Toz 發表於 2019-4-29 21:15
叫馬鞍山線或叫西北線, 人地知唔知佢去到另一邊?
叫東西線, 但係, 一個外地人 係馬鞍山搭東西線, 會唔會認 ...
咁全日本都有好多條東西線，咁又有冇話啲人會搭咗去東京/大阪/京都/札幌/仙台既唔知邊度？
新加坡都有條東西線，又有冇話啲人會搭咗去新加坡既唔知邊度？
HV9990 發表於 2019-4-30 01:40
咁全日本都有好多條東西線，咁又有冇話啲人會搭咗去東京/大阪/京都/札幌/仙台既唔知邊度？
新加坡都有條 ...
完全同意
照佢哋咁講，咁睇屯馬綫個名，夠唔知會去到九龍城區同尖沙咀囉～
亞洲地區咁多條東西綫，本地人同旅客都好容易明白個路線名，咁末幾好～
唔好忘記啲西方遊客去台北叫咗板南線(Bannan Line) 做香蕉線(Banana Line)，你諗下同樣面對一堆唔明意思嘅英文，啲遊客會點讀Tuen Ma? 好有可能就係Tumor。
普通話人就會大叫"坐TM綫，哈哈哈！"
留意返，呢條線會途經一啲好多大陸人嘅站。
sancouve 發表於 2019-4-29 22:03
前面就有人用觀塘、荃灣、東涌同港島、將軍澳做例子，話佢改名冇規矩，咁我就試下分析
眾所周知地鐵一開波 ...
咁不如直接叫新市鎮線
E3Tsubasa 發表於 2019-4-28 18:06
咁睇嚟閣下嘅口味同港鐵膠層都好相似喎～
恭喜，你一定覺得宜家啲新車好啱胃口啦！
支持屯馬綫作為路線名，唔代表我認同成個港鐵管理層任何決定或者佢地既口味，更加唔代表我認唔認同D新車。我諗呢個係好基本既邏輯吧。做得好就讚，做得唔好就彈。
如果普通話相差好遠既他(Ta)同屯(Tuen)都可以話似粗口，咁西鐵綫同東西綫直頭係粗口啦，香港人一向文字上都用"西"字黎代替"閪(屄)"，西鐵線信號故障果陣我都聽過有人鬧係"垃圾閪鐵"，鬧得好順口添呀。
本帖最後由 hardplastic 於 2019-4-30 11:20 編輯
一大班馬友鹹魚咁唔鍾意一條全港使用率最低嘅鐵路綫，俾所謂低級啲嘅屯門（但明明屯門個區又大過你，歷史又耐過你）行頭叫屯馬綫，咁好簡單啫，你馬鞍山大帝改名做屯門咪得囉。
事實上馬鞍山呢個地名仲更加混淆啦，大陸又有個馬鞍山巿，唔通條馬鞍山綫係會搭到返大陸咩？用下個腦，接受現實啦！
有時真係好唔明點解呢班馬友咩心態？咩要求吉野家喺馬鞍山開分店否則罷食之類嘅行為（上FB馬鞍山之友揾下，大量馬友聯署），對九巴又係咁，完全係無賴嘅行為。係咪叫自卑變成自大？
本帖最後由 Toz 於 2019-5-1 01:21 編輯
HV9990 發表於 2019-4-30 01:40
咁全日本都有好多條東西線，咁又有冇話啲人會搭咗去東京/大阪/京都/札幌/仙台既唔知邊度？
新加坡都有條 ...
首先好多地方只有一條東西向既線, 叫東西線係唔會撈亂
其次係上開線時只有一條東西向既線, 後來其他線繼續開通, 就係歷史原因
有無任何開線時已有其他東西向既線, 然後將新線定名為東西線既例子呢?
仲有屯馬線點睇都唔係東西線, 格硬要用方向去命名, 應該叫東北-西北線
本帖最後由 HV9990 於 2019-5-1 02:45 編輯
Toz 發表於 2019-5-1 01:18
首先好多地方只有一條東西向既線, 叫東西線係唔會撈亂
其次係上開線時只有一條東西向既線, 後來其他線繼續 ...
如果以東京地鐵為例子，早過東西線開業既銀座線算唔算東西走向呢？
JR東西線都係例子之一，不過我唔詳述喇
另外如果你話因為歷史原因後來出現既線就唔應該用方向命名
咁90年代先出現既東京地鐵南北線係咪改錯名？
(日比谷線、千代田線都係南北走向)
同埋你話啲方位如果下下要跟到咁足既話，咁睇嚟新加坡嗰幾條線都要改名啦
本帖最後由 Toz 於 2019-5-1 03:04 編輯
HV9990 發表於 2019-5-1 02:37
如果以東京地鐵為例子，早過東西線開業既銀座線算唔算東西走向呢？
另外如果你話因為歷史原因後來出現既 ...
你係咪搞錯左邏輯?充份條件必要條件分唔清?
你舉呢個例子, 唔問下自己點解銀座線點解唔叫東西線?
屯馬線係更加似銀座線多過東西線
方向既問題, 你先搞清楚以乜野為中心點去計方位
屯馬線兩端係香港市區既東北同西北
如果將來東涌線直通港島線到柴灣, 或直通北港島線到將軍澳, 先有資格叫東西線
因為佢係市區東面, 穿過市區去到西面, 同埋屬直接路線
屯馬線直唔直接先? 你叫東西線, 但其實條線係唔適合由東搭到西, 或由西搭到東, 係咪誤導?
用兩邊總站命名唔係屯烏綫咩？
eternalflame 發表於 2019-4-27 21:27
保留兩套系統容易造成混淆, 同是否移民城市根本就大纜都扯唔上
噉換做係我，
我會選擇保留有意義嘅文字命名