把西鐵的行車方向換轉

把西鐵的行車方向換轉，技術上信號系統可行，那麼便不用重新設計管道而且也可以南昌站對面轉車去尖東/香港站，又可以保留大圍對面轉車安排，更加無現在土瓜灣線路換向的工程問題。

因為八鄉車場洗車問題, 出車問題先搞到不能反向行車.

krausssammy 發表於 2015-12-2 15:36
因為八鄉車場洗車問題, 出車問題先搞到不能反向行車.

重置洗車機就可以, 尼D一次性開支吾算好大 (分分鐘部機夠期要換既話就真係順個便而已),
港鐵如果真係用心聽用心做既話尼D錢值得洗

cruisesnet 發表於 2015-12-3 10:06
重置洗車機就可以, 尼D一次性開支吾算好大 (分分鐘部機夠期要換既話就真係順個便而已),
港鐵如果真係用心 ...

其實﹐沙中線都已經做了相關的隧道安排﹐在大圍的轉車唔需要改變﹐同一組月台可以坐車出九龍塘或新線去鑽石山(紅磡/屯門)﹐仲是否需要處理洗車機的問題?

如果而家再調行車方向﹐只會令到大圍的月台做唔到最佳效果﹐同組月台都係出九龍方向。



調行車方向﹐在訊號系統真係好簡單(最少而家套野據知係做到)﹐但係背後仲有好多野要處理﹐例如司機培訓﹐職員處理﹐市民又要重新適應(傷建者要適應時間係比一般人為長及難的)。甚至要政府審批﹐有事故要警方/消防處理﹐又要重新夾過。

既然﹐日常運作無問題﹐點解仲要重新攪一大輪﹐淨係為南昌站提升轉車的方便性?



PS. 如果真係改少少野係簡單﹐九龍塘及美孚站便不會到現在都有2個1號及2號月台﹐而不把其中一組月台改做3,4號台啦。

一條全新建的行車隧道﹐大把位置選擇轉位位置﹐又對成本上唔會有大幅提升﹐究竟有什麼問題?



而且﹐點都要在新路段上做一次隧道掉位﹐否則會併唔番現時馬鐵的行車方向。
到時﹐便要馬鐵轉行車方向﹐大圍站的月台安排便會有所倒退。

kei_hk 發表於 2015-12-3 11:17
一條全新建的行車隧道﹐大把位置選擇轉位位置﹐又對成本上唔會有大幅提升﹐究竟有什麼問題?

咁就梗係假設左轉行車方向就唔會起立體交叉啦，唔會影響到馬鐵
呢樣野都係睇有無心做姐

東西鐵尖東站一晚轉綫又得，站都唔洗封

更何況沙中綫起緊既時候有咁多時間預備，

八鄉車廠有大把野加建添，
＝＝＝＝
其實最慘係唔知點解南昌站要起到咁深做乜

起碼成三四層樓咁深

搞到條扶手咁鬼死長

如果為消防都唔合理

尖東站都無起到咁深啦

只好怪西鐵設計師大花同起到咁深，轉車都特別麻煩

dogdog002 發表於 2015-12-3 12:22
咁就梗係假設左轉行車方向就唔會起立體交叉啦，唔會影響到馬鐵
呢樣野都係睇有無心做姐

好似立體換方向﹐同埋馬鐵/西鐵(其中一邊)改行車方向﹐係2選1﹐點都要做1項。

原設計係馬鐵九龍方向﹐在獅子山隧道內做互換方向﹐其後要慳錢的問題﹐改用爆破方式去建這一段隧道﹐所以改了在九龍區(好似係鑽石山前)做互換行車方向。
如果唔用隧道去互換方向﹐便要改其中一線的行車方向。分別係攪馬鐵定係西鐵。

而家方案﹐2條線都唔駛改﹐興建成本亦唔見得上升好多。對於運作中的鐵路﹐差不多乜都唔需要改﹐影響最少。


至於西鐵延長﹐說穿只係把紅磡至尖東一段路﹐加網西鐵的訊號系統﹐這一段路係有2線的訊號系統。
所以﹐可以在一夜間(甚至在更短的時間內)把2線延長/縮短。

在東鐵改為紅磡做總站後﹐訊號系統都未有在短時間內cut走尖東一段。
直至今天﹐東鐵仍然可以直接進出紅磡3號月台的。

要做多這麼多野﹐是因為根本無時間給你停運去改動。
與建新線新站相比﹐新興建的真係大把時間去處理基建問題﹐用隧道方式去處理2線行車方向不同又要對接的問題﹐會係較好的處理方法。



至於南昌站的深度﹐小弟覺的係轉線隧道的問題﹐要在現有(機場快線)的路軌下加建隧道﹐要考慮挖掘時會唔會令到地面有下沉﹐下沉幅度會唔會影響上面的鐵路﹐甚至要面對上面公路的橋墩問題﹐所以要在較深的位置去掘隧道。
如果技術可行﹐斷估都唔會搵自己苯﹐挖到咁深﹐要處理更多的沙石去建站。

kei_hk 發表於 2015-12-3 11:03
其實﹐沙中線都已經做了相關的隧道安排﹐在大圍的轉車唔需要改變﹐同一組月台可以坐車出九龍塘或新線去鑽 ...

PS. 如果真係改少少野係簡單﹐九龍塘及美孚站便不會到現在都有2個1號及2號月台﹐而不把其中一組月台改做3,4號台啦。

合併前此兩站既兩鐵收費區、合併整個前兩鐵票務系統，都已做到了，將呢兩個站既一組月台編號改做3,4，係咪真係有咩超高難度，係仲難過前兩者？

尖東歸西時，尖東站既1,2號月台，係對調左編號，點解又冇問題？

mckhgc 發表於 2015-12-4 01:57
合併前此兩站既兩鐵收費區、合併整個前兩鐵票務系統，都已做到了，將呢兩個站既一組月台編號3,4，係咪真 ...

固中原因真係要MTR才知。

但係如果真係要估原因﹐改月台編號可能係同訊號系統有關﹐入面都有記住設定月台編號﹐令到列車及軌道可以自動去到相關月台。


所以﹐美孚及九龍塘為免要改這堆系統設定﹐再加要做測試﹐所以到現在都唔去更改。


而尖東站方面﹐由於係西鐵做日後使用﹐除非有意外要東鐵再入尖東站﹐否則東鐵唔會再進入尖東站﹐這一段路正常情況下只會用西鐵的訊號系統﹐東鐵一邊會cut-out。

在西鐵訊號系統擴展﹐尖東站都係由南昌站伸延過來﹐一直去到紅磡站的2/3月台﹐全部都係新做﹐所以在建立/設定/測試﹐都可以用西鐵的方式去編月台號碼﹐所以可以重整編號。



淨係改大家見到的月台指示牌﹐真係好易﹐但係背後系統性問題﹐未必係一件容易事﹐在沒有必要的情況下﹐根本唔會做﹐以免有爆鑊的機會發生﹐影響日常運作。


至於前面提及的票務系統﹐要合併便要必須做﹐所以無得唔攪。
更重要係即使爆鑊﹐最多只係損失車費收入﹐唔會影響安全。

即使不是有重覆路線，都可以用互相參照比較。現在則沒有了。即使有外國公司也可以說"外國情況不適用於香港"。