今日嘅九巴，真係越來越似當年臨執嘅中巴
鍾意就出齊車，更多嘅係收車脱班，運輸署都奈佢唔何。D 人儀容行為駕駛態度樣樣亂晒龍。
有冇人有同感？ 如果講無心戀戰,新創建唔好得好多 可能好快政府要巴士公司支援支付寶，九巴學中巴唔肯就比人收呢;P 全港巴士公司都係一擔擔，無乜分別。
無肉食的線就cut cut cut，
多客的線都唔見得會開足車（例如港島2A、九龍277X等等）。
有車剩係去哂投標線，又或者係紅隧堆皇牌線。 九巴係毋庸置疑四間專利公司入面做得最衰嘅一間
嗰啲乜嘢脫班、豬頭骨線無心做嗰啲唔使講，間間都係咁
九巴係喺細節上面俾乘客一種差嘅觀感，例如個App啲衰嘢已經罄竹難書，但係新城都俾到你睇個距離定係架車根本未開
同埋啲慳皮嘢，好似為咗慳錢將原本計上層座位個套3D掃描系統換做低成本紅外線，結果十架入面九架唔準、套大陸凱倫LCD報站又係咁
車廂又從來唔會大洗，永遠見到窗邊啲頭油漬，冷氣系統又永遠一大浸臭味等等
呢間公司啲人最鐘意搶頭啖湯，好似LCD路線牌同報站、同鹹魚計量器嗰啲，但係永遠做出嚟都弄巧反拙，
相反新城有時做得慢啲，但係起碼出到嚟整體都係有好評，例如用黃色光管、App同動態報站表格式、以至整體文宣都係美觀咁:lol
所以呢間公司唯一可以做嘅，就係炒哂啲營運智將知道『應使得使』呢個道理;P 講到尾都係車長人手不足既問題多過無心戀戰
但無論九城新都無諗過點樣著手改善車長待遇問題
市面大把無咁危險同壓力大既工種同車長人工差唔多既時候, 仲邊有人入行
就算九巴早幾年果種積極進取都係o係 marketing 方面, 而無去諗下點樣長遠解決人手唔夠問題 HS1588 發表於 2018-6-18 01:04
講到尾都係車長人手不足既問題多過無心戀戰
但無論九城新都無諗過點樣著手改善車長待遇問題
市面大把無咁危 ...
新創建的確無咩心機
由每年D RPP,同埋議員同佢開片
係FEEL到對方無心機做
講黎講去都係CUT LOSS,新服務乏善可陳
有心機既,咪做機場巴LAW
機場巴講既係超過7成班次空載無問題,只要餘下3成班次夠多人搭已經賺返有突
市區線無呢個條件
九巴宜家根本就系無車 無人用
一直以來都無多過上次之後仲少左
但系招標就要充大頭鬼
開到個口大一大
搞到其他線無一日開齊班次架
宜家B1都要等成十幾分鐘先一班車
我真系唔知佢甘樣十個茶壺九個蓋 仲要招標
可以撐到幾時
其實如果九巴新城都唔投標 我覺得運吉一定會解決宜家呢個困局