EX-TL 發表於 2019-10-19 23:17
但係有啲地方明明有直達, 班客嫌唔夠快, 要轉條快啲嘅線, 又或者市區有車直達屋企, 但送車尾, 有另一部經轉 ...
轉車做到更快嘅話都難怪班客選擇轉車而作為營辦者，做到嘅有以下幾項：
[*]轉移轉車地點減輕負荷
呢方面特指荃葵線同68A
反正都有同站無謂浪費轉車站承載力
X線轉52X 60X 66X去大角咀/油麻地同理
既然九龍都有得轉，搭返自己條X九龍再轉
唔駛改動路線但要加強宣傳，52X太慢另計
[*]繁忙時間線不停轉車站（上繁限定）
我明白部份線存在可能上埋轉車站先頂閘
但有冇諗過佢頂唔到閘係因為佢本身都要走去停
都無分別吸引唔到人搭？
小roy 發表於 2019-10-19 23:36
好簡單 你想要半個鐘一班車 定係想要平均 10 分鐘可以見車就上呢？
利申：屯門人
咁樣就已經失去咗設立轉車站嘅原意。為咗唔想等半個鐘車，見經轉車站嘅車就上，去到再轉返原本條線嚟方便自己唔想企咁耐，而唔係走去開app睇班直車幾時有車埋站夾時間等。
假設同樣情況放落大老山北行，本身北行個站已經細，啲客又係唔想15/20分車，走去揀堆密車線上去到轉車站轉車，我諗下繁全東九一定塞死。
轉車站原意就係方便市民唔洗用迂迴方法去各目的地, 同埋節省長途客時間, 家陣42000人用, 即係已經唔係大白象工程, 係近年規劃成功的少數例子。諗下當年黃金海岸一帶去觀塘番工要幾耐? 而家又要幾耐? 我敢講起碼省半粒鐘以上。香港人,知足D啦
RyanPun 發表於 2019-10-19 23:56
咁樣就已經失去咗設立轉車站嘅原意。為咗唔想等半個鐘車，見經轉車站嘅車就上，去到再轉返原本條線嚟方便 ...
又唔係城隧個站, 都唔知做咩咁多人聽到轉車站就好似轉上癮咁, 葵青返屯門可以荃灣轉59M/60M/66M但班人係要轉車站轉, 咁又塞左班人出黎, 跟住搞到58M/67M係荃灣冇位上又塞D人搭59M/60M/66M去轉車站轉返去良景/兆康, 明明259D可以去到碼頭但停唔停市中心都要去轉車站轉下先, 只可以話今日既屯門人唔同以往既屯門人, 想當年個個都返左去總站先搭巴士, 公路分站根本就上唔到車, 個個搭地鐵去荃灣站轉地鐵邊同你塞完一次巴士又再塞多次!
小roy 發表於 2019-10-19 23:36
好簡單 你想要半個鐘一班車 定係想要平均 10 分鐘可以見車就上呢？
利申：屯門人
如果大幅加班完仲係得半個鐘一班, 咁我冇嘢好講.
利申: 非屯門人
T277 發表於 2019-10-20 00:13
轉車站原意就係方便市民唔洗用迂迴方法去各目的地, 同埋節省長途客時間, 家陣42000人用, 即係已經唔係大白 ...
黃金海岸一帶去觀塘番工快左係開辦左252X, 依家係浪費屯門來往荃灣既短途時間就冇問題? 唔少冇需要開入去既就唔好開入去, 例如962A/60M
其實唔係某啲綫唔好入轉車站，而係將常規班次同繁時班次分開處理，例如非繁20分鐘、繁時10分鐘嘅路綫，繁時一半嘅班次轉no 飛公路轉車站，咁就可以等唔使轉車嘅居民集中喺不停轉車站嘅新no 路綫，要轉車嘅居民仍然可以搭舊no 路綫轉車，前提拆咗出嚟係唔使轉車站都滿客先
RyanPun 發表於 2019-10-19 23:56
咁樣就已經失去咗設立轉車站嘅原意。為咗唔想等半個鐘車，見經轉車站嘅車就上，去到再轉返原本條線嚟方便 ...
收工後我想用快又舒服既方法番屋企
而家有轉車站就又有密車又有得坐
你要我夾時間我不如迫鐵算啦
只要搭巴士既總客量多左個陣，我睇唔到巴士公司有咩理由唔推轉車站呢樣野
JC8385 發表於 2019-10-19 23:51
轉車做到更快嘅話都難怪班客選擇轉車而作為營辦者，做到嘅有以下幾項：
所以, 巴士公司其實有能力令到轉車站使用人數更多, 只係特別係擁有大網絡嘅九巴好難做到屯門一小區一線, 市區一小區(以鐵路站計)一兩條線, 從而焗班客去轉車.
68A就係我想講嗰樣嘢, 北做元朗 洪水橋 屯公, 南接荃灣 大窩口 青衣, 如果有另一啲線可以合併重組成類似嘅獨特性, 即係話58M 67M去葵芳 葵興就唔好經荃灣 大窩口, 荃灣有59M 60M 66M已經夠, 但要經城門道出入荃灣站, 57M 61M亦都唔好再經荃灣(或者改為直落楊屋道去荃灣西站), 甚至cancel呢兩條線, 將車倒落58M 67M加班谷爆個班次, 58M經葵芳 大連排去葵興站, 67M就經葵芳 大連排去荔景北.
以上例子只係亂吹, 實際上要實行起嚟真係好難, 因為正如有板友冇信心可以加爆個班次, 另外亦唔鍾意明明有直車都要被逼轉車.
68A係明顯需要大幅加班嘅路線, 如果屯門路線可以做到68A咁有大量被轉乘客, 必然要進行合併重組, 屯門人肯定唔鍾意, 而家只係做左元朗 洪水橋 青衣, 其他區唔係咁順攤嘅, 我睇68A都好難加到班.
shakugan2005 發表於 2019-10-20 00:26
又唔係城隧個站, 都唔知做咩咁多人聽到轉車站就好似轉上癮咁, 葵青返屯門可以荃灣轉59M/60M/66M但班人係 ...
例如返大興 荃灣得66M轉 班次疏
但係返屯門轉車站有埋258D 960轉 咁轉車站先轉都好人之常情