三隧分流無影 東隧塞爆 城巴新線繞路行西隧加快過海(東網)
三隧分流無影 東隧塞爆 城巴新線繞路行西隧加快過海04月27日(二) 00:01
無靈魂政府多年來一直無魄力落實三隧分流，導致三條過海隧道車流分布嚴重失衡，西隧使用量偏低，紅隧及東隧卻終日「塞爆」。因東隧於繁忙時間嚴重擠塞，新巴城巴選擇將部分沙田區來往港島東的巴士路線避行東隧，寧願繞遠路行青沙公路取道西隧過海，車程雖然變長，行車時間卻竟然減少，其中昨日首航的城巴989號線只需約40分鐘便可由沙田市中心直達太古。
城巴昨日開辦4條新線，分別是686、933、976及989號線，於早晚繁忙時間載客，分別由大圍站、荃灣西站、元朗新田及火炭駿洋邨前往西灣河，需時大約40至65分鐘不等便能直達港島東，車費介乎17.4至24.8元。當中，除了大圍站的686號線會取道東隧過海外，其餘3條新線都取道西隧過海。
新巴城巴策劃及車務編排經理黃漢中表示，同屬沙田區過海路線的989號線，雖然由火炭開出，但卻先繞遠路前往大圍，再經青沙公路取道西隧過海，原因是兩巴發現東隧於繁忙時間非常塞車，即使該線選擇行西隧，路線看似迂迴，但實際行車時間卻比行東隧更快。他透露，除了989號線外，現時由馬鞍山泥涌來往柴灣(東)的新巴682X號線，亦計劃改道行西隧過海，而放棄行東隧，車程雖然長了7公里，但測試後證實行車時間反而可減少15分鐘。
昨日首航的4條城巴新線，車隊內的巴士安裝了駕駛輔助系統，內置了車距測量預警功能，當巴士距離前車少於2.8秒行車距離便會發出聲響提示車長避免碰撞前方障礙物。另外，兩巴擬於今年中測試為巴士安裝等離子空氣淨化器，針對空氣中的新冠病毒。
https://hk.on.cc/hk/bkn/cnt/news/20210427/bkn-20210427000136370-0427_00822_001.html 掉轉諗，三隧分流到嘅就真係唔使撘巴士過海都似 篇新聞明顯係屎水的廣告鱔稿，完全無提對家公司 三隧分流肯定多左車用西隧，到時西隧塞，繞路黎又變左冇用 4條線唔係運吉設架咩? 關屎水乜事
佢講到好似條線投標前佢就知自己中，一早同運吉講我要行西隧唔行東隧咁.... 但條線明明係運吉畫出嚟嘅..... 我好好奇到底下午6點幾呢段時間, 如果由興發街或之前行東廊入東隧既巴士；到底會係一路塞入東隧條隊但行快線, 臨入隧道先cut返過去好D，定係；
落糖水道、渣華道再上返黎東廊打個大尖好D，定係；
民康街開條巴士線出黎比右二線巴士打尖會好D呢?
小弟早在2017年980X開辦時已於下繁放棄乘搭682回家，在柴灣搭788去中環轉980X都仲可以比一程682快起碼15分鐘(682柴灣返馬鞍山係over個半鐘)，當時982X和985都仲未開回程(要2018年先有回程)。雖然要比多$7.X，但用黎買時間都值得。
989開辦無疑可以分擔到少少985以至982X既龐大客量，因為982X和985本身都有少部分乘客係去港島東，呢班人通常係西隧或港澳碼頭轉車。 053h4 發表於 2021-4-27 08:32
咁點解686重要行東隧？
應該調番轉，沙田圍開，兜完顯徑行青沙過西隧