沙田區巴士區域性路線重組數聞

[招喚版友區議員]

今年的沙田區域性路線重組已塵埃落定，無爭議性的項目已逐漸落實，
而有爭議性的項目就部分在偷偷地進行

近來與幾位政府和巴士公司朋友食飯，
側聞幾項今年沙田區巴士區域性路線重組數聞同版友們分享~
都係果句，信則有，不信則無~

1. 88X營運情況

如果大家有印象的話，88X在第一份RDP計劃用兩架車走哂，
但最後卻要用三架車去「找數」...

據聞原來係負責設計路線的肥仔計錯數，
以為繁忙時間和非繁忙時間的行車時間一樣！

結果計出一程車(循環)的行車時間為50分鐘

策劃部同事一睇之下極度驚嚇，結果反轉成個沙田區找第三架車埋單...
朋友笑稱呢個肥仔都唔知點做巴迷
至於該線的客量如何？應該剛好過四位數吧...


眼訓得劑，明天待續...

預告：
1. 有關40X/87D/89D 不停亞公角街問題
2. 肥仔的下場
3. 83X/89X 風雲錄
4. 682C 笑話事件

如果版友對沙田區巴士區域性路線有其它意見或想知咩都可以提出，
我知的話不妨交流交流

[ 本帖最後由 卡達哥 於 2014-9-17 03:09 編輯 ]

肥仔的下場一定係變成死肥仔

88x

每日開31班車
總客量挨近四位數 即係大約1000啦

平均每班車一轉來回有32人

[ 本帖最後由 Gary_B 於 2014-9-17 03:40 編輯 ]

原帖由 Gary_B 於 2014-9-17 03:37 發表
肥仔的下場一定係變成死肥仔

88x

每日開31班車
總客量挨近四位數 即係大約1000啦

平均每班車一轉來回有32人

上面卡達哥係話剛剛過 1000 人…

不過咁，如果一轉 32 個客的話，我當有三分一係觀塘分段客
（我諗都合理掛，因為不斷有板友話下繁觀塘道執雞都執到坐滿，相信入沙田比出觀塘好客），
咁一轉收入 $304，但一轉車要 90 分，成本約 $450，
換言之一轉蝕 $150，日蝕 $4650，表面唔係好多，但一個月蝕過十萬…

如果條線當初可以一粒鐘行完，一轉成本三百幾，情況會唔一樣。

不過條數又唔係咁計，反正果三架車係由其他線抽，其他線自己未必少左客，
加埋 88X 搶其他觀塘沙田線客的錢，一個月應該都有一定數目額外進賬都未定

不過拎 798 比較，人地核心覆蓋範圍將北加埋有八個選區，約 15-20 萬人口，
先做到咁的成績，88X 如果妄想做得藍田一個山頭四個選區唔夠十萬人就可以賺錢，未免太天真。
尤其是非繁半粒鐘一班，而條路唔塞，非繁注定係燒紙。

眾所周知，油塘一直都爭取 88X 途經，最後得個桔，
傳聞係話藍田對於 277X 被抽走非常不滿，覺得佢地應該有完全話事權。
但係而家 88X 客量麻麻，唔知幾時會建議改道經油塘呢？
如果做埋油塘，覆蓋人口加倍，我諗客量會有頗大上升空間。

有時候有D野，學長官話齋，要循序漸進，一步一步來

[ 本帖最後由 S3BL100 於 2014-9-17 05:57 編輯 ]

其實88X有近千人搭都唔差啦

好似未改線前14X，每日載空氣假假地都有千一人

呢個可能係九巴新線基本盤都唔出奇

88X去埋油塘既話，呢期就應該要到觀塘區騰出車隊了

(個人反而想知682C衰d咩，之前話暑假完之前取代89R，結果無晒聲氣，定係新巴呢輪好難籌車開新線?(亂想))

仲未肯搞82A??
幾時先肯俾多條接駁線出黎呀

88x最應該搵邊條觀塘線找數？我想問83X 的非繁班次係點？同埋80X ，89C 等線會不會減班？280X 大約幾時開？

請問982X 除了水泉澳特車外會不會再加車?

以前放工坐巴士入亞公角街都不覺有問題。最近放工我轉坐小巴先發現太多巴士行亞公角街, 恆康街....入馬市/ 烏鐵, 搞到塞巴士多過等燈位。 其實有些巴士線(e.g 87D, 89D) 可不可以在下繁拆線不停亞公角街/ 入到馬鞍山先逆走, 最後以馬鞍山市中心做終站, 反正最後都是私牌去返市區再做。

[ 本帖最後由 drbean7218 於 2014-9-17 09:05 編輯 ]

我都聽過40X會硬推,不過富安2條友係咁搞搞震,連99/299X都係度玩野,99假日頂閘過鐘甩晒班都做唔到野.

682C都係,好似地區傾唔掂數,城仔想硬推又未得,而家唔知點搵D校巴返來.

至於88X,平均一班32人,假設全部俾10.2(好明顯唔係),都圍唔到皮,因為大隧過路費好似唔平....肥仔和將軍繼14X,6X,68E,99R,91R又一力作,九巴有冇檢討過開咁多廢線既後果架?

83X方面,佢唔拉上水泉澳先轉全日,同自殺無異,有次假日搭83X,全程得4人.

原帖由 FBI2 於 2014-9-17 09:06 發表
我都聽過40X會硬推,不過富安2條友係咁搞搞震,連99/299X都係度玩野,99假日頂閘過鐘甩晒班都做唔到野.

682C都係,好似地區傾唔掂數,城仔想硬推又未得,而家唔知點搵D校巴返來.

至於88X,平均一班32人,假設全部俾10.2(好 ...

運吉可否批多幾個牌俾城巴頂住檔先？！

原帖由 HT408 於 2014-9-17 10:33 發表


運吉可否批多幾個牌俾城巴頂住檔先？！

行政指令咪仲簡單,頂多搞到D議員唔高興,反正都係冇牙老虎,安心袋糧算啦.