yclam 發表於 2019-3-2 12:56
講真，要求開辦荃葵往返紅土的巴士線都講左好多年。如果把12A延長至荃灣唔係唔好，但係：
1.一定會加價( ...
價錢問題有考慮過
12A本身多上落，唔適合雙向分段收費
我會屬意用以108模式處理，亦即——
全程$8.9，往荃灣方向直接收$5.1（或者第二個站就加分段），回程富昌邨>黃埔分段$5.1
當然往荃灣方向會等同賣大包
但考慮到條線本身仲要同屯馬線/紅小競爭
加上去荃灣既客主要都係九碼後上車，搭唔足全程
平均每程$7唔算太過分地平
2.如果沿12A沿線停界限街和太子道西，會否吸引紅土及九龍城區居民乘搭。
其實我反而屬意230X全日，學260X停尖沙咀及再沿下路往土瓜灣，以九碼為總站。九龍城方面，建議改42線於新界總站於荃灣西站或如心廣場。
12A拉去荃灣，主要服務對象會係九龍城碼頭/馬頭圍/九龍城/亞太區/深水埗海皮
上述呢幾區去荃灣，太子道西走毫無疑問係最快走線
龍翔道、尖沙咀、加士居道天橋走，車程反而慢唔少
至於紅土，係需要另外搞
無論點處理都好，都同延長12A方案無衝突
你話拉230X，要睇埋荃灣區既利益，呢度俾兩個問題你
1. 230X尖沙咀段點行？
2. 230X開咗之後，30X/234X你打算點重組？
s3n370 發表於 2019-3-2 13:05
咪聽佢山草藥啦，正路唔係紅van見，就係落旺角太子轉車
就算以前有40直達，係得啟德年代先叫多D客去九龍城 ...
視乎你邊度出發，同去荃灣邊部分九龍城/馬頭圍/亞太區，唔係個個位都近紅小站頭
要轉車既，12A轉西鐵絕對係最快選擇
當然如果你話要去荃灣站附近咁可能又唔同講法
而呢個唔係我吹出來，係我聽當區居民，試過曬咁多種搭車方法之後得出既結論
我覺得用40個客量去斷定九龍城<>荃灣有無潛力，又唔係好公平
一來舊40對九龍城<>荃灣而言，始終稱唔上快
二來40真係只係做到九龍城，馬頭圍/九龍城碼頭一帶，40係完全做唔到
我會覺得
以九龍城一帶去荃灣，獨立成線或者有少少危
但拉長12A，加車唔多之下，係值得做
本帖最後由 castanopsis 於 2019-3-3 06:53 編輯
ricky 發表於 2019-3-2 21:01
其實跟61X最確保夠客
家陣鑽石山黃大仙已經有290/290A/290X/38/42C/40去荃葵
九龍城荃葵要開線，點解要走上去同自己堆線鬥搶？
如果你話跟61X行係快既，或者都仲可以考慮下
但望返車程數據，原來61X九龍城上車要用足足14分鐘先到永光，同一時間上12A已經喺南昌
更唔好話朝早龍翔道例牌倒塞黃大仙，跟61X行就算唔使塞到彩虹，都會受影響
我始終係覺得，九龍城去荃葵，最好既處理方法，係——
版友K58提出既38A同2D合併方案 + 12A延長至荃灣站/愉景新城（不停葵興芳）
兩者都唔使點加額外資源，但就做多咗好多嘢
castanopsis 發表於 2019-3-3 06:29
視乎你邊度出發，同去荃灣邊部分九龍城/馬頭圍/亞太區，唔係個個位都近紅小站頭
要轉車既，12A轉西鐵絕對 ...
先唔講紅磡 > 荃灣 $5.1 呢類賣大包與否嘅問題
12A 深水埗啲燈位出名惡啃
最誇張係有次界限街微塞 , 南昌 > 翔龍灣我足足搭咗 35 分
由荃灣起步就要成個鐘，有咩吸引力 ?
就算荃灣方向有得飛橋，但海壇街啲燈都唔惹少
我都聽過 12A 轉西鐵嘅轉法 , 不過只限去荃灣西一帶
好多都係紅小或者荃灣線去太子轉 1/1A
紅土 - 荃灣線應該最少都要快過後者一截 , 如果唔係就唔見得有意思
GU9338 發表於 2019-3-3 08:48
先唔講紅磡 > 荃灣 $5.1 呢類賣大包與否嘅問題
12A 深水埗啲燈位出名惡啃
12A往南昌方向，係快過回程唔少
九巴網站既行車時間資料都反映到呢點
（相同路段，網站往南昌站方向快近10分鐘）
講多無謂，既然ETA數據easily available
不妨科學少少，做下行車時間分析
———————————
往荃灣方向
九龍城去南昌站，要13.2分鐘（12A ETA）
南昌站去龍德街，全程公路，里數6.5km，8.8分鐘（參考80X彩虹>沙田圍）
龍德街去眾安街，5.5分鐘（參考39A楊屋道街市>眾安街）
所以，九龍城去眾安街，搭新12A，車程27.5分鐘
反方向荃灣至南昌站一段，應該需時差唔多
但12A南昌去九龍城，慢過去程9.1分鐘
故此，眾安街去九龍城，搭新12A，車程36.6分鐘
———————————
固然九巴ETA係計非繁時，繁時肯定要長多幾分鐘
但至少可以見到荃灣去九龍城車程，並唔慢
對比61X+290式走線，行車時間差唔多（差距喺5分鐘內）
亦好明顯快過舊40
至於紅小，車程要幾耐，要知情版友補充
但已知土瓜灣條紅小要塞死亡交叉、加士居道天橋
加上兩條紅小都有唔少時段要兜葵興芳，我相信12A唔會慢好多
考慮到兩條紅小都收$13-15，12A只係$5.1/$8.9
12A又會有唔少比紅小就腳既站位（龍德街工廈、熊貓酒店、愉城、九碼）
我覺得12A絕對會吸到客
而建議得12A延長，唔只target九龍城客，仲有南昌客
佢地去熊貓酒店、眾安街、愉城，搭西鐵並唔就腳
車程差唔多既情況下，12A相信唔會無生意
castanopsis 發表於 2019-3-3 06:06
價錢問題有考慮過
12A本身多上落，唔適合雙向分段收費
我會屬意用以108模式處理，亦即——
價錢問題，我覺得可以考慮調轉 set，好似 702 咁，例如全程 $8.9，九龍頭站 $5.8，富昌邨東行 $4.4。咁最少都同 33A、58M 轉 36A 等價錢貼近少少。
雙向分段問題其實好睇乘客習慣，例如 796C ，好少人落車先拍，絕大多數早少少行咗去拍先，再中門落車。
castanopsis 發表於 2019-3-3 06:29
視乎你邊度出發，同去荃灣邊部分九龍城/馬頭圍/亞太區，唔係個個位都近紅小站頭
要轉車既，12A轉西鐵絕對 ...
話你山草藥真係無話錯你，成日自己goodest logic+想像當現實。
先講理論，搭得西鐵，點解唔去紅磡轉？
路程更快路線更多。衰起上黎轉的士車多又唔貴。
交通情況亦唔差。
去南昌轉，貪單吊12A兼班次"頻密"？
貪界限街、太子道西塞車可以嘆耐D冷氣？
事實上，用紅磡轉車係比南昌更多人。
本帖最後由 s3n370 於 2019-3-3 11:50 編輯
castanopsis 發表於 2019-3-3 10:05
12A往南昌方向，係快過回程唔少
九巴網站既行車時間資料都反映到呢點
（相同路段，網站往南昌站方向快近1 ...
唔好老吹當事實啦，你老吹個時間，
非繁搭紅跑/渣車都係啱啱好咋。
小弟就做過無數次
繁時？隨時南昌站<->九龍城都未必得囉。
唔信的話，你不如試下搭早繁限定，
荃灣出油尖旺、太子落橋嘅特快班次先講啦。
早繁唔塞車，都要半粒鐘先到旺角啦
仲想塞深水埗燈陣兼去埋九龍城？
咪玩啦
s3n370 發表於 2019-3-3 11:14
話你山草藥真係無話錯你，成日自己goodest logic+想像當現實。
先講理論，搭得西鐵，點解唔去紅磡轉？
上面講緊九龍城，你同我講去紅磡轉？你有無搞笑少少？