HV7025 發表於 2019-3-19 13:45
車尾都難啲，因為中環站人流主要係喺荃灣線車尾（近ABCD出口）上車
之前多年下繁經金鐘轉紅色線，去車頭 ...
102同106俾內告玩死咗啦...:L;P
tunghang 發表於 2019-3-23 13:21
港島東得118過海快
仲有條半日線110都叫合格, 其他果啲掃落海都嫌嘥力...:L
leo_ku 發表於 2019-3-29 12:05
做鐵路迷點都要貼地, 既然東涌線超負荷係事實就唔可以因為你係鐵路迷而妄顧事實,
話話東涌線少人坐那D 所 ...
雖然我鍾意搭巴士，但唔代表我永不用鐵路，有人話東涌線少人搭，真係人唔笑狗都吠，唔知點解次次在青衣站等車出香港站方向都企左好多人，諗住有人話少人搭但點知想搵個位坐吓都冇
本帖最後由 miklcct 於 2019-3-29 14:10 編輯
ahken 發表於 2019-3-27 13:40
102同106俾內告玩死咗啦...
之前某日要去第度鰂魚涌返工，我住旺角，有架102P巴士行幾乎最短最直接嘅路（以路面交通計）過去（分分鐘同的士無分別），就約咗9點等嘅。我計啱時間搭07:54班車，北角官立小學落，九巴網話車程36分鐘，美孚開過去旺角就話22分鐘。我諗住大約08:15上到車，咁08:50至55應該落到車啦。
我出門口嗰陣個ETA報緊08:15，點知之後不斷加鐘，08:22先上到車。雖然明知紅隧會塞車，但係我以往搭118去東區都只係塞5至10分鐘左右，當時係預上車應該20分鐘，08:35到到隧道口啦，但係竟然未到理大八期已經塞到停哂，08:55先入到隧道，班車係07:54美孚開，即係開車成個鐘先入到隧道，計我旺角上車已經係用最直接條路鏟入紅隧都成半個鐘有多。出咗隧道之後就全程暢通，09:11落車。
結果我嗰日收工，102P頭班車未開，即刻唔搭102，跑咗去北角碼頭啱啱追到班船過黃埔轉地鐵返旺角。地鐵觀塘線過唔到海去北角／炮台山真係衰，明明當年已經有計劃啦，搞到由港島東無直接地鐵返到旺角以北，要兜金鐘樽頸（我係好彩追到班船先唔使又兜又要逼車）。所以以後都係唔好貪轉少程啦，寧願轉多次都要搵條短啲直接啲嘅路線，無路就搭船過海好過。（搭船轉地鐵就全程7.2公里，搭102就10.5公里，全程地鐵就11.1公里）
miklcct 發表於 2019-3-29 13:56
之前某日要去第度鰂魚涌返工，我住旺角，有架102P巴士行幾乎最短最直接嘅路（以路面交通計）過去（分分鐘 ...
其實最怕就係明明預一個鐘係只係for半個鐘嘅路程, 結果係要用個半鐘...
如果北角/炮台山站地鐵過到海已經少咁一大堆人經金鐘轉車...:$