本帖最後由 Hopuco 於 2019-4-27 21:57 編輯
iPenguin 發表於 2019-4-27 21:13
最大問題係市民嘅使用習慣
「Bakerloo」呢個名本來係民間縮短「Baker Street」同「Waterloo」而成，而後 ...
屯馬綫無民意基礎，東西綫亦都冇民意基礎，屯馬綫就鐵路公司諗出黎，東西綫直頭冇出現過，點可能有民意基礎？一直以來所有官方文件都係叫做東西走廊，除左鐵路迷一廂情願，MTR幾時認過條線叫東西綫？全香港市民叫得最多就係叫沙中綫，沙中線最有民意基礎，咁不如呢條去唔到中環既路線改名做沙中綫啦？
不過大家叫到好習慣既沙中綫，都係用頭尾地名既第一個字併成既路線名喎，沙中線呢個名有冇因為咁而被人垢病過？
Hopuco 發表於 2019-4-27 21:46
屯馬綫無民意基礎，東西綫亦都冇民意基礎，屯馬綫就鐵路公司諗出黎，東西綫直頭冇出現過，點可能有民意基 ...
沙田至中環綫只係一個計劃名稱（第四條過海鐵路 + 東九龍綫 + 大圍至鑽石山鐵路），從來唔係一條完整既綫。當年叫九廣西鐵，只係因為西部走廊既問題，順手將九廣鐵路英段理順為九鐵東鐵，本黎東鐵依個 Terms 係 96 年前根本唔存在。
Hopuco 發表於 2019-4-27 21:46
屯馬綫無民意基礎，東西綫亦都冇民意基礎，屯馬綫就鐵路公司諗出黎，東西綫直頭冇出現過，點可能有民意基 ...
其實你明唔明，唔係話囉頭尾站嘅地方名拼個字出嚟好有問題，而係嗰兩個字加埋順唔順口，難唔難聽先係重點。沙中/九廣都好順口，我諗呢個亦都係點解當年火車會叫做九廣鐵路而唔係港廣鐵路嘅原因。
東西綫冇出現過？何文田開放日"東西綫"，新紅磡站工程問題爆出嗰時傳媒入新紅磡站月台影到距離牌寫 "EWL" ，某工程人員職位係叫乜乜乜 (東西綫) ，當時大台嘅新聞報導大大隻字寫住㗎！
dennis28a 發表於 2019-4-28 06:23
沙田至中環綫只係一個計劃名稱（第四條過海鐵路 + 東九龍綫 + 大圍至鑽石山鐵路），從來唔係一條完整既綫 ...
沙中綫只係一個工程計劃名稱，東西走廊何嘗唔係一個工程暫稱？「沙中綫第一階段連接西鐵綫和馬鞍山綫，形成一條貫通東西的策略性東西走廊」，東西走廊只係一個工程暫名，從來冇人認可過新線叫東西綫。係西鐵南延未通車之前一直叫九龍南綫，項目經理都係叫九龍南綫，唔通代表通車之後條線叫九龍南綫？連車站都只係暫名，土瓜灣宋皇臺都係最後先決定，我就真係唔明點解有班人可以覺得東西綫先係正名，屯馬綫係亂改。
E3Tsubasa 發表於 2019-4-28 09:54
其實你明唔明，唔係話囉頭尾站嘅地方名拼個字出嚟好有問題，而係嗰兩個字加埋順唔順口，難唔難聽先係重點 ...
難唔難聽係好主觀既野，你可以覺得難聽，但只要個名唔渉及下流或者粗口諧音，根本就冇足夠理論叫一間公司改名，至少我唔覺得難聽，我相信MTR高層都唔覺得難聽。(唔好同我講日文，日本有座鳩吹山，唔去叫日本政府改名？呢度係香港，係廣東話、英文語境屯馬綫完全冇問題)
屯馬綫邊度唔順口？係英文發音上，屯馬線比觀(kwun)塘線或者將(Tseung)軍澳線更易發，比起東西線既East-West，馬既拼音"Ma"係全英文最容易發既音節之一，East-West line甚至比Tung Sai Line更繞口。廣東話黎講，我相信係香港生活既人，絕大部份都有能力順暢咁講屯馬兩隻字。地名呢家野，講得多就習慣，習慣左就唔覺得奇怪。添馬作為地名一開始都引起爭議，依家大家都好習慣叫添馬公園啦。
係內容上，屯馬綫起碼乘客知道條線指緊既係終點係屯門同馬鞍山果條線，東西綫完全冇指示性，完全反映唔到佢既位置走向特點，觀塘綫又係東西向、港鐵綫又係東西向，東西綫更加容易引起混淆。
工程人員一向都係叫暫名，係下面港鐵2007年既主要管理人員入面，林慶樟職位叫做"總經理–九龍南綫工程"，依家九龍南綫去左邊呢？
https://www.mtr.com.hk/archive/corporate/ch/investor/2007frpt_c/C123.pdf
Hopuco 發表於 2019-4-28 10:33
難唔難聽係好主觀既野，你可以覺得難聽，但只要個名唔渉及下流或者粗口諧音，根本就冇足夠理論叫一間公司 ...
咁睇嚟閣下嘅口味同港鐵膠層都好相似喎～
恭喜，你一定覺得宜家啲新車好啱胃口啦！
雖然大家都唔想，但係的而且確而家普通話香港都算流行，你又有冇正視過屯馬綫一名縮寫喺普通話有粗口意味吖？淨係一味講日文冇意思㗎。英文亦與"腫瘤" (tumor) 相似
ArnoldC 發表於 2019-4-27 18:25
願聞其詳
福民路 (Fuk Man Road) 、灣景街 (Wan King Path)，喺 Rude World: 100 Rudest Place Names in ...
查康熙字典。
如果因條路線名不合個人心意，乾脆咪唔好搭囉。仲乜同自己鬥氣？
iPenguin 發表於 2019-4-27 21:13
最大問題係市民嘅使用習慣
「Bakerloo」呢個名本來係民間縮短「Baker Street」同「Waterloo」而成，而後 ...
連個路綫都要民意基礎
我諗到通車果日都未傾掂 :L
你話政策就話姐 :L
同埋我相信一般乘客會focus係有冇車搭
多過條綫叫名囉
同埋開左果時咪一樣叫做西鐵/ 馬鐵 / 地鐵 :sleepy:
第日假設要開條用磁能驅動嘅綫
先去慢慢傾佢點改名啦 ;P
JA5674 發表於 2019-4-29 02:12
連個路綫都要民意基礎
我諗到通車果日都未傾掂
路線、車站名要有民意基礎
的確可以學外國咁搞網上投票
又或者學星洲咁由陸交局shortlist三個名俾市民挑選
不過樓主講到咁不滿個名
其實都只係集中係鐵路愛好者入面
有無必要無限上綱地講到無民意基礎呢？