miklcct 發表於 2018-11-15 20:56
碼頭區往長康就真係K52轉140M兩程搞掂好過啦，鬼同你兜荃灣同大窩口咩。
...
搭59M直出荃灣再轉M線入青衣吧
但我幾部機今日都有68資料 仲要有eta wo....
lsc04d11 發表於 2018-11-19 22:15
但我幾部機今日都有68資料 仲要有eta wo....
係講緊網頁版唔係app版
FBI2 發表於 2018-11-19 15:19
青衣入元朗冇問題，但元朗出青衣就慘了，而家條279X南行班次神神化化，冇20分鐘都唔駛有車，係欖隧餵蚊仲 ...
這個我同意，自己也多數不好彩經常欖隧等好耐。
試過有一次在元朗大馬路上車去到形點，見前面有68E，仲畀佢放甩一盞燈，最後僅僅一齊到轉車站 (前後腳剛趕及轉68E)。跑上前轉車時見到下一班279x顯示23分鐘，那次已經是最好彩。
加上往青衣方向無回贈，轉乘唔想蝕錢只能等平價線68M。
Choi 發表於 2018-11-19 22:02
搭59M直出荃灣再轉M線入青衣吧
荃灣入青衣的4系M線要行好耐， 燈位多，人多上落，多塞車位，長安以外通常起碼要20至30分鐘。
反而68A荃灣十分鐘就可以到青衣站。
見到都唔少人單方向當佢 青衣特快 咁搭。
就岩班次，隨時轉埋249M都有著數。
青衣來往元朗廣場就算搭 68A 都只係慢少少，一程過舒舒服服好過在欖隧這些惡劣環境等車，好佩服你地咁鍾意叫人轉車
同樣道理，將來 948 就算上完長宏才落返青衣邨行回原線，也總好過轉來轉去，架車行好過用我去行
本帖最後由 solomon 於 2018-11-20 12:36 編輯
青衣站入元朗，一定279X聯合68E大欖轉，班次有譜，欖隧選擇多，時間叫做有得預算，快呢其實68A係唔慢嘅，我搭過同大欖車駁車轉車爭10分鐘左右，比想像中快。
至於返去青衣呢就慘了，大欖等兩飛其實有時係單飛68E！279X班次有時難預，而且有機會爆車頂閘，結果餵蚊坐返68E，元朗去又真係等返68M抵，結果去大欖返青衣可用災難級去形容，而68A自從有屯轉，班次好咗，行車穩定，當然唯一問題係大馬路返去車站唔就腳啫。不過依家要入洪福邨，會唔會用多咗好多時間就無搭過，請大家回報下了。
以前一車到大馬路係好，不過班次確難頂，如果當時有ETA都起碼有預算，唔使痴痴等待。
本帖最後由 kingprowm 於 2018-11-20 13:18 編輯
solomon 發表於 2018-11-20 12:32
青衣站入元朗，一定279X聯合68E大欖轉，班次有譜，欖隧選擇多，時間叫做有得預算，快呢其實68A係唔慢嘅，我 ...
來往元朗廣場就一程過 68A，如果恆香咪唯有死等 68E 囉
大欖隧道轉車環境咁差，又多蚊，又試過發生貨櫃車失控撞死人事件，冇乜必要都唔好在大欖隧道轉車
我作風就寧願慢都唔願意轉車，除非轉車環境好和轉車價錢優勢明顯，例如 A21 vs 41A / 44 轉 A31呢類平 $10 以上，長安候車環境不太差咪轉囉
solomon 發表於 2018-11-20 12:32
青衣站入元朗，一定279X聯合68E大欖轉，班次有譜，欖隧選擇多，時間叫做有得預算，快呢其實68A係唔慢嘅，我 ...
完全同意。
看來大家都認為[青衣入元朗]比[元朗出青衣]使用欖隧方便。
如果大馬路較東既位置出青衣，我通常會睇時間漫步到合益路等68E。
逼不得已才使用欖隧轉車。
68A方面，如大家所講，青衣入元朗，在元朗廣場落車都幾方便。
但去青衣方向，就要步行到家計會或水邊村等車，比較遠離旺的地方。
出青衣方向，洪福圈快則3-4分鐘，慢既話，7-8分鐘都是有可能既。
因為橫過輕鐵路軌兩次仲要係右轉，等得比較耐；加埋上落客及洪天路掉頭又等燈…
不過大窩口直入青衣又比行另一方向行荃富街來得快。
班次方面，日間定點15分算係理想，但注意傍晚後經常收車到25-30分一班，加上有車直接私青衣站，一定要睇ETA。
kingprowm 發表於 2018-11-20 10:02
青衣來往元朗廣場就算搭 68A 都只係慢少少，一程過舒舒服服好過在欖隧這些惡劣環境等車，好佩服你地咁鍾意 ...
一直以來68A只係慢少少，師傅們功勞都不少。
較長年資的68A司機好多由以前68/68M過檔，平治/冷龍都操唔少，極多「快馬」，屯公逢車過車。
近年退休潮已經少了很多「超積極」師傅，新加入既雖然都唔太慢，但已比以前果批穩健。
和以前比，唔計入洪福，都要多行5分鐘左右，計埋洪福繞圈，現通常最快約55分青衣元廣。
68A早更有一位師傅超慢，班次若密過10分鐘就會給後車追過，若開15分，兩車就會好近或追貼。
因為佢好出名，同線司機係會爬佢頭，然後返總站就泊埋一邊等佢返黎，連站長都熟知佢d野。
想牛河68A既師兄要留意:P