分手了......

[ref=337285]18092001[/ref]  在 13.8.2005 19:46 發表:
你地先係師傅喎
我都係偷你地師架咋
冇師傅們既幫助, 又點會有我呢個徒弟丫

樓主唔知係咪初戀呢?
如果係, 又難怪佢會不知所措
想留後路俾自己, 就唔好同佢嘈, 唔好搵佢住喇
女人變左心/無感覺, 真係好難搞
現階段, 樓主應同下d fd傾訴/去散下心

嘩...倫兄咁識講笑呀~~
我係師傅?
我當年只係路人一個來的，
當年我真係偷你師ga ja....

樓主係初戀來的，
咁我亦都唔會怪佢不知所措，
尤其是突如其來者...
亦是因為這一個原因，
有經驗者，煩請多多傳授自己當年的經驗變得更重要。

同朋友傾下心事，
搵個人聽下你講、俾下意見你，
咁你一定會好快復元到...

當然，我都好樂意俾你搵我啦....

[ Last edited by 307 on 2005-8-13 at 20:34 ]

好多謝你地呀!!

好感動呀!!

小弟今次係初戀，亦係第一次失戀，所以真係好亂

我相信我現階段都會係icq/msn同佢傾，但相信唔會主動叫佢，亦唔會太過熱情，始終未接受到同佢friend friend咁!!

實在有太多野令我諗起佢，但會努力令自己唔再胡思亂想。

我都明白想得太多同過份猜測，只係有害無益

我會諗清楚自己的感覺!!

再次多謝你地，我post上來的決定係無錯的

[ Last edited by pstommy on 2005-8-13 at 20:21 ]

[ref=337331]pstommy[/ref]  在 13.8.2005 20:19 發表:
好多謝你地呀!!

好感動呀!!

小弟今次係初戀，亦係第一次失戀，所以真係好亂

我相信我現階段都會係icq/msn同佢傾，但相信唔會主動叫佢，亦唔會太過熱情，始終未接受到同佢friend friend咁!!

實在有太多野令我諗起佢，但會努力令自己唔再胡思亂想。

我都明白想得太多同過份猜測，只係有害無益

我會諗清楚自己的感覺!!

再次多謝你地，我post上來的決定係無錯的

唔駛多謝我....
我都只係希望可以幫到你...
第一次唔識得處理係好正常的...
但係希望你唔好自亂陣腳，
方寸大亂，
咁樣真係形同將自己放到更差的位置，
令問題更難解決的...

搵清楚自己的感覺，
千祈咪亂諗野呀~
最緊要係有乜野諗唔掂，
走去同朋友或者打上黎呢度同其他人傾下呀~

呢度仲有好多幫到手的板友...
咁大個「維修部」響度，
一定幫到你手

漏左一條好緊要的參考link:
希望板主唔會當我推文啦...
因為改文真係驚有需要的人睇漏左...

失戀了

謝謝~

唉!! 曾努力想過自己依家對佢的感覺，都覺得係唔甘心同不捨同掛念的感覺居多。

但感覺仍然很亂，仍然在胡思亂想，在想她會否回心轉意，明知無機會，仲要在胡思亂想，一路想，一路告訴自己沒可能，之後很酸很痛，很白痴!!

[ Last edited by pstommy on 2005-8-14 at 11:27 ]

呢兩種感覺真係正常過正常...
如果你無我先至會奇怪...
亦都唔好話自己白痴先得ga....

唔甘心，
係因為覺得好明顯係有得救，
覺得唔應該咁早完...

唔捨得同掛住，
個原因都係一樣，
都係因為你仲鐘意佢...

好喇...知道之後，
要開始對症下藥...

1. 要自己接受呢個事實，
就算明知自己仲未接受到都好，
呢個亦都係唔到你揀的...

2. 話俾自己聽，
根本你係無基礎可以同佢重新開始的...
(不論短、中、長期都係)
你話俾自己聽仲有呢個希望，
就只係幾痛苦延長...
長痛不如短痛，
就算呢個過程係再辛苦，
你都一定要自己捱過...
唔好俾自己藉口...

[ref=338080]pstommy[/ref]  在 2005-8-14 11:24 AM 發表:

唉!! 曾努力想過自己依家對佢的感覺，都覺得係唔甘心同不捨同掛念的感覺居多。

但感覺仍然很亂，仍然在胡思亂想，在想她會否回心轉意，明知無機會，仲要在胡思亂想，一路想，一路告訴自己沒可能，之後很酸很痛 ...

唔甘心...正常
不捨同掛念...都係正常
證明你真係有投入過

有d人成日話, 愛一個唔係要佔有, 應該尊重佢決定
但係我就唔建議你諗呢d野
始終呢d 野...我覺得呢d偉大想法只係小說先講得出
真正做得到既人有幾多? 所以唔需要迫自己咁諗

時間尚少, 最好辦法都係搵朋友散下心
無野係無可能, 只不過在乎機會的大細
唔好誤會我覺得你同佢仲有可能
只不過係覺得你要順其自然啦
佢回唔回頭既野... 打到埋黎先算喇

倫兄都講左事實的一邊，
就係人係可以自私一點，
但當然唔代表我完全同意....

但係最緊要的，
係唔好俾自己覺得同對方仲有可能，
如果慢慢放低到呢一種感覺的，
咁你就會好快復元到ga lah....

佢回頭?
諗都唔好自己諗，
咁樣既唔開心，
亦都幫唔到自己d乜野...

真悲哀,
只可以講個女仔唔識珍惜tommy兄,
佢竟然quote blog入面每句都鬧,
實在令我覺得好討厭!
自己想訴苦佢仲要將人踩多一腳?
做D咁既野都有既?!

佢咁樣將你誤解,
同佢講道理都哂氣...
保護自己要緊呀!
分手可能對你仲好,
否則越踩越深先黎料會仲傷心呀,
盡量唔好俾自己有空閒時間諗返往事,
一直忘我咁做野,
有時係可以不知不覺將佢淡忘。
現時要搵朋友訴苦,
免去寂寞感覺。

其實我都唔係成日都諗同佢仲有可能，因為我知機會渺茫，可以話係"零"，但只係仲好掛住佢。

依家我都好努力做其他野分心，今日同左朋友去左美食博覽，聽佢地去tour的開心經歷，但始終好多野都觸發我同佢的從前，好似一踏入會展，就諗起同佢去書展的情景......

佢頭先send左SMS俾我，話sorry，覺得自己真係誤解左我，同sorry for all I've said to me。唔知點解佢突然轉變左態度，唔知是否因為我尋日係msn對佢太冷淡，or可能係佢有睇呢個forum(因為我係個日記有提及HKitalk d板友幫到我)。唔知道點解，但我應該點算好??