m_rd08 發表於 2018-1-6 11:43
安達臣班客行落去寶達/順安等車好過啦
咁樣連290X都唔洗開
慘在而家早繁係有人寶達行上來等290X 因為有位坐;P
682-798已經有轉乘
竟然唔做沙市-東區反而做將馬？
cobalt174 發表於 2018-1-6 11:51
682-798已經有轉乘
竟然唔做沙市-東區反而做將馬？
運吉會答你搭鐵;P
其實呢條路線由運輸署推出嗰一刻開始，已經默認咗邊一間巴士公司做。
當年798初開，有聽聞過新巴打算同運輸署申請開辦往返上水粉嶺嘅假日路線，不過運輸署Rejected，打後都傳出過有其他巴士公司相繼建議開辦途經大老山隧道嘅將軍澳往返新界東路線，亦被運輸署一一拒絕。而今次運輸署竟然咁做並唔係冇原因。
試下諗下開咗依條路線對邊間巴士公司最大得益？
對新巴嚟講，而家已經有682同798呢組轉乘優惠，既然係咁，點解呢條新路線開辦嘅時候係刻意喺馬鞍山區跟足682行？ 如果佢係途經一啲682行唔到嘅地方，投返嚟都仲有意義，勉強可以當做接駁線，等682本來覆蓋唔到嘅地方嘅人可以落去轉乘682。更加重要嘅係其實大家都知道將軍澳去馬鞍山嘅人本身已經唔係多。相比之下相信去大埔甚至上水粉嶺嘅人會更加多，點解呢條路線係要去馬鞍山可唔係開去更加遠地方呢？如果運輸署係希望新巴可以攞到呢條路線，理論上應該係入去大埔，等大埔嘅人都可以搭去轉682，搞大新巴轉乘網絡，而非開辦一條同新巴現時市場有重疊嘅路線。
相反，對九巴嚟講，馬鞍山始終屬於沙田區嘅一部分，收費可以唔太貴，加上已經有完整嘅轉乘網絡，萬事俱備只欠將軍澳。馬鞍山嗰條路線只要將個價錢稍為壓低，除咗已經有798嘅沙田區之外，轉車入去大埔上水粉嶺絕對比798更加平更加方便。呢條路線唔單止攞到馬鞍山嘅市場，而係攞埋大埔上水粉嶺呢堆尚未開發而且對家渴望可以入到嘅市場。
如果依條線係泊石門又或者經馬鞍山其他嘅地，新巴都仲可能有少少意欲去投，因為咁樣變相可以幫到佢擴展現有嘅轉乘網絡。但係依家條路線同682近乎一樣，根本冇任何誘因比新巴，反而對九巴就有莫大嘅利處。根本由一開始有呢條線嘅時候就已經註定係比九巴，只係運輸署再加工做多少少嘢，等新巴投標嘅意欲再降低啲。
所以大家唔需要擔心，去到2019年，甚至2018年尾嘅時候，大家就可以用盡大老山隧道嘅轉乘網絡。
應該係咁講。整個新界東現有嘅地區，除咗顯徑大圍同馬鞍山之外，其他地方嘅收費都唔會平得去邊。 只要佢係收馬鞍山嘅價錢，除咗沙田市中心之外，去其他地方都唔算貴。如果條線入到大埔，去馬鞍山/石門嘅人就要額外比多啲錢
本帖最後由 10598C 於 2018-1-6 12:10 編輯
Charon1999 發表於 2018-1-6 11:59
其實呢條路線由運輸署推出嗰一刻開始，已經默認咗邊一間巴士公司做。
當年798初開，有聽聞過新巴打算同運 ...
FYR將軍澳現時入馬鞍山搭九巴只需要$9.8~10.8，估計嚟緊開線都會係收10.8
(有趣嘅係將軍澳入沙田只係7.7~8.7，但依然咁多人甘心情願比10蚊搭798)
以康翠人身份自私啲講句，假若將鞍全日，山下就有第二條全日老隧線，而山上依然繼續係冇全日老隧線...
而且而家係後梁振英王朝，新創建作為前朝皇親國戚管理嘅公司，你覺得你會有運行？
我睇死佢個加價申請都係fail，係睇下幾時比人折磨到推出市場，之後等聽教聽話嘅九巴統一市場
本帖最後由 Charon1999 於 2018-1-6 12:32 編輯
053h4 發表於 2018-1-6 12:21
咁無運行就龍運做晒港珠澳啦
沙中線2019年通，睇下九巴搵幾多車鞏固新東-九東lor
你好似遺忘咗城巴係做港珠澳大橋去迪士尼嗰條雞肋。
或者咁講，佢都仲有條雞肋可以咬下，未至於完全冇嘢食都叫有少少運嘅，啱唔啱聽？