從290/290A成功看路線發展

其實 290/290A 真係一個異數，
但最大原因令班客肯唔揀擇，係因為實戰 290A 唔算好慢，等多班 290 真係不比上 290A 著數。

以前 98D 朝早 8 分鐘一班車經不經寶林但同正線一齊兜坑口圈，o的客都已經全部死等坑口車，
正常班次吉車過寶林，其實已經唔 work。

3ASV174 發表於 2015-10-13 21:27
其實 290/290A 真係一個異數，
但最大原因令班客肯唔揀擇，係因為實戰 290A 唔算好慢，等多班 290 真係不比 ...

290A如果係「唔算好慢」就唔會七點半打後290坐滿上山但290A吉車咁上康盛
我相信個原因係一來未係咁多人肯check ETA
二來下繁個班次本身就係迫緊人坐290A返將軍澳，下繁290照開20同只做荃灣無異

其實又係返到果個問題，D人坐290A，唔代表佢地會唔歡迎 / 反對有更多290
290 290A呢個case不可能擺到落北區大埔堆線度，因為咁做的確係扭曲緊乘客選擇，亦唔排除會趕客

290系成功，主要係因為佢係一條由無變有嘅路線；但一眾北區大埔現存路線，定線、班次基本上已經「成熟」；無論只係慢5分鐘好定10分鐘好，既有嘅乘客或者區議員，根本唔會放棄佢地手上有嘅「籌碼」；況且，睇返咁多條北區大埔市區線，其實只有74X，271同277X嘅班次可以夠拆一兩班入支路而唔算太影響主線。相反其他路線行緊12分鐘以上一班的，拆左，原本嘅乘客就只有焗搭；慢10分鐘，就等如俾後車追上。

況且，科學園一帶主要上下班繁忙，而白石角又唔係高密度住宅，恐怕兜落去都係費時失事；至於大窩西，較可行的277X都有74D替代；至於其他路線要加到班次先至行到定點拆線。

唔好個個見到樓主講科學園就個個爭著發表偉論啦

鬼唔知無客咩

佢想講有無地方或者綫可以做到290／290A既效果

~誰@359~ 發表於 2015-10-13 21:39
290A如果係「唔算好慢」就唔會七點半打後290坐滿上山但290A吉車咁上康盛
我相信個原因係一來未係咁多人肯 ...

但其實全日亦只有朝早先有呢個明顯差距，
依家日間其他時間兩條線客量無太大分別，290A 都一樣成日滿窗口位上山，
星期六晚我十一點幾荃灣搭返將軍澳，290 到站時 290A 條隊都只係短 290 條隊少少。

某程度上反映返工時間行車時間影響比較大，其他時間其實真係好多人唔分 290/290A，10 分鐘一班，撞正慢車同後面架快車一齊到目的地，真係無必要睇鐘搭車。
不過朝早有件事，就係上到山，290/290A 已經唔係聯合班次，而係 20 分鐘一班 290 拖 290A 到站，290 自然執晒o的客，但 290 唔係咁執法，又到 290A 唔夠載。

3ASV174 發表於 2015-10-13 21:27
其實 290/290A 真係一個異數，
但最大原因令班客肯唔揀擇，係因為實戰 290A 唔算好慢，等多班 290 真係不比 ...

反而想知290A將軍澳上車既人入面有幾多真係去荃灣
290A如果有一半人其實去緊觀塘山，樓主理論個prerequisite未必成立

不過講真，嫌慢既係連290都唔受落
我識荃灣人，試完290之後都係話搭11轉坪荃好過（雖則我覺得咁轉唔會快得過290好多）
所以搭得290/A都未必好趕時間，亦唔會bother揀車上

至於98D個case，你完全搞錯晒
98D早繁正常班次從來都唔會入坑口圈，只會停外圍兩個站

如果條條線都好似290 系咁大力宣傳, 車身廣告, 派信箱, 不停加bbi 選擇,
唔夠客都唔cut 班的時候, 咁條條新線起碼都唔差得去邊

找熟廣告的ching, 分析一下今次宣傳的成本, 對比其他新線的情況

3ASV174 發表於 2015-10-13 23:15
但其實全日亦只有朝早先有呢個明顯差距，
依家日間其他時間兩條線客量無太大分別，290A 都一樣成日滿窗口 ...

只有早上時間有差異另一原因係跟行車時間有關，290A彩明往荃灣比荃灣往彩明平均多2分鐘，
特別係早繁時間順秀290A上客量大，導致時間差距擴大，而290有加班車，所以使乘客搭290。

下繁葵涌區往彩明290有時會在葵芳飛站，所以290A會分擔部份290客