s3n370 發表於 2022-2-3 19:00
成件事同技術完全無關。
要起一定起到，問題係無咁多客支持九卡落南區。 ...
舊帖已經講，三卡就一定唔夠用啦，未來黃竹坑仲有唔少寫字樓落成，就算而家疫情期間，繁時都塞爆
不過九卡就多得滯，同埋以佢嘅站點計，可能將四個站合併做兩個站會適合啲，不過唔知九卡車要由金鐘爬坡上黃竹坑有冇問題
tonyng 發表於 2022-2-1 17:06
造價差距何止大，而是很大。
3卡直流電22米車和９(10)卡交流電25米車的消防(逃生)及通風要求相距甚大，而 ...
謝謝你的回應，我當然心知南港島線、東鐵過海已經起好咗唔會變啦...不過喺度當 brainstorm 一下當初有冇其他可能性啫... 有興趣咪一齊諗下傾下:)
1. 我理解到交流電網所需嘅淨空比較大，因此交流電鐵路隧道直徑會比直流電粗，成本比較高...
不過路不轉人轉，假如南風隧道照樣用直流電規格，而東鐵新車採用交直流兩用電聯車又得唔得呢？
雖然交直流電車會貴啲，但據知隨著半導體技術進步，交直流電車與交流電車嘅造價拉近咗。
咁就索性紅磡站中性區以南都行直流電喇，東鐵過海隧道都可以起返窄啲，可能仲慳錢...
2. 地理環境問題，我同意鴨脷洲起 9/10 卡車嘅車站係唔可行。
同時間我知道金鐘站擴建工程亦都面對一定程度地理環境問題，因為四個新月台要穿過行緊車嘅月台下方，工程相當艱巨。
所以我先諗如果東鐵南端總站唔揀金鐘唔喺海怡，擺黃竹坑又有冇著數呢？
將東鐵/南港島線嘅交滙點由金鐘地底深處轉移去一片荒地嘅黃竹坑車廠，從而縮小金鐘站擴建工程規模。
jpoon 發表於 2022-2-3 11:22
舊帖已經講，三卡就一定唔夠用啦，未來黃竹坑仲有唔少寫字樓落成，就算而家疫情期間，繁時都塞爆
不過九 ...
辦公室同居民客流係相反方向。
同海洋公園雖同向但唔同時段。
更何況仲有大把加密班次嘅空間。
交直流並不重要，鑽石山去紅磡條"地鐵"，沿綫客量唔算很高，交流電。
其實都係視乎全綫客量、及交由邊條綫去做。
幾年前數據，
馬鞍山人口約20萬，8卡車，分4個鐵路站。
南區只計密集地區，華富至香港仔包括鴨利，人口約18萬，參照MOS規模，用(東)重鐵延伸有其道理，惟南區走綫必然冇咁靈活。
如果當初馬鐵由地鐵設計，同南港綫同一project，直通東九龍綫過海經金鐘至南區，前後腳落成、先造南北兩截、後造東九及過海段貫通、初4尾8卡，成件事在鐵路技術上又合理番晒。
s3n370 發表於 2022-2-3 20:04
辦公室同居民客流係相反方向。
同海洋公園雖同向但唔同時段。
有幾多加密空間？唔係話受制於隧道消防限制咩?
仲有就係車站唔似有條件加卡
本帖最後由 jpoon 於 2022-2-4 00:44 編輯
JC3987 發表於 2022-2-3 19:41
謝謝你的回應，我當然心知南港島線、東鐵過海已經起好咗唔會變啦...不過喺度當 brainstorm 一下當初有冇 ...
將東鐵拉去黃竹坑，金鐘站咪一樣響度，可以慳到幾多？而你仲要將東鐵拉去黃竹坑，咁南灣隧道設計又要改過，加大咗成本又點計？
仲有就係黃竹坑站當年已經畀神學院投訴太高，所以先唔起西段結構（當然呢個只係部分原因），你搵黃竹坑做交匯站，咁個站同南港島綫要起到幾高？東鐵條調頭引綫又要拉去邊？東段點入車廠？同埋西段打算點搞？唔用黃竹坑做交匯？
I20091157 發表於 2022-1-31 18:11
3卡vs9卡
兩條定綫、客流完全唔同
唔計R train任何技術問題
黃竹坑個站向海洋公園個站延長，唔駛專登起個海洋公園站，鴨脷洲兩個站二合一，頭尾用升降機同扶手電梯連接各屋邨，四個站變兩個站唔係冇得諗？
qunow 發表於 2022-2-4 10:43
黃竹坑個站向海洋公園個站延長，唔駛專登起個海洋公園站，鴨脷洲兩個站二合一，頭尾用升降機同扶手電梯連 ...
黃竹坑站預留咗俾西段
咁改站即係間接要改埋西段走綫。
有冇位俾佢掘到咁深？
jpoon 發表於 2022-2-4 00:40
將東鐵拉去黃竹坑，金鐘站咪一樣響度，可以慳到幾多？而你仲要將東鐵拉去黃竹坑，咁南灣隧道設計又要改過 ...
我嘅諗法係南行過咗海洋公園站之後就慢慢落返地面，黃竹坑車廠範圍內做地面總站。就如我 #5咁講。
海洋公園-黃竹坑站之間本身係沿著警校外圍行，假如鐵路落地面沿著警校圍牆行的話都只係擋住香葉道/警校道一個路口，一係封咗佢（車輛改行南朗山道入）一係就改高架。
我所諗嘅黃竹坑站佈局：
地面：東鐵線島式終端月台（站內調頭），盡頭可以考慮設置路面出口
一樓：車站大堂、天橋出口
二樓：南港島線往海怡（我諗過用APM 做）
咁樣黃竹坑站架空路軌唔會比現時高，對景觀影響唔會更差。
至於南港島線西段點入黃竹坑呢個問題，其實同現時一樣難搞。
架空四軌無論平排或者分上下層都好影響景觀，除非黃竹坑站-鴨脷洲橋一段共用軌道但拉疏班次㗎啫...
tonyng 發表於 2022-2-1 17:06
造價差距何止大，而是很大。
3卡直流電22米車和９(10)卡交流電25米車的消防(逃生)及通風要求相距甚大，而 ...
想問以你對鐵路嘅專業理解
到底南風隧道係咪有所謂嘅消防限制？
抑或有其他因素令南港島線行緊現時嘅班次？