九巴213X開辦消息

S3BL100 發表於 2016-8-12 14:11
況且九巴歷年提出的方案，都係用轉乘去替代，而上路去旺角，仲有 28M 小巴

如果真係要補，一係搞 6C/6F，而我傾向另一個選擇，搞 5D，
反正都係全日，但土瓜灣一段流水仲有無數替代，
唔爭在最多加 1-2 部車，將 5D 改行上路，出旺角東，全日大部分時間廿分班

土瓜灣 特快 去油麻地同旺角係零補償, 亦無其他代替品

27M / 28M 小巴要兜何文田, 一d都唔快,同埋唔經油麻地

5D ? 九巴咁好死肯拉落旺角先算啦

castanopsis 發表於 2016-8-11 03:21
問題係我經常搭104/112下繁至晚間去佐敦
我搭紅隧車基本上只係試過一次遇到死亡交叉之後塞車，但車龍都唔 ...

我唔明個邏輯喺邊，點解219P順時針14X就一定要逆時針？
如果加士居道真係咁恐怖，點解唔兩條線都順時針？

至於佐敦觀塘特快，好難怪九巴唔宣傳，始終得單邊，另一邊行晒彌敦道真係稱唔上快
而更致命既係個班次，下下半粒鐘一班，太難等
我上面個方案一（搵98P做康翠<>曉光街<>觀市<>佐敦），其中一個莫大既好處，就係可以比較密車咁做觀塘佐敦特快搶新客，順便重組14

14X 係被迫要逆時計，畢竟 14X 係完全拎緊 14 車源做緊野，
九龍東特快落佐敦係九巴最想做既野，無必要早繁完全同 215X 重疊。

而未改循環線前，14X 下繁返觀塘係死症（客量差），九巴放棄依點好正常。

九巴並唔係無宣傳，而係宣傳策略錯晒。
基本上上得 14 既人係完全唔知道有 14X 等快去佐敦依回事，到今時今日仲係咁。

用咗少少時間去理解你個理論
我感覺上你既推論近乎slippery slope，一層扣一層，但推到最後根本好牽強

歐化條快線既車流速度，固然會同加士居道既狀況掛鉤，依點無容置疑
以我經驗，加士居道一般塞車既都係條去渡船街既快線，亦即你藍字所描述既狀況
但我想講，條加士居道快線識行，其實並不代表後面歐化條快線唔會塞死
要記住，紅隧/紅繞/東九龍走廊三路既車係要一齊share加士居道天橋條快線
加士居道天橋快線車流慢，後面每一條支路就要再慢三倍
舉個例，條加士居道快線每3秒過一架車，東廊來既車就每9秒先過到一架（已經未計紅繞來既車比較容易上到橋）
而歐化條快線其實入死亡交叉之前係二轉一
用返個例子，歐化快線就會18秒先過到一架車
計埋快線係插隊，車流通常再慢少少，已經可以上到20秒一架車，排30架車（等閒事），死亡交叉之前已經要塞10分鐘

依點係絕對錯誤。
因為同樣地歐化條快線都有極大量落衛理道／理工既車上左去，去到死亡交叉 Cut 左中線，而依類車流量唔比紅隧上加士居道天橋為少。

再拎番下繁真實個案，我真係試過好多次上客貨車而恰著左，提少陣司機誤入快線；或者上 296D 或 98D 打死都用快線；
最特別係，我上左部 215X（停曲街而歐化快線塞返上橋），係慢線落橋果下過左 98D 頭，最後部 215X 係曲街準備 Cut 番入返死亡交叉，剛剛同快線部 98D 平排。

所以要塞超過 10 分鐘，一定關歐化快線落到死亡交叉，因為唔同原因，落衛理道／理工車 Cut 唔到出黎而塞死。

至於你紅字所講既情況
其實我要修正一點，加士居道橋面慢線慢車，幾乎全部都係想去油麻地，堆車一落橋就要排佐敦道交界支燈
反而橋底慢線既車，其實有一半都想入佐敦道，過車既時候其實係一轉二，有一半都會左轉入佐敦道
最後好多時橋底慢線過車會快過橋面落橋慢線/橋底快線
而加士居道橋面慢線塞車，基本上同佐敦道關係不大
因為入佐敦道既車都唔會想落橋之後要連cut兩條線入左轉支路
你話落橋位塞車=加士居道慢線被佐敦道倒塞塞死，其實並不成立
（唔係話佐敦道唔塞，但只係無你想象中咁嚴重）

唔一定，如果全部都去油麻地，每日橋底 2 線就唔會日日被爭線。
我亦都唔知邊個咁聰明，為左佐敦道綠化而索性封左條慢線，而唔係將佢變成巴士線。

係落死亡交叉前（近康莊道橋底），要落佐敦道一直係好高難度：
1. 康莊道橋底 -> 左線 -> 理工轉入 2 線（受大量紅隧上橋爭線）->  加士居道落衛理道支路 1 線 -> 繼續留 1 線
2. 康莊道橋底 -> 左線 -> 理工留番原線即 3 線（比大量 2 線車 Cut 線）->  加士居道落衛理道支路 2 線 -> Cut 入 1 線
3. 康莊道橋底 -> 右線 -> 理工轉入 4 線（被兩邊夾擊）->  上橋慢線 -> 落橋到加士居道 3 線 -> Cut 入 1 線

走法 2 一定係最差行法，但事實大量車日日咁行緊；
而好有趣既係，走法 1 唔一定下下快過走法 3 果下至抵死 。

你講既野唔係錯，不過前提係加士居道天橋塞車，而佐敦道路面情況大致正常。

不過出現兩個情況：A) 加士居道天橋唔太塞；B) 佐敦道太塞
全程行慢線反而慢過上橋再落橋。

你口中話司機好怕 Cut 線，其實唔係，佢地最唔怕 Cut 線，只係佢地識唔識 Cut 線。
一眾搵食貨車比我見解係，只要見到衛理道支路車流頂番出理工，而上橋勉強行到，有時橋面慢線落橋唔係壞事。

更何況，我上親客貨車或者的士，有一半機會係先上橋再落，佢地既經驗同我講：反正都塞左咁耐，當佐敦道好塞，打尖隨時有著數（但唔一定中獎）。
只要佢地打尖唔成，結果又係留左係 2 線同 3 線既落橋位度塞返上橋。
所以每次東九龍走廊去佐敦，真係日日買六合彩。

不過你講得無錯，落橋位塞係唔一定係佐敦道促成，只要去油麻地車流出事都一樣。
但如果係去到咁大件事，落佐敦道既車根本無得避，又有咩分別？

213X如果真係要改兩邊總站，其實可以同13X共用坑位，反正都係支線

再重申一次，唔好搞亂行車時間不足 同 塞車搞到脫班兩回事
如果215X總站一部車都無，代表條線行車時間不足
行車時間不足好易解決，就係加時
98D上次都係咁玩，班次亦真係穩定咗（至少少見咗25分鐘一班然後頂閘飛站）

213X 拉去尖沙咀東，咁又係要來回行足落尖東路段，果度都係左成半個鐘行車時間。
一來一回加埋塞總站，除非九巴願意係 213X 完全無車時拉 13X 去穩定班次，但 13X 自己都搞唔掂，仲幫 213X？

215X 已經專登係塞車時段加晒時；再另外係 14 年加左次時，加左時結果呢？
好似「空城計」情況繼續惡化，惡化一個重點係，九龍站去新港中心，最差我真係試過要 30 分鐘。
你都識講 215X 成地地雷，你叫巴士公司點加？觀塘塞車日日有唔同玩法，最新玩法係有車係開源道阻街，都搞到觀塘道龍尾去到美孚。
雖然塞車情況唔係日日咁跨，但高鐵地盤係近年搞到 215X 脫班既兇手，係唔係行少個塞車黑點就立即有大改善？最少係另一個方案減緊行車時間。

循環線一樣會行車時間不足，搞到總站一部車都無，14X無出現，只係因為佢行車時間夠，唔係因為循環線比較好
而我非常懷疑14X繁時係唔係得四部車喺路上
要記住，下繁唔只尖沙咀塞車，觀塘道都塞到喊，尤其西行法院一段，真係可以搞你十幾分鐘

14X 改循環，九巴做左好多數據去改善效率。
14X 早繁係出緊 5 部車（20 分鐘時段），但其他時間大部份係開緊 4 部車；除非觀塘路況好差，否則 14X 係好少會過鐘。

問題係，當年 14X 單向一單最少 50 分鐘，結果完全唔夠跑；點解而家 14X 係預成近 110 分鐘就夠行車時間？

紅字：
問題係班客會在意你個班次
事實上213X開線短短幾日，已經俾我見到近30分鐘一班既恐怖班次，講緊個日已經唔算塞（龍尾唔過蕪湖街）

剛開線，條線底線係 20 分鐘一班，車手唔太慣路況，一班車多左 8 分鐘真係算係咁。
14X 班次剛改線，咩野情況都試過，九巴係需要更多數字去穩定班次，要時間去處理。
反而係養唔養到班客睇 ETA 做人。

坦白講，我係客，早繁係山上面只要班班車準時開就無事，家陣連早繁客都搞唔好。
到下繁無錯係問題，但 13X 開緊成 10 分鐘一班，就算 213X 真係做到 20 分鐘一班，都唔夠玩啦。

S3BL100 發表於 2016-8-9 12:10
想知你認為 213X 有幾唔進取？幾乎係安達落機隧最快行法。
安達加寶達，秀茂坪只係刷邊，已經取道樂華落 ...

兩繁 13X 落觀塘一定係最慢，11X 係人板，如果兩繁路況咁差都咁改，就算你非繁曉飛又有鬼用。
而且 213X 落秀明道出，比而家會慢幾多？但係唔係唔值得慢 5-10 分鐘去做好分工？
但你唔趕走班人上 213X，樂華一世都唔會上到 13X，13X 最多人上車係秀明道同曉麗苑。
佢地上唔到 13X 落尖沙咀仲有 28（而且唔係慢過 13X），但去佐敦班人照舊上唔到車，你比部 213X 又有鬼用。

13X 總站放邊我無所謂，中秀也好，上秀也好，甚至照留寶達（如果九巴夠車又有心做）。
家陣成條 89A 綠小係度，我睇唔出牛頭角 / 秀程樓 / 寶達班流水有幾需要再做。

至於啟麗問題，而家的形勢係無得搞。
啟麗本來係歡迎 224X 全日同 13X 分家，但一聽到要兜啟德兜多八分鐘，已經八成幾人 say no。
就算唔計呢樣，當區調查過 13X 用家，當中唔少都反對 13X 撤走換 224X 全日，因為 224X 落佐敦比 13X 慢唔少，仲有秀茂坪流水。

所以就算你話曉光街坐 13X 好慢，「忍左咁多年」，呢個係死症，無得搞。

唔係無得搞，而係點解硬要啟業做總站？好地地跟 641 行反對聲音立即縮細。

至於秀茂坪流水可以用 89B 綠小解決。

只係無左 13X 落佐敦慢唔少，依點我真係無方法解決，咁佢地想要 224X 加班定係比人搞？佢地真係要考慮下。

dennis28a 發表於 2016-8-13 04:47
兩繁 13X 落觀塘一定係最慢，11X 係人板，如果兩繁路況咁差都咁改，就算你非繁曉飛又有鬼用。
而且 213X  ...

其實啟麗區好多問題考慮

搬總站 — 啟麗唔想，因為怕繁時上唔到
跟28B兜少少啟德返轉頭 — 麗晶商場變左尾站麗晶唔肯過
非繁 — 224X最密應該開20分，兜啟德額外要8分鐘，依家13X開15分，點睇都似倒退

再講，區議員有做過調查話啟麗區搭13X/224X，其實好多都係彌敦道先落車
尖東只係返放工先多D人

所以就算224X唔全日，班街坊搭返13X，無損失

九巴又唔駛撥額外資源比224X開非繁

213X開左就比13X服務範圍又嫌慢既人多一個選擇
咁分流似乎好過13X/224X，因為就算唔兜啟麗，都解決唔到寶達-淘大客量太多問題

而九巴算死草要班班頂閘唔加班都無計

exspeed 發表於 2016-8-12 14:34
土瓜灣 特快 去油麻地同旺角係零補償, 亦無其他代替品

27M / 28M 小巴要兜何文田, 一d都唔快,同埋唔經油 ...

點都無理由要將軍澳資源服務上路旺角客，九龍城問題應該九龍城自己解決返

情況同當年用荃葵資源去做青山道觀塘客類似，但 6D/40 已經撥亂反正，而 93K 上路旺角的人數係當年 40 觀青客一半都無，
係咪有需要全日線補位，值得商榷

如果真係要補償上路旺角，除左 5D，仲有好多方法；
就算係搞 6C/6F，隨手都諗到起碼兩個方法

一係 6C 拆每 20/30 分一班特車分支，美孚跟原路去加士居道後，跟 93K 去盛德街

想屈錢的話（而家 93K 收緊 $7.2/$8.9），一係拆條 20 分一班分支，美孚後經西九龍走廊出旺角，再跟 93K 去盛德街，可以收 $6.8，
問題只係咁做可能會製造多個沙中線通車後麻煩少少的位

反而係 5D 我唔知點解九巴咁大信心認為單靠啟德往返土瓜灣紅磡會夠客全日。
如果係 5D 拉去旺角油麻地，就算係啟晴德朗，基本盤都即刻多唔少，至少沙中線通車前都夠客做全日，沙中線通車後即殺

所以似乎上 5D 會係客量同資源問題上比較可取的方案

S3BL100 發表於 2016-8-8 02:15
咁 213X 又唔係淨係得安達同秀茂坪道既，仲有未來的安泰（如果最終按原計劃拉上去，但唔知總站夠唔夠位） ...

我會搵辦法縮28去紅磡唔知邊度(雖然好耐之前好似比人反對)，跟著make sure去尖東$7.50...

然後下繁往尖東方向既13X兜啟美麗，13X全日取消啟祥道所有分站，咁即系九龍灣工商區果班人都只會得翻213X(一系行去EMAX搭車)...



不過你問我，我會先體下安達臣自己可以令213X有幾多客，先再淋下一步點重組，因為始終213X始終得20分班，安達臣唔兼疏，肯搭的話，可能最終繁時13X同213X齊齊爆，跟著224X就繼續...你懂的...

Ravenclaw 發表於 2016-8-14 02:35
我會搵辦法縮28去紅磡唔知邊度(雖然好耐之前好似比人反對)，跟著make sure去尖東$7.50...

然後下繁往尖 ...

28 縮紅磡就唔使諗，地區本身一定好大阻力

就算唔係呢樣，28 而家尖東返土瓜灣上路同九龍城的客，個個由 $5.8 變 $5.1，都唔見得好高明

213X 安達邨就肯定袋袋平安，日後如果按原計劃，應該仲有安泰甚至石礦場。
問題反而係而家安達邨去佐敦尖沙咀的需求有幾多

唔使擔心班客會行去搭 13X，13X 雖然繁忙時間密一倍，但兜秀茂坪的時間都抵銷有餘。
至於非繁，13X 又唔係密過 213X 好多，但要兜啟麗，就算係出佐敦，兩條線頂盡都係打和

如果用屎忽數角度計，而家 13X/213X/28 似乎已經係可行的前提下差唔多做到盡。
樂華本身距離佐敦尖咀比起秀茂坪更近，要屈山頂人坐貴車，點都易過屈山腰人搭貴車，況且 28 根本無可能縮

YY487 發表於 2016-8-14 11:40
我個人就覺得 213X 呢種兜路定線對安泰其實冇乜吸引力
搭 Lift 落去有條平啲密啲順住去嘅 26，會唔會仲俾 ...

其實 213X 安泰開出，雖然要兜落安達再走，但對安泰而言其實唔係慢。
以今時今日九龍城塞車情況計，213X 至少回程真係會快過 26 唔少，去程亦唔係太差

何況如果係去尖東，26 要先經佐敦，但 213X 直達，已經有分別

情況有少少似 213X vs 13X，當然分別應該無咁明顯

Ravenclaw 發表於 2016-8-14 02:35
我會搵辦法縮28去紅磡唔知邊度(雖然好耐之前好似比人反對)，跟著make sure去尖東$7.50...

然後下繁往尖 ...

28縮去紅磡諗都唔駛諗, 一兩年前用細車行, 晚晚11:30往樂華班車, 上完理大都爆住去山谷道, 轉用大車都要企人至頂閘, 最後一個鐘頭服務都爆, 你諗下點cut?