AV296 發表於 2021-5-22 21:51
老實講，就算6D拉去觀塘，都未必拉到好多觀深客，講真又兜彩虹道又兜石峽尾，又塞九龍城迴旋處。其實條觀深 ...
6D 兜彩虹道同石硤尾固然趕客。但與此同時，觀深飛橋半直通/特快線，如果直行長沙灣道，都係會無客，長沙灣道客肯定大部分落左地底
觀深如果想服務深長荔居民，係應該做返青山道同蘇屋。但問題之前都講左好多次，困局在於有 2A 2X 6D 分走德福淘大乘客既前提下，剩返既觀塘巿中心往來深長荔客源，不足以獨立成線
再加上本身有鐵同紅小既前提下，我都講左好多次，觀深象徵意義大於實際。一係就好似你咁，搵多第二個區祭旗，拖慢人地車程；一係就觀深兜多個區
反正要兜多個區，除左直接延長 6D 外，另一個選擇係搵 5D 202 6P 資源，砌一條美孚 - 蘇屋 - 深水埗 - （東行單向經旺角）- （半直通）- 啟德 - 九龍灣商貿區 - 觀塘商貿區 - 觀塘巿中心，早前 F1 版都寫過詳細做法
至少深長荔啟德、深長荔九龍灣商貿區，甚至觀塘商貿區，都係紅小同鐵路盲點，做到既野會比起齋觀深甚至延長 6D 更多，亦唔需要因為 6D 因素而出現賣大包收費
S3BL100 發表於 2021-5-22 23:23
6D 兜彩虹道同石硤尾固然趕客。但與此同時，觀深飛橋半直通/特快線，如果直行長沙灣道，都係會無客，長沙 ...
出post之前做吓research係咪真係咁難?
796C之前係行元州街嗰邊，14年改行長沙灣道。睇下當時運輸署點講：
「優化深水埗區行車路線」
「大埔道及元洲街使用率偏低」
「改行長沙灣道，直接途經深水埗區內主要活動地區」
同一年31B都建議食咗32，荔枝角道、長沙灣道同青山道又揀咗邊條? 運輸署當時咁講：
「由於荔枝角道一帶乘客量不高，且交通燈位等候時間亦較長，而青山道則交通非常繁忙，故建議重組後的第31B號線南北行均取道長沙灣道，可更有效把乘客送往深水埗/長沙灣中心地帶。」
咁31B最尾無改，但796C最後尾都改行長沙灣道。睇下個客量係點：
「796C 號線由大埔道改經長沙灣道是由於後者的人流較高，新巴將該路線往蘇屋方向改經長沙灣道後，在深水埗區落車的乘客增加了四分一。」
今時唔同往日，廿年前可能青山道係最好客，但係廿年之後如果仲繼續抱着蓬之心，主觀地覺得行長沙灣道等於無客，咁既唔符合邏輯，亦同現實有偏離。
非繁嚟講，巴士對比地鐵仍然有以下優勢：
1. 一程過，對比地鐵要轉車
2. 舒服，地鐵九成九無得企
3. 唔使特登行落地底，呢樣已經贏咗地鐵
4. 站位較密，尤其當觀深行牛頭角道，因為地鐵得嗰幾個站，對於唔近地鐵嘅人，今如怡靖苑、興華街一帶更顯優勢
講咗好多次，都唔能夠鞏固個說服力。你係九巴，會想用九龍區嘅價錢做九龍區，定係用新界區超過10蚊嚟做觀深? 有2A 6D分走無用架，九巴想啲客上架10蚊嘅車，就自然會有方法㗎啦。有錢執你驚九巴唔識拆局咩。
紅小更加唔好講，人地只係做到青山道，對深水埗大部分地方而言，行到去青山道都身水身汗啦，仲鬼會坐紅小咩。仲有，紅小服務，尤其觀深服務差都唔係新鮮事，你睇咁多條青山道紅小，差劣嚟講觀青紅小一定係三甲。中途站成日都上唔到車，更莫說同巴士鬥了
搵荃灣祭旗? 絕大部分情況之下，荃灣區會有損失；但假如識善用條觀深線，其實並唔會對荃灣有損失。而且，荃灣去觀塘經深水埗，又唔一定要同「慢」扯上關係。非繁龍翔道都間唔中塞車；反而長沙灣道嘅塞車問題，其實無italk所講到咁嚴重，最多咪唔順燈，但係絕對未去到青山道或者旺角嗰種程度。「拖慢人地車程」，明顯又係一個唔全面嘅觀念。
所以「祭旗」呢兩隻字並唔準確，準確啲可以用「協同效應」。
所以話，摒棄舊有思維同觀念，其實對自己會更好。師兄不妨試下拋棄「青山道係最多客」、「觀深行天橋等於慢」、「有地鐵等於地鐵贏咗」、「有紅小代表巴士輸咗」等等廿年前適用但而家已過時嘅概念。拋棄咗之後，你就會發現，「觀深象徵大過實際意思」，原來係一個幾先入為主嘅諗法。而家2021年喇，真係需要撇低舊有想法，認清現實。
再重申，我係支持搵線做九商深水埗嘅。只不過，做觀深同做九深，從來唔係一個二揀一嘅題目。Why not both? 覺得有潛質嘅，咪開兩條路線囉。嫌平嘅，無話一定要深水埗做總站，拉埋入荃葵，順手解決30X 35A等路線迂迴嘅問題，一石二鳥，對所有持分者，包括九巴，都係好事。
AV296 發表於 2021-5-23 22:14
出post之前做吓research係咪真係咁難?
796C之前係行元州街嗰邊，14年改行長沙灣道。睇下當時運輸署點講 ...
荃葵已經有38／40／42C／290系 40P又即將全日 肯唔肯出資源陪深水埗搞觀深先？
AV296 發表於 2021-5-23 22:14
出post之前做吓research係咪真係咁難?
796C之前係行元州街嗰邊，14年改行長沙灣道。睇下當時運輸署點講 ...
31B 796C 點同？
人地係做外區居民前往深水埗，仲要 31B 做鐵路沿線以外地區、796C 行車時間對比鐵路都仲有少少優勢
但觀深線會有幾多觀塘居民乘坐？觀塘線沿途幾個站，返工人流仲多過居民，九龍灣仲要有 2A 2X 6D 分餅，牛頭角站同觀塘站周邊人口其實唔係好多，至少遠少過觀塘山上人口，亦遠少過 214 覆蓋到既人口。根本觀塘區大部分居民都係住山上
可想而知觀深線預計至少一半客都係深水埗居民，情況根本同成堆主要接載外區客往來深水埗既新界線差好遠，你太高估觀深線潛在客源同吸引力
行中軸線係唔會吸到深水埗居民乘坐，然後觀塘街坊又唔坐，結果只會係死路一條
clivetock 發表於 2021-5-23 22:34
荃葵已經有38／40／42C／290系 40P又即將全日 肯唔肯出資源陪深水埗搞觀深先？
...
我最想296C來回程兜荔枝角站,做觀長特快,一定吸多批客,但肯定要加車. 不過,巴士公司對將南會鬆手D既.
至於6D拉去裕民坊,一來我想借機殺左條6P,二來方便裕民坊批懶人,佢地未必會行落去坐鐵.
雖然觀深坐鐵車程唔耐,但唔係幾好坐.
FBI2 發表於 2021-5-24 00:12
我最想296C來回程兜荔枝角站,做觀長特快,一定吸多批客,但肯定要加車. 不過,巴士公司對將南會鬆手D既.
至 ...
搵40做好過...
對於板友話裕民坊批懶人未必會行落去坐鐵, 其實佢講緊嗰班人係凱匯居民定係邊個?
裕民坊同觀塘站只係半條同仁街距離, 將來所有重建項目完成後係近乎同地鐵站直接連繫(我冇深究樓層問題), 可能喺商場圍圈搵條排隊欄等巴士仲嘥時間.
EX-TL 發表於 2021-5-24 00:54
對於板友話裕民坊批懶人未必會行落去坐鐵, 其實佢講緊嗰班人係凱匯居民定係邊個?
裕民坊同觀塘站只係半條 ...
觀塘站咁鬼迫，其實唔係咁吸引
FBI2 發表於 2021-5-24 00:12
我最想296C來回程兜荔枝角站,做觀長特快,一定吸多批客,但肯定要加車. 不過,巴士公司對將南會鬆手D既.
至 ...
觀長特快用296C做真係笑咗, 亞皆老街 長沙灣道 荔枝角道你估行車速度好快, 淨係亞皆老街行兩條橋就叫做特快, 係九巴面皮特別厚先做得出.
即使我幾年前F1板建議過開條線做美孚/長沙灣總站開出飛西九龍走廊出旺角, 之後再飛橋盡量做到中途客位, 再由淘大去觀塘, 下繁上埋樂華, 我都唔敢話快: https://www.hkitalk.net/HKiTalk2/forum.php?mod=viewthread&tid=1022679
jpoon 發表於 2021-5-24 01:08
觀塘站咁鬼迫，其實唔係咁吸引
外區入嚟返工時間迫就梗嘅, 其他時間一啲都唔覺得迫.