AtrHenu 發表於 2020-5-20 11:20
如果叫V6B做豪華車噤它們上一代(AVBWU)咪都可以叫豪華巴士(因為兩者個格局比MMC/E500設計好D啵)!!
...
所以我唔明點解原文會認為VB6行市區線就叫豪華巴士。
053h4 發表於 2020-5-20 11:04
你又偷換概念, 人地要有位坐, 可以爭取全坐位服務, 包括19座, 村巴, 或九巴對標的豪華服務
我係支持屯門 ...
巴士唔包有位坐我同意，九巴睇到呢個商機做不設企位嘅新服務係另一件事，同依家講車型錯配無衝突
由始至終我都係講緊如果唔係派機場巴士行市區線而係派返普通車多返幾個位，咁樣乘客會唔會條氣順啲少啲呢類大家認為唔合理嘅投訴？
962系本身班次足甚少好似960咁爆大家都正評，既然城巴開多啲車就係想乘客舒服啲唔好咁迫，咁要求城巴用返普通車多返啲座位根本唔係過份要求，定係大家想要城巴跟返九巴960一樣一車啱啱好上滿滿溜後幾個等下班？
假如當時係一架座位多啲嘅普通車咁啱坐滿而唔係當時人聲稱用有大行李架嘅機場巴士，以現時962系服務水平當時人有冇必要投訴先？話曬尾站上車有位坐係乘客好彩，依家按當時人所講仲要係少咗一班車嘅時候話知你用Cityflyer定係大行李架12.8米
水塘車大家成日都話倒退都係一個事實，座位少咗大家都有所微言，九巴咁做就係擺明唔加班次嘅情況下想塞多啲人，睇中好多乘客上到車忍一忍就算，呢個就係所謂求上到車
到乘客覺得必須要有坐位又想再快啲自然會決定付出更多換舒適度，包括最基本早幾個站上車、早啲出門口、使用居民巴士服務甚至嚟緊嘅新型豪華巴士
講到尾唔係重覆叫人證明巴士服務係保證有位叫當本來無問題，反而只係話畀大家知唔想因為區議員甚至巴士公司接受呢啲不合理投訴搞到無咗免費升級坐Cityflyer行962系
RH7685 發表於 2020-5-20 11:51
人哋講緊嗰日你就話今日 你都幾好笑
兩睇姐，如果當日無脫班就大家都覺得城巴咁做無問題，好似嗰日咁少咗架車咪被人針lol
szeto993 發表於 2020-5-20 10:25
不論行李架車定水塘車，個問題一樣係少咗座位，多返座位咁係唔係會少咗呢啲投訴呢？ ...
唔會
因為巴膠同咸魚永遠都存在
053h4 發表於 2020-5-20 12:21
一句到尾, 我前面都講過, 點解其他城巴的乘客, 企到黃線留後就得, 要為左就屯門南"一定要有位"的期望而比 ...
依家就係城巴開少咗架車先被人針對投訴用有行李架嘅車，開足車其實呢類無位坐嘅投訴就係大家所講嘅不合理投訴係可以無視
所以我先提出如果當日嗰架係普通車咁仲會唔會有人提出投訴，而當時人平日有幾大機會無位坐，係好多人無思考過
天空之神 發表於 2020-5-20 12:25
唔會
因為巴膠同咸魚永遠都存在
啱，最終仍然會有人投訴無位坐，而真係動手投訴嘅人就少之有少