佢討厭我，亦唔想令到自己討厭她，只少我真係唔想連friend都無得做。

大家可唔可以俾d意見我

可惜可惜...
希望你可以收拾心情啦...

睇黎呢篇同埋我自己件事的幾篇可以一齊睇...

嗯...
你的blog入邊寫左乜野，
我諗我唔會想剷上個blog到自己睇...
不如你自己交代一下啦...

我唔覺得你現階段要去即刻睬佢，
但係你做錯左一件事，
就係唔應該同佢即刻嘈...

可唔可以講下咩情況下講多兩句就變左做嘈交呢?

希望你keep住reply呢一條thread，
因為呢一條thread會俾到好多人好好的參考~~

PS: ICQ中add了你，可以談兩句嘛?

[ Last edited by 307 on 2005-8-13 at 17:56 ]

其實初時都無咩野，係當我同佢say sorry，因為個blogger令佢feeling bad，佢就開始成勢向我發炮，覺得我在做小動作，博同情，扮無辜。

或者我quote下我blogger寫d咩啦

今日心情好了點，醉心工作，但當晨早日營來參觀排練，我帶隊走去指揮旁，面對住佢，從心底湧出一股難受的感覺，好辛苦！好想轉身便走！好想逃離！

沒有去食早餐，獨自躲在排練室，扒在上很想大哭一場，但哭不出來…… 之後日營參觀，我站在鋼琴旁偷偷望你，最後忍不住扒在上偷偷的哭……
我真的不想再留在這個camp site，很痛苦，很想突然暈倒或病倒，讓我有藉口離開這裡……
今日嘗試走到你附近，那種熟悉又陌生的感覺，很辛苦……我不想這樣……

返到屋企，今日努力的迫自己過正常的生活，但事事都提不起勁...... 又在房內亂諗野，不斷諗起第一次同你拖手，諗起在電話聽到你很lum的說自己很幸福，諗起上年中秋節你send給我的SMS，諗起你整給我的朱古力 ，諗起在你樓下等你放學...... 心酸的感覺又再湧出來......

我都唔想同佢嘈，但在msn佢真係惹起我把火，好地地，佢就突然話好憎我，又逐句quote我的blogger出來鬧我。可能我真係做錯了，或者我俾佢發洩下情緒，我自己都控制下仲好。


ps: Jason兄，剛看了你在此以前的post，才知道...... 還記得當初你在此解決了我不少愛情的疑難，現在我們大家都...... 有點感觸!! 你都要振作啊!!

[ Last edited by pstommy on 2005-8-13 at 18:34 ]

又一個無先兆, 死得不明不白的 case#

你依家有咩可以做
基本上可以答你：無
連對方d fd 都覺得佢固執
加上佢又覺得你唱衰佢r
試下調轉黎諗一諗, 佢現在都應該對你印象麻麻地

要同返對方一齊, 唔係可見將來的事
放得低, 邊有咁快丫
愛得越深, 傷得越深, 呢句真係冇錯, 自己亦領教過
要忘記, 根本冇可能, 人係有記憶
只可以話一日比一日淡, 留待時間去處理啦

我有個朋友, 佢之前同女友拍左 3 年幾拖
之後個女仔有第三者, 所以同我朋友散左
大約兩年多後, 個女仔又再同我個朋友一齊
拍左一年之後又散過, 原因...又係個女仔有第三者
仲要同我個朋友散左之後, 唔夠一個禮拜就公開同新男友影既相貼上 xanga
我朋友話, 付出幾多又點丫, 熱戀中又點丫
根本好難知對方係唔係一心一意對自己
所以佢話傷過兩次之後, 唔會俾自己再咁認真
對與錯, 見仁見智

頭先她又在msn叫我，我沒理佢，但一陣後她說："可唔可以理下我呀??唔搵交嘈啦...= ="

我就不忍心了，但努力地冷冷的回應她，不知為何自己要這樣，努力地在抑壓自己。


我知道只有時間可以幫到我，我都想佢俾d時間我。


回億是很痛苦很難受的，但我控制不了自己。

[ Last edited by pstommy on 2005-8-13 at 19:14 ]

嘩...我地的VA12又回來了....#

Tommy兄 (可以這樣叫你嘛?)，我真的沒有事了，
只可惜我驚犯板規，
暫時唔敢將兩篇文link在一起，
但我真係好想俾各位好好參考一下唔同的處理方法...
亦都好好將兩隻case引以為戒...

嗯...至於你的事，
我會跟你說，
在適當的時候，
把適當的情緒宣泄出來。

如果對方係發緊大脾氣的，
真係要學習忍讓，
同佢嘈過真係唔會有好結果的...

呢次對你來說係唔係一個shock?
我相信係，
亦都知道要從shock之後復元不容易...
但，要記著，
如果你都唔幫自己，
老是想著一些往事的話，
你很難能夠走得出來的。

最好了，
連VA12兄都在此，
我諗唔到有邊一個比起VA12兄更適合去講更多...

[ref=337246]pstommy[/ref]  在 2005-8-13 06:59 PM 發表:

頭先她又在msn叫我，我沒理佢，但一陣後她說："可唔可以理下我呀??唔搵交嘈啦...= ="

我就不忍心了，但努力地冷冷的回應她，不知為何自己要這樣，努力地在抑壓自己。

我知道只有時間可以幫到我，我都想佢俾d時間我。

回億是很痛苦很難受的，但我控制不了自己。

可能我有偏見
我覺得佢係悶, 所以搵你
我覺得咋, 唔一定係

你冷冷的回應她, 做得冇錯喎
唔好俾佢覺得你係隨傳隨到
雖然你抑壓自己一定會感到辛苦
但係你要識得保護自己呀

要回憶既時候都控制唔到
除非你有日失左憶, 否則不會忘記, 只會變淡
要經歷下先會長大, 換個角度來看, 你一定會學到野
我相信你遲下一定會覺得自己從中學習到不少道理

另一種結局的參考文章...

做得返朋友喇...

衰仔...亂諗野...

唔通進步得咁快?

由今天起...

雨過天晴

希望可以幫到大家

[ref=337268]307[/ref]  在 2005-8-13 07:28 PM 發表:

嘩...我地的VA12又回來了....

嗯...至於你的事，
我會跟你說，
在適當的時候，
把適當的情緒宣泄出來。

如果對方係發緊大脾氣的，
真係要學習忍讓，
同佢嘈過真係唔會有好結果的...

最好了，
連VA12兄都在此，
我諗唔到有邊一個比起VA12兄更適合去講更多...

你地先係師傅喎
我都係偷你地師架咋
冇師傅們既幫助, 又點會有我呢個徒弟丫

樓主唔知係咪初戀呢?
如果係, 又難怪佢會不知所措
想留後路俾自己, 就唔好同佢嘈, 唔好搵佢住喇
女人變左心/無感覺, 真係好難搞
現階段, 樓主應同下d fd傾訴/去散下心

好同意VA12兄的講法...
一係就係悶，一係就發現自己好似有野做錯...
我唔識得估係邊一樣，
亦都唔希望你去估，
你越估，害得你越深...

我可以話你知，
今日我路經一個地方，
都諗係同初戀女友的事，
但感覺只係淡然的一笑，
回憶係自己的，
開心就係開心，
唔開心就係唔開心，
但如果你要再從回憶起去做基礎，
任由自己胡思亂想的，
咁你一定要控制一下自己...
話俾自己聽，
你咁樣係會害死自己。