S3BL100 發表於 2019-8-23 13:33
原來你後尾改左文加左野，咁我就針對回應：
你講左咁大篇文，咁同 28B U 形走線有咩關係？
你覺得更好既方法，可能係你一箱情願，亦可能唔一定無阻力。
我唔反對你既遠見，既然你覺得拉埋 23M 落水重組 28B 更好、更有用，
歡迎你去做，亦請你落區爭取，唔好係度空口講白話。
同 23M、28B U 形走線有咩關係？我亦無阻止開左 28B 再重組成條線。
但咁唔代表 23M 同 28B 係垃圾既走線，完全係兩回事黎。
BTW，23M 樂華 - 四順無明顯需求，全因有一條四順 - 振華道 - 九龍灣既小巴線存在，
就算樂華返順利成日上唔到車，仲有大大條 619 係度幫手，咁點解要搭 23M？
另外新線？搵其他線去搞？資源從何來？係最有效運用資源既方法？
又問「資源何來」？就算 28B 開左，咁同四彩、樂華需要一條藍田、油塘線有咩衝突？
既然你咁鐘意去搞 23M，咁 14B 同 23M 現在有被重組嗎？
都係果句，根本同 28B U 形走線無關係。
仲有，唔可以開小巴？一定要拎巴士做？
以你的能力，你睇唔明我 #55 想講咩，我覺得非常詫異
都係果句，完全睇唔明「少量全程客加持」係指咩野意思，完。
dennis28a 發表於 2019-8-23 23:09
你講左咁大篇文，咁同 28B U 形走線有咩關係？
你覺得更好既方法，可能係你一箱情願，亦可能唔一定無阻力 ...
無關係？U 形走線令到只能夠做到 小區 A <-> 巿中心、巿中心 <-> 小區 B，
做唔到小區 A <-> 小區 B
放棄 U 形走線，重新洗牌，就唔止可以一線兩用，直頭可以一線三用添啦，
同樣資源做到更多客，滿足更多類型需求，但 U 形走線令到網絡發揮唔到最大效用
你仲好意思話無關係、無問題？
你夠識話 23M 無客坐全程係因為有 48 同 619，咁我再問你多一次，
如果樂華條區內駁腳唔係 23M 去順利，而係走去藍田或油塘，受惠人數唔係更多？
事實明明係，留住 23M 28B U 形走線不變，結果令好多本來可以做到既野做唔到，
係你先口口聲聲話無衝突
開新小巴線？本來巴士可以做到既野，點解要小巴做？
仲有，新小巴線無論點行，都會同 U 形巴士線重疊一半，影響巴士客量，
換言之都係不能善用資源，你又諗住點解決？
就咁打算建議求其招標小巴、不顧後果就算？
tzuyu.taiwan 發表於 2019-8-21 11:28
多人搭就唔係垃圾？大把人焗搭42C
點樣焗搭 42C 法?
本帖最後由 Toz 於 2019-8-24 01:23 編輯
S3BL100 發表於 2019-8-24 00:22
無關係？U 形走線令到只能夠做到 小區 A巿中心、巿中心小區 B，
做唔到小區 A小區 B
流水客多咪會有U 型走線
比如話順利人要去牛頭角返工搭乜野?
唔知你所謂既可能性係乜. 但你應該留意下你既"可能性"係咪主流, 同係咪已經有替代路線
即係順利去樂華廿幾年前已經開左小巴線, 回程你仲可以等埋 619, 其車早就反映巴士線唔係咁用.
咁你就要考慮一拆二分別延長係咪符合成本效益.
唔計你要延長, 都要一條樂華去觀塘, 一條牛頭角站去順利. 係咪想玩三十/六十呢?
Toz 發表於 2019-8-24 01:14
點樣焗搭 42C 法?
青衣，尤其是青衣南出東九龍唔搭42C搭乜
28B功能性其實明顯包含區內居民嘅醫療用途.
唔知討論緊嘅板友係咪常常會用到公營醫療服務, 以我所知, 一日裡頭總會有人被A診所轉介你去B健康中心, 或者由X醫院建議你去Y非牟利醫療機構進行覆診/復康服務, 任何組合配搭都有機會出現, 而預約往往係越早去越好.
在此請容許我粗略數算服務廣泛, 受眾較多的28B沿線醫療處所, 包括以下七間: 聯合那打素彩頤健康中心, 基督教聯合醫院, 基督教聯合那打素社康服務醫療中心, 賽馬會和樂社區健康中心, 觀塘社區健康中心, 牛頭角賽馬會診所, 九龍灣健康中心.
七間醫療處所分別位於彩霞道(一間), 協和街(四間), 牛頭角道(一間), 麗晶花園旁(一間), 剛好就是28B由頭到尾, 或者由尾到頭所經之處.
或者咁講, 28B對於中低齡人口來講, 只係屋邨出入市中心 街市 學校的路線, 對上班族來講係可以用來接駁港鐵站與商貿區的通勤路線, 但對於高齡人口來講, 中年或以下人口就未必講得出28B肩負起區內的「通醫」用途, 這對老年人來講, 一線走天涯往往比轉車來得安心和容易理解, 一條線走七間區內有名的醫療處所, 觀塘區來講係no.1, 沒有其他路線做到.
28B對唔同社群來講都有佢本身嘅價值, U形走線係咪注定「垃圾」, 都好睇個別人士用嘅角度能唔能夠充分反映同全面分析到路線本身價值.
雜誌舉出觀塘區兩條「垃圾」都係醫療路線, 似乎那位觀塘小編自身同身邊的家人 伙伴都非常健康.
Toz 發表於 2019-8-24 01:18
流水客多咪會有U 型走線
比如話順利人要去牛頭角返工搭乜野?
23M 順利到牛頭角站一段係無問題，屈返上樂華係問題
分屍唔代表一拆二，而係將小區 <-> 巿中心 <-> 小區組合重新洗牌，
本來係小區 A <-> 巿中心 <-> 小區 B，但 U 形走線無人坐全程；
變成小區 A <-> 巿中心 <-> 小區 C，但小區 A 同 C 之間有人坐全程，已經好好多
EX-TL 發表於 2019-8-24 02:28
28B功能性其實明顯包含區內居民嘅醫療用途.
唔知討論緊嘅板友係咪常常會用到公營醫療服務, 以我所知, 一日 ...
醫院係不可不做，呢點亦係當初需要開 28B 既主因之一，但唔代表需要一條線兜晒咁多間醫院
反正 28B 都唔係做到全部觀塘居民
老實，如果當初唔係玩呢種 U 形走線，洗牌執得靚既話，
14H 都唔使特登嘔兩部車去開
S3BL100 發表於 2019-8-24 00:22
無關係？U 形走線令到只能夠做到 小區 A巿中心、巿中心小區 B，
做唔到小區 A小區 B
其實 Toz 兄同 EX-TL 兄講既內容已經包含晒我想覆你既內容。
提提你，運輸署準備就彩興苑 - 啟德綠小線招標。
「仲有，新小巴線無論點行，都會同 U 形巴士線重疊一半，影響巴士客量」
既然「現況係 23M 28B 兩端之間無明顯需求」，咁綠小 48 同新招標綠小線，又重疊緊咩野呢？
另外，我無阻止、反對、意圖貶低兩端總站潛在需求，亦無阻止你推動「大洗牌」去善用資源達致你心中結果。
不過 23M 同 28B 未能夠達到你所謂既「功能」，唔等於佢原本無「功能」。
「結果令好多本來可以做到既野做唔到」，本來可以做到你想做既野，只係你一相情願額外要求，
亦唔代表 23M 同 28B 本黎要做既野完全做唔到。
你覺得可以做得更好，唔等於佢本身完全唔好，
而你一而再，再而三講 23M 同 28B 點阻礙「大洗牌」，咩「大洗牌」係 23M、28B 本黎要做既事咩？
S3BL100 發表於 2019-8-25 01:16
23M 順利到牛頭角站一段係無問題，屈返上樂華係問題
分屍唔代表一拆二，而係將小區巿中心小區組合重 ...
下？23M 屈返上樂華就係要補做 28A 對調路線既結果，咁有咩野問題呢？