FBI2 發表於 2021-1-5 22:49
5A的確運吉最想開刀,但老九未必想開佢刀,除非被逼.
但係,5仔真係好大鑊,而5C都好大機會被分拆,提升5P/5X ...
6C仲有流水客，應該cut到繁時15分鐘一班就得，反而6F之前拉咗去南昌補212位，想cut線都幾難
11除衛理道單向外所有位鐵都唔洗轉車，新蒲崗又有其他線 (9/95/203E)，所以肯定取消
14都係同鐵重疊，但係經過好多地方，同埋如果14都取消埋就無車直入佐敦道，仲要同A22鬥，而且14貴啲所以兩條線揀一定留14，應該cut下非繁班次就得
26有四順撐住，流水又夠貴 ($5.8/$6.8)，應該無大影響
28有樂華，出尖碼行下路，都應該無事
93K就其實可以取消，但係佢應該想留貴價流水，同埋佢多客嘅位同屯馬無衝突
仲有其實1/1A/9/95/203E/A22/E23都可能跌客
Enviro50D 發表於 2021-1-6 10:51
6C仲有流水客，應該cut到繁時15分鐘一班就得，反而6F之前拉咗去南昌補212位，想cut線都幾難
11除衛理道 ...
留意返
佐敦－沙中線搭鐵極為複雜，但係巴士相對而言就直接好多，14佐敦段客量會唔會暴瀉值得商榷。
6F...QE－深西似乎12轉2E／將202大改應該會更好。殺線啦。6架車落返紅土其實做到好多嘢。
另外你下面提及嗰堆其實部份唔會太關事...1（A）唔會受影響啩，而E23嘅紅磡流水亦有其本身優勢。
本帖最後由 Justshamxx 於 2021-1-6 11:40 編輯
一次過回應咁多個意見：
1. 九巴12線例子：佢同西鐵綫提供過轉乘優惠，唔使我提醒。不過佢同西鐵綫提供轉乘優惠，係安撫K16取消後原本以該路線轉乘西鐵的乘客，該有時限，本來係六個月，之後延長去十一個月罷了。但係5A線喺屯馬綫一期通車當日延長去啟晴邨嘅同時，同屯馬綫提供轉乘優惠，就係給予希望，係畀啟德啲人當佢成條鐵路一齊通車(否則5A唔會喺正日延長至啟德)，佢講嘅時限，係「屯馬綫全綫通車」，換句話說九巴同港鐵係要向土瓜灣、啟德嘅居民贖罪贖到屯馬綫全通。一旦屯馬綫全通，一切為贖罪而設嘅優惠就可以即刻停止，包括5A號線會即時同其他路線(e.g. 5D)重組，甚或至取消。保留$4.3「低廉收費」來往啟德同尖沙咀？妄想！留意字眼，12線係「安撫」，5A線係「給予希望」九巴12線同5A線根本不可比，例子錯誤。
2. Level 6山洞人士提出：「西港島線5係斬錯」，就係因為佢斬錯，所以先至有5X西行減慢嘅建議(2020-2021RDP)，畀人ban咗，後來啱啱過嘅12月，5B又以試辦形式整咗銅鑼灣道特班。
3. 不應舉114，應舉300作例子？我明，你係想講九巴好想做5A，但係佢會被行政命令取消，好似當年300咁。但係試問：如果九巴真係咁想做5A，點解要喺鐵路通車日期擬定，港鐵明言不會提供接駁巴士服務嘅時候，先至喺通車正日先至延長至啟德呢？(否則九巴應該喺早一兩個月提出將5A延至啟晴，並喺鐵路通車前一段時間實行。)又點解喺延長5A嘅時候都唔加密班次呢？喔？你想話，啲乘客可能會諗到疏線平線，但係你哋好似話過平線有更高取消風險喎！結論。九巴唔係咁想做5A，運輸署亦都只係用延長5A嚟做啟德站嘅接駁巴士。
4. 6C重災？今次屯馬綫根本唔關佢事，佢要瓜柴嘅話晨早喺觀延黃埔嗰陣瓜咗。
點解要咁執著喺正日延長呢個論點...
因鐵路而出現路線變動呢樣嘢好多時候係同鐵路通車一齊做，喺行政上點都方便啲...
你要堅持「贖罪」呢啲難聽嘅垃圾解說無人阻到你，但係你說服力不足，啲人都廢事同你拗。
仲有，6C唔關事喎...你識唔識紅土巴士㗎，大佬...咁嘅嘢都講得出...
xdxd 發表於 2021-1-6 11:14
留意返
佐敦－沙中線搭鐵極為複雜，但係巴士相對而言就直接好多，14佐敦段客量會唔會暴瀉值得商榷。
6F.. ...
但係佐敦有柯士甸站，唔洗轉車直達... 尤其佐敦方向理工無定向塞車，肯定鐵快
6C其實都係因為理工塞車，肯定送一批客比鐵，反而5C因為唔經塞車位所以影響較低
1 (A)理應無咩影響，不過唔排除有人行去宋皇臺搭鐵去尖沙咀，尤其1號成日脫班又用低載，已經趕緊客走
其實所有經土瓜灣同理工個塞車位嘅線客量都一定會下跌，差在跌幾多，因為何文田站4分鐘就到尖沙咀，巴士分分鐘仲停係到 (尤其上下繁)，根本無得鬥
Enviro50D 發表於 2021-1-6 12:27
但係佐敦有柯士甸站，唔洗轉車直達... 尤其佐敦方向理工無定向塞車，肯定鐵快
6C其實都係因為理工塞車， ...
你唔係呀嘛...柯士甸站都講得出...紅隧口係塞冇錯，但比起柯士甸站行入去，都係較易被接受囉。
柯士甸站同佐敦，仲遠過旺角東同旺角...比著你都唔會咁行啩...何況柯士甸／佐敦？
Enviro50D 發表於 2021-1-6 12:34
其實所有經土瓜灣同理工個塞車位嘅線客量都一定會下跌，差在跌幾多，因為何文田站4分鐘就到尖沙咀，巴士分 ...
其實都要睇咁進出地鐵站需要花費的時間既，尤其是屯馬線馬頭圍段要在民居下鑽隧道，地鐵月台距離地面唔會淺得去邊，可能由地鐵站入口落到月台需要3-5分鐘。加埋行落月台的距離，可能搭一程地鐵要行5分鐘以上，某程度會減低港鐵吸引力