慈雲山巴士交通的困局
本帖最後由 ricky 於 2019-1-10 17:05 編輯好多慈雲山街坊認為該區雖屬市區，但對外交通比好多市區地方，甚至新界地方都要差。
交通差的背後，就會發現慈雲山實在太多「廢線」(班次疏同勁繞路的巴士線)，造成果度交通有長期問題，逼人搭小巴轉港鐵出入(可惜果度小巴線服務又係奇差，但差極都唔憂做)。
以下是大部分慈雲山街坊的睇法，唔只係我的睇法。
先逐一探討當中被指為「廢線」的巴士線：
2F：表面去長沙灣，但兜埋樂富、九龍塘；脫班嚴重，非繁時班次疏。定線較為正常的特快班次只在平日有一班咁大把。
3C：同2F一樣，兜埋樂富、九龍塘，先到旺角，又係成日脫班及非繁時班次疏。慈雲山街坊寧願搭定線較快的紅van去旺角。
15A：佢做到懶係多獨市位，經偉業街、Megabox、麗晶花園，即係太兜路，而且班次勁疏，慈雲山去藍田同觀塘普遍都唔會搭佢。不過，因為近年多人去Megabox消費，佢的客量不跌反升。
E23、E23A、N23：慈雲山最不受歡迎的巴士線之一，表面服務慈雲山南，但經土瓜灣同佐敦，路段經常塞車。自從城巴在部分時間引入繞經東涌北的E23A，行車路線更加拉長。去機場或東涌的慈雲山居民，都會在黃大仙轉乘A26/A29/A29P或E22/E22A等路線。部分街坊預告將會開線的A23與E23/E23A走線相近，都唔會點受歡迎。
3B：班次疏，同埋經土瓜灣下路，較費時，行車路線又同5C相似。
205M：一條奇怪的港鐵轉駁巴士線，平日開得一班，車費又收得貴過小巴37M同19M，根本幫唔到疏導山上的交通，對小巴生意毫無威脅。
相反，去慈雲山做得較好的巴士線有以下路線，但部分都有缺點：
3D、3M、N3D：定線最直接，被視為慈雲山最受歡迎的巴士線，所以在深宵時段開辦N3D，服務夜歸乘客。
5C：慈雲山去尖沙咀的唯一全日路線，都係受歡迎，可惜經土瓜灣下路同紅磡站平台，加長行車時間。有慈南街坊會選擇行落去富山搭5號，車程遠快過5C。
203E：慈雲山另一條較為直接去旺角的巴士線，但服務範圍只局限慈南(蒲崗村道)，遠離公屋區的慈中同慈北。
116：過海隧道線王之一，班次相對正常，但由於慈雲山係頭尾站，車程相對較長，尤其係去北角同鰂魚涌。
302：過海返工時間好受歡迎，區議員曾經多次要求增設回程甚至全日服務，甚至要求另一條頹線113拉長去慈雲山，去解決慈雲山無車去灣仔至上環的問題，但至今仍然無下文。
302A：過海返工時間一樣受歡迎，佢去東區比116直接，而且佢去埋116唔到的西灣河同太古城，可惜頭班車開得較晏，而且東隧一過八點就會塞車，返工返八點半好大機會遲到。
總括來講，慈雲山巴士服務係唔係無得救？
YY487 發表於 2019-1-8 15:30
慈雲山得 3D 同 116 係正常水平
對，我覺得只有3D同3M先真正服務慈雲山。:lol
秀順安達臣山頭霸主係度恥笑慈雲山無大水喉水魚將軍澳射住啊:lol 唔係冇得救，而係要搞就要做大工程，要考慮本身呢堆慢線嘅流水客，同巴士公司資源問題 其實3X, 5P, 5X都唔錯，可以考慮半全日。 2F 好難快喎大佬，你真係以為爬龍翔道快過歌和老街好多？定係你想大埔道上落，甚至玩逆走蝴蝶谷上落，然後迫石硤尾啲人捱地鐵 / 轉車？
214 自己都要入南昌街啦 受塞車影響，市區平均車速越黎越低
呢堆綫存在已久，所以根本唔係專放堆廢綫喺度
而係堆綫又唔廢變到廢 053h4 發表於 2019-1-8 16:06
E23都唔知幾受慈雲山流水客歡迎。另外，個人認為A23 應該參考224R行法，總站擺樂華，按224R走線做慈雲山竹 ...
可惜去機場真係嚇人，尤其係E23A。E23A定位更加唔清晰，東涌北又唔太需求去土瓜灣/慈雲山，慈雲山去東涌/機場又嫌慢。