本帖最後由 ATSE40 於 2019-12-10 16:40 編輯
專二唔使蝕嘅原因，除咗揸住一啲利潤大嘅A線之外，長者2蚊優惠都有機會幫咗條數。啲長者俾2蚊搭架本身七八蚊做駁腳，個位又可以一程收兩次錢。好似最近遊咗程E21A，成個何文田落山上咗十幾個得我一個俾全費，但係好多落到山就落車，咁就袋咗政府幾十蚊補貼，跟住仲可以收多次14蚊入東涌，條數都好難唔好。但係專一同新巴就無呢支歌仔唱。
反而睇到新巴條數都幾大件事，車開多咗但係仲係開唔齊，仲要蝕錢：2015-16：車隊運用88.13%=625、時間表成效99.90%
2016-17：車隊運用89.16%=612、時間表成效99.74%
2017-18：車隊運用88.49%=599、時間表成效98.78%
2018-19：車隊運用90.29%=623、時間表成效97.98%
但係根據樓主嘅睇法其實而家新巴已經入咗蝕錢收車嘅循環，樓主提出嘅cut車數量差唔多係而家無出車數嘅三分二，再咁減法一定無好結果，特別係新增嘅成本有一部分係因為出多咗車數。
加價20%，結果就係短長途都係大量倒客，雖然話新城以前好耐無加價，但係一加就20%，講緊嘅係可能會貴過鐵同小巴，咁樣嘅話又唔夠快又唔夠平我諗都係準備等執。
似乎兩條路都係死路。
反正港島都塞車，將新巴同城巴運一啲ZF E50D改哂慳油冇力tune咪慳到錢:v
每日每部巴士成本咁高，會唔會係買車策略錯誤有關?聽說一部E500每日平均壞車率係B9既幾倍:Q
將半山d11,12同13糸專做豪華巴士，再包装加價。泳季開係X9，只停石澳同筲箕湾。有無空間？
只係幾條載空線590、8H、43M、W1，都夠新城蝕到喊啦。
反而想問下
城一條1 5B 10仔, D人吹到好好搵呀流水咁樣, 係咪真?
到呢家都仲平絕全港, 老九區內線求其一條都貴過佢地, 最多都係同價
有時覺得老九係衰, 但衰極都係一個有少少生意頭腦既公司, 求其一條M線呀, 都貴_過1 5B 10, 248M 249M呢類咁短里數都4蚊
1 5B 10仔, 先講1號, 由西邊盡頭碌到落中環已經唔短時間, 仲要魔星嶺客其實唔多, 係社會責任掛
由中環碌完去灣仔再入到跑馬地都未完, 仲要上埋個總站, 又要爬山, 咁長先收你$3.7, 其實你點講都講唔通佢賺錢, 尢其港島塞車太誇張
我諗如果老九做, 一早將條1仔分城1M同8M, 前者魔星開收你$5/$5.8 求求其去上環站調頭 (以前未有西港島), 有埋西港島? 收到你變15-20分鐘一班, cut 到去堅城站/西營盤站, 照收你$5就算
8M 都一樣, 跑馬地上飛落去銅記, 又收你$5
5B (8.3km) 同10 仔(11.1 km)我唔多講, 行車有幾長大家一早知, 對應番老九, 呢類行車時間既流水線, 應該似6 (8.3km) 同1A (14.8 km)
假設大家流水力相等, 6同1A 一條$5.1 一條$7.2 / $6.9, 老城兩條都係$3.7, 其實說明左一切