li1872903 發表於 2017-9-15 23:18
睇見啲人成日話將藍開左要將條線改行將藍都唔知咩心態
行遠左哂多左時間好好玩呀？
...
咁又唔係一定既
最低限度，290系點都應該拆一條分支行將藍隧道
山下大部分地區去荃葵，都係將藍+6幹比較直接，而且肯定比起龍翔道新清穩陣
另外，137區發展之後如果康城支線唔延長落去
係好有需要開條將藍隧道過海線去中西區
要知道137區初步規劃可以住到十萬人
如果真係住到咁多人，分分鐘將藍尖咀、將藍旺角線都有想象空間
10598C 發表於 2017-9-15 10:14
796P來回程如果改行彌敦道去中港城都好嘅 但係你話佐敦多客 咁點樣解釋215X點解咁多客？定係你意思係215X ...
215X食正觀市，本身多人好正常條線成個客量模式，都同其他東九龍走廊住宅區路線有明顯差別
另外要留意既係，觀市本身無一條正常路線來往佐敦，條14X無論班次同走線都好唔掂
唔少去柯士甸道一帶/佐敦邊皮既客，其實都係行返去搭215X
我會覺得尖東同佐敦係取捨
佐敦本身全日都穩定地有客源，但同時港鐵競爭會比較大
796P現下最理想既策略，係飛走尚德雙向經佐敦
如果最後發現輸俾港鐵，無客，先再改入尖東
castanopsis 發表於 2017-9-17 09:38
215X食正觀市，本身多人好正常條線成個客量模式，都同其他東九龍走廊住宅區路線有明顯差別
另外要留意既 ...
其實相反我覺得點解215X做得起而14X可以差咁多，班次密唔在話下啦，某程度上係因為尖東尖西搭地鐵都唔方便。
去彌敦道其實地鐵真係好方便，尤其係將南本身已經搭慣地鐵，要拉班客上嚟搭巴士其實唔容易。
98D其實係因為本身班次密，亦都多人識，口碑亦都好，所以先多人搭。反觀296D去尖西同地鐵有一定程度重疊，班次亦都唔密，走咗車啲客依然都係一個華麗轉身落地底。
相反我諗遲啲等東西線開左之後 796X改經機隧 提速去尖東 然後796P全日 將軍澳走線跟796X 不過飛走尚德 之後跟296D去九龍站 做彌敦道特快 同時接駁西九龍高鐵站
10598C 發表於 2017-9-17 10:07
其實相反我覺得點解215X做得起而14X可以差咁多，班次密唔在話下啦，某程度上係因為尖東尖西搭地鐵都唔方 ...
講真，觀塘去佐敦，搭鐵真係麻麻地吸引14X做唔起，班次太垃圾係一個原因
另一個係因為佢走去玩大循環，佐敦等車班次無定向風，仲要兜埋尖沙咀先返觀塘
而條線知名度亦同215X差好遠
我一直覺得觀市佐敦係可以做得起，只係巴士公司一直未有辦法認真去做咁解
去彌敦道其實地鐵真係好方便，尤其係將南本身已經搭慣地鐵，要拉班客上嚟搭巴士其實唔容易。
一半啦
講真，我又真係唔覺得搭鐵去佐敦尖沙咀有幾方便
搭鐵方法兩個，一係碌曬全條觀塘線旺角轉車，一係行港島過
前者望到個車站數目都唔開胃，港鐵官網都唔建議你咁做
後者要轉兩次車過兩次海感覺又係差，仲要兩次轉車都唔包上到
我識既人都至少會考慮下搭巴士
98D其實係因為本身班次密，亦都多人識，口碑亦都好，所以先多人搭。反觀296D去尖西同地鐵有一定程度重疊，班次亦都唔密，走咗車啲客依然都係一個華麗轉身落地底
錯
98D多客過296D，純粹係因為98D覆蓋人口多過296D
俾少少人口數字你參考：
98D覆蓋坑口寶林，坑口有7.6萬人，寶林有8萬，加埋約15.6萬人
296D尚德住1.9萬，但附近地區仲有其他屋苑，計埋大約5-6萬左右
98D覆蓋人口多過296D兩三倍，客量確實亦確實係差兩三倍
castanopsis 發表於 2017-9-17 10:28
講真，觀塘去佐敦，搭鐵真係麻麻地吸引14X做唔起，班次太垃圾係一個原因
另一個係因為佢走去玩大循環，佐 ...
傻啦，尚德以外嗰D早就坐囇MTR...
Charon1999 發表於 2017-9-17 10:35
傻啦，尚德以外嗰D早就坐囇MTR...
尚德邨個人口真係只係計尚德邨，廣明苑唐明苑都無計
計埋既大約38110（中原地圖數據）
而彩明富康其實都有一定人數走去尚德搭296D出尖沙咀
加埋確實係大約五萬
有時又唔好太低估巴士吸引力
296D佐敦返尚德，係20分鐘以內，其實行埋去將軍澳站都仲快過地鐵
一直以來都有一堆將軍澳站附近既人行過去搭296系（尤其A/D）
當然搭鐵既都係大多數
castanopsis 發表於 2017-9-17 09:16
咁又唔係一定既
最低限度，290系點都應該拆一條分支行將藍隧道
山下大部分地區去荃葵，都係將藍+6幹比較 ...
將軍澳去荃葵冇錯應該行六幹比較快 但係請問旺角可以點行？大角咀落橋出返去？
其實可以考慮開返條行六幹加西隧嘅繁時過海線
10598C 發表於 2017-9-17 12:13
將軍澳去荃葵冇錯應該行六幹比較快 但係請問旺角可以點行？大角咀落橋出返去？
其實可以考慮開返條行六 ...
六幹去旺角，係要行大角咀但唔使塞九龍城同亞皆老街，其實又唔係好差，而大角咀本身亦唔係完全無客
尤其137區出將隧本身需要唔少時間
至於六幹西隧線，除非出到來行車時間真係好理想，否則免了
一來隧道費本身貴，二來藍隧本身直接駁東隧，係過海既東隧過直接好多
未來中環灣仔繞道起完之後，中西區交通狀況應該會有所改善
到時東隧未必係一個好差既選項
當然東隧如果可以加巴士線就更好啦
castanopsis 發表於 2017-9-17 12:43
六幹去旺角，係要行大角咀但唔使塞九龍城同亞皆老街，其實又唔係好差，而大角咀本身亦唔係完全無客
尤其1 ...
其實要開將軍澳六幹線又唔係唔得嘅 只不過一定唔會係現有嘅線去改路行囉
至於行西隧 係因為考慮到有唔少人表示東隧已經塞到好似紅隧咁啫 繁時一兩班可以諗諗
而如果開辦新嘅六幹車 可以有荃葵線 油尖旺線(走線跟287X) 過海線 尖嘴線(跟260X/280X是但一條嘅走線) 深水埗線
如果要返上觀繞 應該可以經茶果嶺道用厲鬼入口出入觀繞 應該都可以舒緩少少將隧塞車問題嘅
castanopsis 發表於 2017-9-17 10:48
尚德邨個人口真係只係計尚德邨，廣明苑唐明苑都無計
計埋既大約38110（中原地圖數據）
而彩明富康其實都有 ...
但係其實都有唔少尚德嘅人，為咗慳少少錢而去拍卡減兩蚊之後坐地鐵...
至少我身邊都有唔少人係咁樣做
有次約人星期六朝早出尖沙咀，我就計時間坐796P，但係其他同學不論住彩明、廣明定係富康嘅，都寧願坐地鐵去...