九巴計劃於9月開辦2F和3C晨早特快班次

原帖由 RV5771 於 2014-8-7 20:16 發表

2F 加快相對就比較易搞
但3C要加快就相對阻力較大,
如果3C改經龍翔道+大埔道出旺角/太子道西,
變相樂富班居民會反對,因為會冇咗車去慈雲山同彌敦道一帶
加上慈雲山同樂富有一班學生客,
如果到時真係改,可能要開番條 ...

2F 其實想全日同 2B 重組，俾前者唔入樂富九龍塘，難度都唔係好大。
反而 3C 因為富美街獨巿，會比較麻煩。

不過 3C 的問題其實主要集中在出油尖旺，反而返慈雲山果程，
下繁的時候因為九龍城世運塞車，結果行窩打老道未必慢幾多，
如果唔使兜九龍塘，直接由窩打老道右轉聯合道既話，話唔埋可以同 203E 打成平手。

我覺得如果想做慈旺特快的話，世運甚至亞皆老街都要全日行橋，中間飛幾多站可以再議。
最簡單可以拎埋 203E 重組，變成 3E 慈雲山經富山、鳳德道落彩虹道、太子道東直出，
但係到時必然要加車加班，3C 屆時應該有減班空間，甚至條唔知做咩事落尖咀的 9 號仔
可以縮去油麻地做循環，做大條快線。

[ 本帖最後由 S3BL100 於 2014-8-7 23:16 編輯 ]

住慈雲山咁多年, D巴士服務冇進步過  
2F 3C 5C兜到你暈, 直到最近開特快5P先叫有做下野....
慈雲山出旺角紅VAN位位9蚊長做長有, 反而條3C越做越頹, 好心九巴就進取D啦, 一味減班去趕客, 有心做D客一定會揀巴士而唔搭鐵+小巴 (3D就係成功例子)

仲有5C, 明明同3B重疊又唔重組, 出尖沙咀又要陪兜土瓜灣好磡, 唉....

原帖由 S3BL100 於 2014-8-7 23:14 發表


2F 其實想全日同 2B 重組，俾前者唔入樂富九龍塘，難度都唔係好大。
反而 3C 因為富美街獨巿，會比較麻煩。

不過 3C 的問題其實主要集中在出油尖旺，反而返慈雲山果程，
下繁的時候因為九龍城世運塞車，結果行窩打老道未必慢 ...

為何要搶小巴客呢?
有D 版友係唔係都話車從何來的時候, 仲用現有資源去搞新野?? 唔CUT 正線班次已經執到啦

旺角線影響可能不大. 但深水步就都幾大影響, 一部巴士=6-8 部紅VAN , 整個早上最PEAK 的時候,  都唔知有冇8部車行緊青山道線
而且, 當紅VAN 做緊10 分鐘到黃金, 15-20 分鐘到聯邦廣場的時候, 巴士可能仲去緊豐力樓

2F改快無意見

反正九龍塘可以搭小巴72,73

不過要72,73小巴加班

原帖由 HG6729 於 2014-8-7 23:42 發表

為何要搶小巴客呢?
有D 版友係唔係都話車從何來的時候, 仲用現有資源去搞新野?? 唔CUT 正線班次已經執到啦

旺角線影響可能不大. 但深水步就都幾大影響, 一部巴士=6-8 部紅VAN , 整個早上最PEAK 的時候,  都唔知有 ...

咁紅van有無個別車會永康街剷到落甘泉街總站先？長沙灣廣場佢都未必會做啦…
所以2F呢個特快其實係用接近相同的回車速度，將其中做一單再踼回的一轉變成做一單特快再做回程，對現有班次影響唔大但收入有可能增加。

原帖由 die_hole 於 2014-8-7 23:34 發表
住慈雲山咁多年, D巴士服務冇進步過  
2F 3C 5C兜到你暈, 直到最近開特快5P先叫有做下野....
慈雲山出旺角紅VAN位位9蚊長做長有, 反而條3C越做越頹, 好心九巴就進取D啦, 一味減班去趕客, 有心做D客一定會揀巴士而 ...

應該咁講，由西九龍去東九龍路線，流水線2A 2B 2F 6D 42全部都要40分鐘以上先到另一邊總站，除此之外完全無較快的選擇。
直至40改快先打破宿命，不過東行仍然未算數，因為美孚已經上路唔行十分鐘過去都無得搭。

明明有得走上路呢個特快方法，十分鐘到黃大仙，但係巴士最快果條都要半個鐘先到，紅小呢除咗觀美，條條青山道都只係去到聯邦廣場，總站區又係無選擇。

原帖由 toyl 於 2014-8-8 00:14 發表

應該咁講，由西九龍去東九龍路線，流水線2A 2B 2F 6D 42全部都要40分鐘以上先到另一邊總站，除此之外完全無較快的選擇。
直至40改快先打破宿命，不過東行仍然未算數，因為美孚已經上路唔行十分鐘過去都無得搭。

明明有得走上 ...

應該咁講, 我覺得2F最大問題唔係走線, 而係班次, 呢條線客量真係唔差, 繁時可頂閘, 係九巴不思進取咁瘋狂cut班, 大熱天時真係冇乜人有耐性暴曬20分鐘等2F
其實2B 2F歌和老街+樂富呢段又重疊, 樂富又有3C, 2F好應該試行龍翔道特快吸客,
九巴開龍翔道特快係好既嘗試, 當小試牛刀都好

不過我最擔心係3B 5C呢2條線, 而家住慈雲山既人一直都習慣小巴轉地鐵, 沙中線一開3B應該會死傷慘重, 而5C如果仲係keep住咁樣慢遊應該都俾mtr食晒d客, 長遠好應該重組3B 5C

另外, 講左N年既3C唔經多實街+歌和老街, 改行直接右轉聯合道又冇晒聲氣...?

原帖由 die_hole 於 2014-8-7 23:34 發表
仲有5C, 明明同3B重疊又唔重組, 出尖沙咀又要陪兜土瓜灣好磡, 唉....

3B行斧山
5C行鳳德
如果無3B
斧山果邊得番5/116經紅磡邊皮
無車去紅磡市中心...

原帖由 die_hole 於 2014-8-8 00:37 發表
不過我最擔心係3B 5C呢2條線, 而家住慈雲山既人一直都習慣小巴轉地鐵, 沙中線一開3B應該會死傷慘重, 而5C如果仲係keep住咁樣慢遊應該都俾mtr食晒d客, 長遠好應該重組3B 5C

5C都算係係幾直接
除左唔經土瓜灣道或紅磡站外
仲可以點改快?
但係當將來3B被陰乾
5C更加不能飛走土瓜灣道/紅磡區
送晒客俾港鐵...

[ 本帖最後由 kmb71k 於 2014-8-8 04:35 編輯 ]

慈雲山本來係老九其中一個客倉.
除左3D之外,其他線唔係兜到傻,就係班次疏到嚇死人.
舉3C做例子,班次已經唔吸引,再加上路線同司機碌車.
慈雲山出太子隨時60分鐘,搭37M+MTR只需15~20分鐘.
你係慈雲山人,你會揀邊樣?

另外老九自閹3A又係自殺行為,開始重建果陣係生意差,但係3,4年之後人口開始增加.你等都唔等就閹左條3A.
你睇條37M用車數量同班次(依然供不應求),你就知慈雲山幾多人上上落落.

[ 本帖最後由 ctb234 於 2014-8-8 11:28 編輯 ]