ricky 發表於 2019-3-29 21:54
如果乜都要等新鐵路先開的話，咁好多巴士線都唔使諗。尤其係九龍城原本由有40號直車去荃灣，變成無直車， ...
最大問題係，條鐵已經起到咁上下（就算係 40 改快嗰陣都已經開咗工），仲有人想整條線同佢功能七八成似但又唔係快過佢（對面海條 18X 衰極都真係標榜快過地鐵先），難聽啲講句，佢一係玩緊政府，一係玩緊九巴，最終結果就係搞寸個場
雖然我對政府九巴都係鄙視，但玩嘢唔係咁玩囉
238X 發表於 2019-3-30 00:08
最大問題係，條鐵已經起到咁上下（就算係 40 改快嗰陣都已經開咗工），仲有人想整條線同佢功能七八成似但 ...
你地講到沙中線好掂，但九龍城至荃灣葵涌的鐵路走線，一係在鑽石山轉觀塘綫+荃灣綫，一係在何文田轉觀塘綫+荃灣綫 (沙中綫紅磡站點都未通車)，唔係一條線直接，仲要一頭一尾咁滯，咁只係好過無得搭，迫住搭紅van，或者巴士轉巴士。
本帖最後由 238X 於 2019-3-31 10:17 編輯
ricky 發表於 2019-3-30 17:53
你地講到沙中線好掂，但九龍城至荃灣葵涌的鐵路走線，一係在鑽石山轉觀塘綫+荃灣綫，一係在何文田轉觀塘 ...
你又點知沙中綫一定通唔到紅磡？前幾日報告話紅磡站唔使推倒重來，係咪合理係另一回事，但咁樣出咗即係話通到都係一個可能性，唔可以當做佢有排唔通到咁去諗
呢個時候叫人開條有機會被鐵路（不論係直車定係要轉一次）搶客嘅線，而家九巴又唔係無優惠 (2A / 6D 轉 40)，點睇都係叫巴士公司（不論係九巴定其他公司）揼多咗成本，但攞返嚟嘅收益又唔見得好巨大，簡單啲講就係風險大收益小，仲要開咗的話衰咗都唔取消得，巴士公司唔冒呢個險先係正常
本帖最後由 ricky 於 2019-3-31 19:11 編輯
238X 發表於 2019-3-31 10:15
你又點知沙中綫一定通唔到紅磡？前幾日報告話紅磡站唔使推倒重來，係咪合理係另一回事，但咁樣出咗即係話 ...專家聲稱紅磡站無結構問題，唔代表可以盡快通車，而家個個驚死，無人敢拍心口話紅磡站可以即刻通車。
你諗真啲，就算屯馬綫全線通車，九龍城/土瓜灣只係去荃灣西可以搭一條線過，其他要在美孚或南昌轉車，所以土瓜灣/九龍城去荃灣/葵涌巴士未必無得做。
ricky 發表於 2019-3-31 19:09
專家聲稱紅磡站無結構問題，唔代表可以盡快通車，而家個個驚死，無人敢拍心口話紅磡站可以即刻通車。
你諗 ...
我一路都係講緊，就算你啲所謂成立，時間上都係唔啱
條鐵未通就要人開線，假如條鐵通咗無哂啲客，咁你即係要巴士公司硬食。你諗下，如果你係做巴士公司嗰個，開線衰咗，唔通唔使孭鑊？
238X 發表於 2019-3-31 23:02
我一路都係講緊，就算你啲所謂成立，時間上都係唔啱
條鐵未通就要人開線，假如條鐵通咗無哂啲客，咁你即 ...
608的走線夠可以未來搭地鐵都到，咁仲可以做全日添。運輸署大可以招標九龍城/土瓜灣至葵涌/荃灣線，睇下有無巴士公司投。九龍城區議會點解當年咁筍放行40號改道，唔通開會訓晒教，而家先訓醒知道瀨嘢？
ricky 發表於 2019-3-31 23:22
608的走線夠可以未來搭地鐵都到，咁仲可以做全日添。運輸署大可以招標九龍城/土瓜灣至葵涌/荃灣線，睇下 ...
608 邊同？就算係牛頭角觀塘落太古西灣河，都要轉兩次地鐵，同而家九龍城、馬頭圍入荃灣有可能一程過，完全係兩回事
我又奇怪點解你硬係唔覺得地區人仕可以係無嘢搵嘢嚟講
我唔係叫佢哋唔好咁做（事實上無嘢搵嘢嚟講有時係應有責任），但作為旁觀者，將人哋樣樣嘢都當做 100% 認真，有機會捉錯用神
238X 發表於 2019-3-31 23:29
608 邊同？就算係牛頭角觀塘落太古西灣河，都要轉兩次地鐵，同而家九龍城、馬頭圍入荃灣有可能一程過，完 ...
第日土瓜灣九龍城去葵芳點一程地鐵過？荃灣都係荃灣西。
你唔好係又駁唔係又駁啦﹗假如608開唔成，你又話啟德就來有地鐵所以唔使開啫。
本帖最後由 238X 於 2019-4-1 00:22 編輯
ricky 發表於 2019-3-31 23:40
第日土瓜灣九龍城去葵芳點一程地鐵過？荃灣都係荃灣西。
你唔好係又駁唔係又駁啦﹗假如608開唔成，你又話 ...
咁至少過荃灣西係順路，而且就算係葵芳，經尖東或者美孚轉車都只係一次
過北角唔同，行完一次尖東仲要喺金鐘或者中環等運到，又或者過完觀塘線再轉將軍澳線。我仲未計呢兩種行法都係逆走
巴士公司作為 server provider，係要計成本同風險。有條就通而且至少對一半 target audience 會係順路嘅鐵喺度，對巴士公司而言，點講都係大風險，呢啲唔係「係又駁唔係又駁」。你後面講嗰啲更加係老屈
俾我係巴士公司，條鐵未通頂多只會做幾班，條鐵通咗嗰幾班車都仲係咁多人搭先算
238X 發表於 2019-4-1 00:20
咁至少過荃灣西係順路，而且就算係葵芳，經尖東或者美孚轉車都只係一次
過北角唔同，行完一次尖東仲要喺 ...
啟德去北角，梗係用油塘過海仲著數。
我唔係話九龍城至荃灣巴士線一定要開，但運署大可以試下招標，睇下有無巴士公司肯投，W線勁蝕都照投，佢唔會衰過W線卦﹗