MCV車身雙層巴士(配香港未曾有既底盤),年內登陸本港

原帖由 otakutamama 於 2014-1-18 14:20 發表


機會應該不少。因為據樓主之"配香港未曾有既底盤", Volvo B9TL和ADL E500 Turbo應該排除之外。
然而, 大抵因為維修成本之故, 香港巴士公司未必考慮引入其他車款(例如Man)。
加上歐五排放規格正步入尾聲, Volvo也許 ...

可以係B5LH

請問大家講緊既VDL全名係咩牌子?

舊年巴士展已經公布 MCV 會有新一代車身 (配 B5TL，不過 MCV 唔係 B5TL 標準配搭，應該肯定重會有配落其他底盤既選擇)，今次又係九巴第一個用新野？
之前 Wright 改用樓梯底開隻窗黎採光呢樣野係第三代 Wright 殼既新設計，不過第二代 Wright 殼 AVBWU291+ 已經率先套用上 (雖然後尾封返)，比英國早兩個月
Enviro MMC 系列 MMC 頭炮都係俾香港玩先既 E500 MMC，然後先慢慢處理英國本土既 E400 300 200 MMC



唔知新版 MCV 車身會唔會反超前，比起新 Wright 殼/ADL 殼更輕？
若以 B9 做例，第一代 MCV 比第一代 Wright 殼更重、第二代都只係同 Wright 殼平頭，比歐四五 ADL 殼重少少
第三代 Wright 殼淨係殼都減左大半噸，配舊式頭幅個部英國樣版已經比第二代殼輕左成噸，配上新式頭幅 B5/Wright 自家底盤後更加比起歐六 E400 輕左 1噸以上
如果純粹從數量計，Wright/ADL 殼係香港都有一定數量，MCV 優勢唔大
從重量角度計，Wright 第三代殼甚至已比 ADL 殼一大截，MCV 要連贏兩大對手似乎係越級挑戰
不過 MCV 雙層殼其中一樣比 Wright 殼優勝既係將頭跨偷少少位出黎好似 E400 咁裝導航位 (Wright 殼配 VDL DB300 本身頭跨長，因此都有位；不過未來 Wright 同 VDL 合作既雙層車係歐六將會停產)
唔知會唔會係近年偏好高載既九巴睇中 MCV 可以塞多兩個座位呢點而特登試下呢？


以英國見到而香港未有既近代雙層只諗到
Scania N230UD/270UD，有 Stagecoach 既地區就會成日見，但 Scania 唔太算香港無既品牌 (無近代 N 系巴士都講得通) 而且之前好似有人提到香港無代理 N 系，
而隻車以往通常配 E400 車身，淨重比英國版 E400 輕，不過 ADL 搞一餐整完港版 E400 賣得百幾部時重肯唔肯特登將個車身再改多次兼且係幫其他底盤車廠砌就難講


Volvo B5LH，有 First/Arriva 既英國大城市同埋中部都常見，英國混能車出車率最高係佢 (series hybrid 例如 E400H 英國銷售數字比 B5LH 高一截，但機械可靠率比 B5LH 低，部分地區出車率低至只有 5 成，甚至聽講有用家退貨換返柴油版本)
不過混能車貴一截，如果問政府拎資助試用應該唔會完全無人報導過，之前買 E50H 都一早放風出黎
而且 B5LH 由於數量少，暫時講好左只會俾 Wright 幫手砌車身
(不過呢 d 事在人為，好似 Volvo 係英國混能單層只賣 7900H 一手包辦埋車身，但係其他地區就有淨賣底盤配其他車身，如果有外銷版 MCV B5LH 都值得期待)
講起 MCV 最正路既 B5TL (都係香港未有過既底盤，不過唔係香港近代無既品牌) 似乎都唔係太大可能
本身 Volvo 諗著出 B8TL，只係英國部分巴士公司反對先改出 B5，一變成 B5 似乎先天上已經唔似 B9 咁可以上山下海填補巴士/客車兩個定位中間既空間、兼夾可以應付埋三軸/冷氣輸出



如果淨計牌子係英國常見而香港近代無乜該品牌巴士，Man 都勉強算常見，但都係單層為主，全低地台雙層 Man 係英國就好似只得兩架，
當年架樣板車 (重有全低地台單層 Man) 好似連續幾期都仍然係二手巴士市場雜誌賣廣告放售緊


VDL DB300，算係香港少聽既品牌，而英國有 Arriva 既地區都算常見，但嚴格黎講都唔算一個獨立底盤 (定係 Wright 唔再用 VDL 部件砌底盤之後 VDL 自己做返淨底盤賣？)
不過若果用 DB300，似乎即係 E400 相若既動力配搭，好地地唔買 ADL 改買其他品牌似乎有 d 怪，除非 ADL 暫時提供唔到新型號著
(不過英國 Stagecoach 最新 100 部倫敦混能雙層訂單都將 1/3 由 ADL 轉為 Volvo，有人提到係 ADL 交唔到咁多貨，
甚至有人提及 ADL 未來有幾個月唔再接新雙層訂單，唔知係咪想專心起晒歐五舊貨同埋專心搞歐六 MMC 所以唔出車著呢？)


淨返只有 Benz 同 Optare，不過 Benz 係英國唔算常見，出沒地區較集中，而且主要只係單層同掛接，唔多覺最新推出 d 右軑雙層底盤
不過 Benz 偈係英國就頗常見，而且未來會更加常見，好似 Wright/VDL 唔知係咪歐六康偈樣板試唔掂無左下文，而家 Wright 轉左自己一手包辦新雙層，由 Borismaster 底盤演變返出黎配 Benz 偈，不過似乎完全唔關 MCV 事
另一個常用 Benz 偈既英國常見品牌 Optare 都準備推出 Benz 偈雙層，但都一早講左係自家一體化車身，似乎都係唔關 MCV 事，定係計劃有變呢，畢竟巴士界好多野都講唔埋

原帖由 bbtong 於 2014-1-18 11:10 發表
歡迎大家發問詳情,  我有問必答既.

暫停貼文權通告：id = bbtong
標題: MCV車身雙層巴士(配香港未曾有既底盤),年內登陸本港
網址:http://www.hkitalk.net/HKiTalk2/thread-821042-1-1.html
分板: B2
違規站友: bbtong
回覆編號: #1, #19, #20, #23, #26
違反站規: 16, 24
判決: 停板90日

理由: 有關站友多篇文章內容篇幅短少，內容空泛, 短時間內重覆張貼相似文章, 閒聊式之對話, 嚴重灌水, 不少內容亦與巴士無關, 而把其他網站的站務事宜帶到本站討論
有關站友一開始表明"歡迎大家發問詳情,我有問必答既", 亦在之後明表"我一日講一D, 佢咪一日估一D, 一日抄一D", 浪費本站資源

查有關站友已有多次違規紀錄, 重判 停板90日

有關站友在一年內違規被暫停貼文權3次,而有關暫停貼文權日數總和超過70天, 所以將被降格成「非正式會員」(沒有貼文權)一年。

admin26

原帖由 jasoncky 於 2014-1-18 21:02 發表

資巴大大

沒有15 d) 呢

你在誤導板友嗎?

暫停貼文權通告：id = jasoncky
標題: MCV車身雙層巴士(配香港未曾有既底盤),年內登陸本港
網址:http://www.hkitalk.net/HKiTalk2/thread-821042-1-1.html
分板: B2
違規站友: jasoncky
回覆編號: #40
違反站規: 34
判決: 停板7日

理由: 有關站友使用"資巴大大"去回應另一站友, 不論有關字眼原本有沒有另一D意思, 係討論過程咁樣叫人, 同樣不當, 沒有注意一般網絡禮宜, 停板7日

admin26

原帖由 henryfung1515 於 2014-1-18 20:14 發表
其實會唔會系SCANIA N系？VDL呢啲九新城未入過，未必會試。MAN LCDD又13.x米，ADL無新底盤，BENZ無雙層。另外今日有班卡佬討論雙層Scania，唔知關唔關事？？？ ...

Optare有雙層平治...但是等消息.........

原帖由 LF5502 於 2014-1-19 00:29 發表
2014年....

12.8m B9TL
12.8m E50D

12m E50H

YM 電容巴士

仲有無 ??

今年睇好新車不同名牌........希望唔好太多買ADL周圍出街呀!

我擔心新城巴不夠車量, 自然減車.......冇機會新車不同名牌, 又係新城巴要ADL統一.........悶死呀!

好羨慕九巴好多不同車型....真係好呀!

原帖由 JCSCANIA 於 2014-1-19 11:14 發表

今年睇好新車不同名牌........希望唔好太多買ADL周圍出街呀!

我擔心新城巴不夠車量, 自然減車.......冇機會新車不同名牌, 又係新城巴要ADL統一.........悶死呀!

好羨慕九巴好多不同車型....真係好呀! ...

城巴d車型少到呢
買下其他牌子o既車啦
日日搭大八悶到嘔

原帖由 JCSCANIA 於 19/1/2014 11:10 AM 發表

Optare有雙層平治...但是等消息.........

人地只係講緊係用平治引擎, 唔係平治底盤wo, 同埋佢都係用番自家車身, 都唔會容許用家配其他車身啦

而且最多都係配OM934/936 (排氣量五點一及七點七公升), 能否應付香港多彎路斜既環境, 有待觀察