安達臣巴士路線建議

原帖由 hadboy5 於 2015-2-2 21:15 發表
都係兩條線，一條將鐵開跟796x 去尚德入巴總
另一條調景嶺直去清半後上公路

調景嶺+清半肯定冇客
因為調景嶺咁兜法，不如保鐵仲快
單靠清半冇可能支撐到條線(繁時都未必得)

將鐵+尚德
即使尚德肯放棄專線同人分
將軍澳人都未必領情，始終港鐵時間上唔輸蝕
搭巴士仲要隨時塞將軍澳道落橋位+觀塘道
去觀塘仲要搭倒頭車先落到是地
咁不如安分守己坐港鐵算數

九巴方面都唔見得支持
因為接駁線做一個蝕一個，但車就要加
(計距離同班次，隨時要加兩三架車，呢個仲未計調景嶺條「新線」用車)

當然，可能有人話，唔坐接駁線隨時連下程車都冇得賺
之但係依家觀塘批長途線自己都搞唔掂(周不時去到彩虹已經頂哂閘)
當中如果已經包括將軍澳/調景嶺轉車客的話，咁九巴根本冇誘因開接駁線
(因為佢哋已經坐緊296A，或者港鐵轉九巴)

如果唔包的話，咁長途線所增加嘅利潤可唔可以多到至抵消兩條新線所用嘅資源？
同時，觀塘多咗客上車，即係令到彩虹至黃大仙段乘客更難上車
咁又會唔會倒走批客，而最終令到條數仲差咗？

原帖由 3ASV174 於 2015-2-2 21:25 發表
當港鐵每隻門得 5 個人上，2 分半鐘一班車，5 分鐘都有 400 人，
朝早 5 分鐘一班 296A 都好少企人，港鐵處於下風？

港鐵400個人係去全港各地
以當年693/694個客量，加埋用796M等短途線駁鐵過海個客量
相信400人有一半以上都去緊港島
然後參考翻796C/296D等路線在將軍澳線通車後個客量跌幅
現時搭鐵去九龍各地的相信都唔少，比例上400個入面相信點都有百幾個
餘下既客大部分應該去新界，但個數點估都應該少於5分鐘100個
比起5分鐘坐滿一架車既296A，完全唔覺鐵路佔緊上風

為什麼要開這麼多線？以九巴一貫性格，只需要重開90線（寶林 <-> 彩虹）就已經解決了該區的交通需要了。

原帖由 kiwai 於 2015-2-2 11:17 發表
運輸署可能唔想將軍澳南的情況再發生一次, 所以先不再招標
例如296A和796S, 如果係同一間公司做, 可能已經合併, 並慢慢減班減車, 鼓勵改乘港鐵

而家問題唔係佢地係咪拎 213D 213X 出來招標，而係佢地的論調極之牽強，簡直形同狡辯，
到時秀明道有四條重疊線出旺角，簡直令人嘆為觀止，同時 601 619 又唔加車拆線，爆鑊情況預期會愈來愈嚴重。

話時話，原來佢地黑廂作業，安達臣個 plan 私下諮詢左三次，之後就出左份咁既新線完全拒載將軍澳山上居民的方案。

[ 本帖最後由 S3BL100 於 2015-2-3 00:04 編輯 ]

原帖由 castanopsis 於 2015-2-2 23:51 發表

港鐵400個人係去全港各地
以當年693/694個客量，加埋用796M等短途線駁鐵過海個客量
相信400人有一半以上都去緊港島
然後參考翻796C/296D等路線在將軍澳線通車後個客量跌幅
現時搭鐵去九龍各地的相信都唔少，比例上400個 ...

我個當每隻門 5 個人，5 分鐘 400 人都已經極之低估啦，
事實上就算 8:45am 車頭車尾都唔會一對門得 5 個人上車，如果將軍澳站係呢個客量，將軍澳線個所謂「100.6%」點可能出現？
如果將軍澳站一對門都係得 5 個人上車，仲要調景嶺成棚人落車轉觀塘線，如果係咁油塘根本唔需要逼上車啦，成件事根本唔 make sense。

一班 296A 坐滿都唔夠 100 人，
同開緊兩分半鐵號稱 100.6% 既將軍澳線比，將軍澳線處於下風？雖然 296A 客量係唔錯，但咁吹法會唔會離譜左少少？
將軍澳站早繁最繁忙一小時入閘入次係以萬計，尚德全日加埋都無咁多人上 296A 出去囉。

原帖由 JX9097 於 2015-2-2 19:34 發表

其實我估九巴都未必有興趣搞296A/796S合拼
因為296A習慣自成一角,要佢哋接受兜其他區先出去相信機會近乎零
(情況類似麗港城,條條線都係有入冇出)

但若果改做將南開經尚德?都係唔可能
因為尚德都會反對冇位坐/揀 ...

296A由尚德開出停2個站直出觀塘站, 可以快過港鐵, 又有海量轉乘優惠. 若延長至調景嶺或天晉III 等海濱新區, 繞經太多地方, 變成98A 的狀況,吸引力下降.

原帖由 3ASV174 於 2015-2-3 00:07 發表
我個當每隻門 5 個人，5 分鐘 400 人都已經極之低估啦，
事實上就算 8:45am 車頭車尾都唔會一對門得 5 個人上車，如果將軍澳站係呢個客量，將軍澳線個所謂「100.6%」點可能出現？
如果將軍澳站一對門都係得 5 個人上車，仲要調景 ...

你當時唔係話100.6%只限油塘-鰂魚涌一段嗎？
點解突然又話將軍澳多人上導致100.6%載客率？
你覺唔覺得你有少少自相矛盾....

再者，你俾個將軍澳站入閘人數俾我無用
一條鐵路做全港各地，296A淨做觀塘同新界部分地區，兩個數字根本唔可以直接比較
唔通多人搭地鐵去港島會令296A處於下風？係無得咁計

原帖由 castanopsis 於 2015-2-3 21:00 發表

你當時唔係話100.6%只限油塘-鰂魚涌一段嗎？
點解突然又話將軍澳多人上導致100.6%載客率？
你覺唔覺得你有少少自相矛盾....

再者，你俾個將軍澳站入閘人數俾我無用
一條鐵路做全港各地，296A淨做觀塘同新界部分地區，兩個數 ...

我係想話如果將軍澳站得 5 個人上車，
根本去到油塘都無可能做到「100.6%」，乜唔係成日吹將軍澳線好逼架咩？唔係坑口都上唔到車架咩？點解依家又變左將軍澳站一對門得 5 個人上車咁陰公豬？
自相矛盾既才不是我。

我俾個將軍澳站入閘入數你，
正是想話「連港鐵都處於 296A 下風呢件事」係如何無稽，其實你一樣唔知有幾多人搭港鐵係出去觀塘牛頭角。
我自己都識人住廣明苑返觀塘係搭港鐵既，原因就只係因為將軍澳隧道塞車，事實上 296A 依家走左既客，除左有一班係直接上左鐵路唔去轉車，都有一大班係直接上左鐵路都唔再搭一程 296A。
若然依家 296A 仲係朝朝頂閘都話，但 296A 朝早係連企都無人肯企。
據聞有人早排數過 98A 同 296A 客量，朝早繁忙時間 98A 頂閘既班次數量，比起企人既 296A 班次仲要多一截。

原帖由 3ASV174 於 2015-2-3 21:48 發表
我係想話如果將軍澳站得 5 個人上車，
根本去到油塘都無可能做到「100.6%」，乜唔係成日吹將軍澳線好逼架咩？唔係坑口都上唔到車架咩？點解依家又變左將軍澳站一對門得 5 個人上車咁陰公豬？
自相矛盾既才不是我。

我俾個將軍 ...

你有無咁善忘？
每隻門5個人係你自己既假設，我只係build on你個假設去講
唔記得咗？唔怕quote多一次一版之前你講既嘢

當港鐵每隻門得 5 個人上，2 分半鐘一班車，5 分鐘都有 400 人，
朝早 5 分鐘一班 296A 都好少企人，港鐵處於下風？

坑口上唔到車同將軍澳站上車人數並無邏輯關係
另外，296A無人企個原因係因為將軍澳區得兩個站，班客寧願等下一班車
下繁296A往尚德有唔少班次都會頂閘（當然，98A個情況會更嚴重）

你識人廣明苑走去搭鐵，我亦識人將廣走去搭296A轉車（非巴迷）
其實大家退一步講，可以話296A同港鐵各有千秋
尚德邨內去新界我相信唔少人都會選擇296A出去轉
而將中將廣去新界亦有唔少乘客搭鐵

原帖由 castanopsis 於 2015-2-3 22:20 發表

你有無咁善忘？
每隻門5個人係你自己既假設，我只係build on你個假設去講
唔記得咗？唔怕quote多一次一版之前你講既嘢

坑口上唔到車同將軍澳站上車人數並無邏輯關係
另外，296A無人企個原因係因為將軍澳區得兩個站，班客寧願 ...

其實唔係我善忘，
我 #260 個回文係回應你在 #256 個回文：

原帖由 castanopsis 發表

轉乘優惠係的確好大影響
基本上將中/將廣/彩明苑堆客都寧願走去尚德搭296A
甚至連港鐵都處於下風（早繁港鐵將軍澳站每隻門只係得幾個人上）

我要計數先將你個「幾個人」assume 做 5 個，
如果你個「幾個人」係指 15-20 個人，ok 我今日又學多左好多野。