[舊瓶新酒] 33A/37/237A重組建議
本帖最後由 castanopsis 於 2020-8-3 11:55 編輯此建議源於B2版關於30X討論
為免離題太多，將33A呢部分抽過來講
背景
現時33A經過多個塞車黑點，路線冗長
成本高之下，收費($6.4)不成正比，以致客量雖然不俗，仍連年蝕錢
九巴屢次減班後，33A班次飄忽，越做越差
與此同時
葵盛圍及新區欠缺旺角以南的巴士服務
本建議希望在不大幅增加車源之下
控制33A成本，同時提供葵盛圍/葵涌邨/大窩口前往旺角/油麻地/尖沙咀的巴士服務
懶人包
33A 葵興站<>葵涌邨/大窩口邨/荃富街<>長深荔<>太子
237X 葵盛圍<>葵涌邨<>大窩口邨<>荃富街<>西廊<>旺角<>尖沙咀
37 改入柏景灣總站，簡化旺角段走線
237A取消
詳情
33A 葵興站 - 太子（基隆街）
往太子：https://goo.gl/maps/MVSqCutC6KTKCjNB6
往葵興站：https://goo.gl/maps/hj4mvV4pa7xLP2439
收費$6.4
繁時開15/20，非繁開20，繁時逆向減落30
用車四部
改33A，主要係想節省成本
家陣條線最大問題，係大窩口邨無總站，荃灣段缩唔到
同時條線葵興芳同37/36A重疊，但又唔夠兩條線平
與此同時，柏景灣塞入旺角亦相當浪費時間
宜家改為葵興站上山逆走，缩落太子，非繁有望35分鐘左右行完一單
變相可以直接減一半車做返同一班客，每座位每小時亦收過$10，條線會變得好做
而改完之後，葵涌邨車程應該同宜家差唔多
但大窩口/荃富街就明顯快咗，應該可以吸引到唔少客回流
237X 葵盛中<>尖沙咀麼地道
往麼地道：https://goo.gl/maps/B2xYa9YybAQRPD346
往葵盛中：https://goo.gl/maps/3FxNFvhodeKtmb1bA
收費$8.1
班次全日20，繁時逆向拉疏甚至唔開
用車6部
家陣237A兜入葵涌邨一圈走返出來落葵芳上公路，個觀感相當一般
如果順住去，行埋大窩口先上公路，時間差唔多，但葵涌邨/大窩口覆蓋會大唔少
加埋荃富街<>旺角客，應該夠客全日
37 葵盛中<>旺角柏景灣
往柏景灣：https://goo.gl/maps/hhJqTAFXZS2NXJbF9（畫唔到長沙灣道右轉欽州街，自己會意）
往葵盛中：https://goo.gl/maps/GUSGHKEt49bGMeD67（畫唔到櫻桃街新填地街，又係自己會意）
收費$5.8
班次大致不變，但朝早入新界/下午出九龍既15分鐘時段減落20
配合行車時間縮短，減一正一蛇
上面33A咁改，柏景灣會少咗條線，唔知佢會有乜反應，所以塞返條37俾佢
如果可以兩條線都唔入柏景灣就當然最好，但呢個視乎區議員臉色
同樣地，旺角走線其實有進一步簡化空間
但唔知葵興芳<>旺角站位變差會唔會有反對聲音，所以暫且唔搞住
旺角菜街同深水埗汝州街都係塞車黑點
既然有237X甜頭，可以順便理順下走線，加埋逆向減班，放一正一蛇出來
237A取消
用車統計
33A 8>4
37 10>8
237X 0>6
整體用車無增減，但會有兩蛇變兩正
而237A架蛇車擺落邊度另議 咪玩啦，逆走？鬼搭呀？應該直接將237A轉全日，延長落荃灣開，順走葵涌邨同葵盛，33A同37新界段依舊，九龍段依上述建議重組就可以啦。 miklcct 發表於 2020-8-3 13:22
咪玩啦，逆走？鬼搭呀？應該直接將237A轉全日，延長落荃灣開，順走葵涌邨同葵盛，33A同37新界段依舊，九龍 ...
荃灣行葵盛用時盞仲慢過30X
方向唔錯, 唯一個問題係荔景邨果個站變咗無車到, 可能要諗諗點搞. miklcct 發表於 2020-8-3 13:22
咪玩啦，逆走？鬼搭呀？應該直接將237A轉全日，延長落荃灣開，順走葵涌邨同葵盛，33A同37新界段依舊，九龍 ...
葵盛圍>葵涌邨>大窩口邨咁行，最低限度都係不斷落緊山
就算總站上車，都只係三個字少少到尾站上公路
絕對唔差
反之，若果大窩口邨>葵涌邨>葵盛圍咁行，上落一次葵盛圍先上公路，觀感惡劣好多
更重要既係
葵盛圍出南九龍，無其他交通選項快過237X
大窩口如果你要碌葵盛圍先上公路，個個去搭地鐵紅小
最後，我就係靠33A逆走先cut到四部車出來開237X
你33A/237A兩條線雙雙要從荃灣碌上山，邊夠車開？
本帖最後由 miklcct 於 2020-8-3 15:46 編輯
castanopsis 發表於 2020-8-3 14:57
葵盛圍>葵涌邨>大窩口邨咁行，最低限度都係不斷落緊山
就算總站上車，都只係三個字少少到尾站上公路
絕對 ...
咁一樣時間去到公路口，但跑公路時間長咗一樣係慢咗。除非兩條線完全分拆玩轉車，否則點都會有其中一邊嘅人直接保鐵。
我再睇多次你嘅建議，你條237X葵盛係唔會有人搭，因為葵盛東邨乘客會直接行落山上車，西邨嘅話更加唔使諗，經葵盛圍南段落葵芳搭地鐵直出九龍。
以而家深水埗/太子內街路況，
你條33A改完都要畀50-60分鐘一單，畀得35-45分鐘只會瘋狂甩班趕哂班客
另外，37出九龍改行荔枝角道上海街，都係慳唔到行車時間
早前B2個討論入面，荃葵>美孚(>長沙灣)>旺角>深水埗>美孚>荃葵呢種大循環行法唔少站友都提過，
如果要以節省行車時間為首要目標，可以參考
33A/37呢組線本身車數都少，拆線後落唔落到尖沙咀都係未知，分分鐘偷雞不成蝕渣米，
係我會揀33A升級33X，葵涌邨之後停禾葵里葵俊苑飛橋直達美孚，拉長到西九龍站，收$7.1-8.1試水溫
30X就去輔助234X吧啦，如果唔係唔方便畀234X騰出車源開快線 peterkwan 發表於 2020-8-3 13:36
方向唔錯, 唯一個問題係荔景邨果個站變咗無車到, 可能要諗諗點搞.
你係驚 葵涌道荔景邨>長深荔 ，定 新區>葵涌道荔景邨 無車到？
如果講出九龍，同站仲有36A
長遠我想重組30/30X，砌條39（荃景圍<>葵涌道<>長深荔<>何文田<>九碼）出來
然後36A攞去做其他嘢 Ricky403 發表於 2020-8-3 17:44
以而家深水埗/太子內街路況，
你條33A改完都要畀50-60分鐘一單，畀得35-45分鐘只會瘋狂甩班趕哂班客
另外， ...
用返九巴ETA數據
33A
葵芳站>荃富街: 12.2分鐘
大窩口邨>葵興站:10.3分鐘
238X
海灣花園>旺角站: 26.9分鐘
旺角弼街>荃灣公園: 26.2分鐘
非繁一單確實可以喺40分鐘內完成
而留意我條33A雙向都行長沙灣道，唔入汝州街, 條線沿線基本上無大既塞車位
當然, 繁時長沙灣道同美孚落橋都要排隊
但如果逆向拉疏, 甚至早繁唔開西行, 直踩返葵興追時間, 係可以勉強維持到開20
太子基隆街本身唔係一個正式總站, 我expect條線係接近循環線運作, 返葵興先休息
如果怕跑唔曬，不妨缩埋落葵涌邨開車
百葵樓班客要行多兩步路，但就再俾多一轉10分鐘車長走盞
另外，37出九龍改行荔枝角道上海街，都係慳唔到行車時間
汝州街/菜街呢兩個位，耐唔耐就搞你15分鐘
37飛走呢兩個位，行車時間唔使好似宜家咁預得咁鬆
同時cut逆向班次，減兩架車唔算過分
實際上，如果葵芳無意見，我南行甚至想行塘尾道甚至南昌街+大角咀道返總站，反正葵盛圍有237X做旺角
早前B2個討論入面，荃葵>美孚(>長沙灣)>旺角>深水埗>美孚>荃葵呢種大循環行法唔少站友都提過，
如果要以節省行車時間為首要目標，可以參考
No way
你要班深水埗客兜旺角先落車，真係離曬地
而我可以好肯定咁話你知，美孚>長沙灣>東京街>旺角，會仲慢過直行長沙灣道
行循環線更加代表逆向都要出返咁多部車行，結果客就趕走曬，但資源係完全無節省到
呢種走線，30X身上唔用得，每日做緊6000人既33A，就更加絕對唔能夠接受
33A/37呢組線本身車數都少，拆線後落唔落到尖沙咀都係未知，分分鐘偷雞不成蝕渣米，
係我會揀33A升級33X，葵涌邨之後停禾葵里葵俊苑飛橋直達美孚，拉長到西九龍站，收$7.1-8.1試水溫
30X就去輔助234X吧啦，如果唔係唔方便畀234X騰出車源開快線
你知唔知葵盛圍同新區加埋有成10萬人，其中9萬接近完全獨市？
如果你認為青龍頭深井加西約果6萬幾人可以連旺角都唔停，開線直飛尖沙咀
葵盛圍新區呢10萬人，點可以連旺角特快都唔俾佢？
呢幾區長年俾九巴虐待，老實講我唔叫巴士公司加返以前減落既十幾二十架車落去已經好客氣
miklcct 發表於 2020-8-3 15:41
咁一樣時間去到公路口，但跑公路時間長咗一樣係慢咗。除非兩條線完全分拆玩轉車，否則點都會有其中一邊嘅 ...
果段荃灣路，跑30秒乜都跑曬
如果開咗之後夠客既，我唔介意再拆線
但家陣唔夠車，唔可能拆到咁散
或者咁講，你覺得我個建議趕客，俾你會點樣用18部車做曬你所講既路線？我洗耳恭聽
我再睇多次你嘅建議，你條237X葵盛係唔會有人搭，因為葵盛東邨乘客會直接行落山上車，西邨嘅話更加唔使諗，經葵盛圍南段落葵芳搭地鐵直出九龍。
我唔排除會有人咁行
但距離唔短又要上落山，我相信大部分人都係直接上237X算
37其實都要10幾分鐘先屈返葵芳上公路，一樣有人搭
237X用多幾分鐘但直飛旺角，點計都有吸引力