238X 發表於 2019-3-19 14:20
106 唔敢講，但 102 一啲都唔奇。我諗 102P 以至唔少新開嘅東區放工線啲客，唔少來自 102 轉鐵或者其他巴 ...
102P 307P 678的確分走部分102放工客源
但呢堆線都有若干年歷史，而呢幾年感覺上102、106等等紅隧車放工北行客量係有稍為下降
雖然我無數據，無點過人頭，但以前102稍為斷纜，炮台山已經無位坐（講緊以前用座位頗多嘅8頭龍）、天后隨時飛得站，而家就少咗見到咁
106我更試過多次喺炮台山都等咗一段時間，但上車仍有唔少吉窗口位可揀
偶爾坐112放工去旺角，過紅隧站後都好似無以前咁多人留在車上
住深水埗區返東區嘅通勤客（例如我唔少同事），以往放工搭102 112多，但有都會票後，唔少回程都搭鐵
至於放工去MK行街嘅，唔少搭過一兩次102/112塞車要坐成個鐘甚至以上先到旺角後，都唔會再試
金鐘幾逼人都好，起碼預30零分鐘都夠由北角去到太子
結果地底就愈來愈多人，唔好話金鐘逼人，連去到旺角太子出站都人流如潮湧
kingprowm 發表於 2019-3-19 13:59
金鐘站作為大轉車站，只有一條線過海，根本嚴重不足，只可惜沙中線通車遙遙無期，唯有繼續聽至矮哥或熱咖 ...
就算沙中線通咗，應該淨係接而家紅隧口轉車班人再加埋轉去沙中線東九段班人都已經爆得七七八八，都唔駛諗咩疏導現有金鐘站轉車人流，不如諗下點疏導未來港島北線灣仔北站轉車人流好過
qunow 發表於 2019-3-19 19:11
就算沙中線通咗，應該淨係接而家紅隧口轉車班人再加埋轉去沙中線東九段班人都已經爆得七七八八，都唔駛諗 ...
金鐘站係沙中線頭站，起碼容易上車，同埋填補去尖東的不足
kingprowm 發表於 2019-3-19 08:32
夜晚六點幾最惡劣試過等六班車先上到，即係在月台等左十幾分鐘，仲衰過等巴士我家人都話尖沙咀站也極難上 ...
過海去九龍線搭地鐵亦明白好似102/619/905 呢類中途線最少40分鐘先過到海 總站-總站閒閒地85-100分鐘一程 不停流水上上落落條街人多車多 全部旺區 彌敦道 英皇道 觀塘道 德輔道中 長沙灣道 邊個肯同你玩...地鐵返到去巴士先可能出除隧道冇耐... 咁嘅路線除非牛河否則都唔好預我
過海返新界而家已經過多好似948 其實已經唔洗開只要地鐵東涌線已經ok, 好似307 680 681 960 961 968 978已經好盡好多線... 夠哂數
港島東返屯門 元朗 大埔 北區 地鐵觀塘線去到油塘 藍田 觀塘轉74X 258/9D 268C咪得洗乜開咁多無謂線
leo_ku 發表於 2019-3-22 17:06
樓上不如試下東涌綫垃圾服務先好講話ok
叫佢叫政府在青衣起鐵路起到好似將軍澳咁多個站咁方便先叫人保鐵啦
HG6729 發表於 2019-3-22 16:43
過海去九龍線搭地鐵亦明白好似102/619/905 呢類中途線最少40分鐘先過到海 總站-總站閒閒地85-100分鐘一程...
九龍市區啲全日過海線，其實除咗118同埋南區線之外，條條都係流水線，根本上只係得短程先值得搭。
就攞905做例子，我搵九巴網站嘅行車時間同地鐵嘅行車時間（全部唔包等車，車程前後駁腳時間，中環／香港轉車計5分鐘）比較。北行基本上只有由石塘咀山道去到奧運站呢一小段特快係快過搭地鐵，再考慮埋地鐵出入麻煩嘅因素，其實都只係得西營盤搭到深水埗，或者石塘咀尾站搭到荔枝角有競爭力，上環之前根本已經唔使考慮條905啦，除非你喺中匯街落，上車成18分鐘先出西隧，搭地鐵已經起碼去到旺角啦！
905之所以喺西營盤同石塘咀有優勢，只係因為同地鐵方向相反，同埋有一段仔嘅所謂連翔道特快。
HV7025 發表於 2019-3-19 18:21
102P 307P 678的確分走部分102放工客源
但呢堆線都有若干年歷史，而呢幾年感覺上102、106等等紅隧車放工 ...
塞多幾次銅鑼灣同灣仔, 就算免費搭都要諗下...:$