本帖最後由 drbean7218 於 2022-6-17 09:17 編輯
DX2771 發表於 2022-6-17 00:31
今日907C 18:35尾車70人-沿路觀察 -981P （18:35） 少過5個客離開金鐘 -900 離開中銀大廈上層得4個客（相信 ...
放工981P一直keep 住得40%滿入西隧。我都轉返坐981P去富安轉車, 舒服得多及不用同其他人迫980X。
不過, 3間巴士公司無再比980X & 981P車長行軍器廠街出皇后像, 其實它們自己都在趕客。
行軍器廠街出砵甸乍街只是約6 mins。現在跟官方路線(經添馬街, 紅棉路及琳寶徑)出皇后像都至少10 mins, 搭東鐵過海都可能去到紅磡站。
da93 發表於 2022-6-13 13:55
其實K巴呢種情況，係一直出現嘅，果條叫A47x囉
點解富亨有，太和冇嘛，要人拉過去囉，但白石角話要你俾唔 ...
潛左幾日水，我冧我應該簡單覆埋今次就收尾，始終有啲野只可以 agree to disagree (同埋我都開始忙...)
我同意冇可能眾生平等，始終資源就係咁多，但需求的確唔一致。但同時間我亦唔同意為左減少地區矛盾而唔去進步，正如我之前舉嘅例子，我唔會因為滿足唔到大尾篤所以唔比富亨K巴，無限延伸嘅話好多路線都唔會改到，我唔會話因為泥涌冇份而唔比拉286C去烏鐵，或者將工冇全日荃灣車所以唔比290X全日呀。而事實上，大家都各自比到A47X 同 NA47嘅例子，兩條線一樣嘅改動都可以有完全唔同嘅結果，只能夠講話冇野係唔可能嘅，起碼大埔市未見有人鬧爆白石角扯條NA線入去搞到佢翻屋企慢左先。呀同埋，條A47X兜到仲慢過E41入隧道梗係抵鬧啦，又係冇比較冇傷害嘅例子嚟。
同意政治現實係殘酷嘅，但唔覺得要將政治現實當做 prerequisite 所以唔應該爭取。即係:
Case 1: A區爭取XYZ，B區唔gur所以爭取埋一份，最後係可以淨係A爭取到，都可以係AB都有，都可以係大家都冇，然後如果中左第一嗰三份一，或者最後嗰三份一機會，就可能會得出，唉呀政治現實，永遠冇可能滿足所有人，完。
Case 2: A區因為顧慮B(或者C或者D)區會同佢爭取埋一份，自覺冧唔到 perfect solution，運吉點都唔會show佢架啦，所以完全唔冧住去爭取啲咩，完。
咁我認嘅，我接觸區議員一定冇閣下咁多，我理想中嘅Case 1 今時今日仲可以搏下，但依閣下所言，似乎部份區佬喺19年之前已經係行緊 Case 2條路，我亦冇足夠嘅經驗去disprove 閣下，所以應該都係 agree to disagree，樂觀悲觀好難話邊個啱邊個錯嘅，反正揸莊嘅唔係區佬，有心插旗嘅673都可以直接全日啦...
關於307，暫時未見到係2023年幾月入伙，所以唔清楚要等幾耐，但另一邊廂因為見到紅隧巴已經減緊車，所以唔覺得會等太耐，講緊係112 118 cut字軌喎 (當然我唔清楚佢地係咪行緊本線)，唔係104 301 171咁簡單。南區就話等半年，286M嗰啲都無端端拖左十世，但係依家東鐵過左海一個月，其實巴士客量都漸趨穩定，巴士公司絕對可以喺一年內減車，始終有成堆新發展區/招標線等緊資源。至於907D嘅所謂新增資源，其實係加緊逆向班次，即係埋單嗰條可能叫118...可能覺得科學園好食掛，但應該就唔關307事嘅，至少上晝唔關先。
我亦唔會否認路線情意結呢樣野喎，交通論壇好正常呀，又唔係人人喊打喊殺嘅載空線 (74A D之類)，有條線喺度殺唔死嘅，大家想佢做多啲野好正常呀。搞翻清楚一樣野，就係由始至終都冇人講過話要用富蝶兩蚊客流水嚟做條線嘅主力，從來都係passive bonus嚟，區佬都唔會蠢到用呢啲嚟吸票下話，巴士公司自己明就好啦。傳媒？今時今日抖啖氣都可以寫衰區議員架啦，真係唔需要理會，甚至自己喺社交平台話自己拉到條全日過海線入村仲有說服力啦。講真又係任何拉線都會養啲兩蚊客出嚟架啦，拉286C上烏鐵都可以寫衰區議員話佢養堆兩蚊出嚟浪費公帑架啦，唔通又要因為呢個原因拉倒？根本政府整得兩蚊優惠而唔整一折兩折就係預左啲人長車短搭，避唔到架喎。
以結果為目標，幾有趣嘅論點，我之前唔係講過話試辦比永久更好嘅咩？比乘客用腳投票。如果有人搭嘅點解唔係成功，如果唔使加資源就可以賺多啲嘅又點解唔係有效益？從來都係做定係唔做嘅姐，如果載空三個月我仲賴死唔肯放走翻條線先叫做以結果為目標呀 (雖然到時夾左區佬上船，冇得佢唔死攬，但巴士公司用數據撻佢都吹唔漲)？調翻轉，運吉係估緊全香港因為東鐵過海而要減140-160架車，依家成堆101 111斬唔到幾多，要斬多少少307嚟交數嘅話，呢個就真係以結果為目標，減班，少人搭，再減到啱數為止。當然冇人知道以後會減成點，但減車呢啲依家唔需要公告天下架，印份通告轉個頭就斬走左。順其自然冇話唔得嘅，非繁30都會有人搭，係睇下私人公司想唔想賺多少少嘅姐。
至於試辦係咪政治唔正確，我都只能承認我比唔到答案，一方面政府係保鐵，係要減巴士，係唔可以比非建制區佬有得寫政績，但另一方面，呢期除左有E43試辦，仲有R33試加班，早少少仲有NA12試拉長，我唔係運吉主任肚入面條蟲，我唔知佢用咩標準去審批架喎，係咪一日得幾班就會容易啲批？講到如果爭取到試辦會影響到政府管治威信，咁難怪呢幾年要特別立國安法啦，原來係驚左條E43...我又覺得唔使咁二元化嘅，政府有心玩野嘅，啲公務員可以完全唔去同區佬開會，直接搵分區委員都得啦，事實上就係見到有空間先考慮去爭取，調翻轉2019之前有幾可會聽人講試辦？唔爭取永久拉線已經係一種妥協。
政府有心玩野嘅，黃區佬話轉左，政府就格硬轉右，燒翻幾億公帑再賴區佬都仲得，但現實上黃區佬過到宣誓，仲可以嗌多成年喎，咁寧願自己嗌埋佢，定出年比對家嗌好啲？冇錯K巴都係一個解決方法，所以我先放棄富善姐，都好吻合保鐵政策呀，都係一種妥協呀，但係要嚴格執行嘅話，東鐵 capacity高左，係咪應該要大斬72X去叫去旺角嘅人K巴轉鐵去解決？或者有左71A，富亨仲值唔值得擁有271？定係本身已經存在嘅野就有特權唔使郁？
總而言之，我地各自都比到自己嘅例子，同樣我地都唔識讀心，唔知道運吉冧乜。如果單純只係樂觀同悲觀嘅分別嘅話，咁睇嚟只能夠 agree to disagree，感謝閣下腦震盪左我咁多下，好耐冇寫過咁長嘅討論文啦。
本帖最後由 HV7967 於 2022-6-17 11:43 編輯
66702686 發表於 2022-6-16 14:13
咁東鐵線增長度係唔係比預期低？
無人知啊。一日運吉未出大數跌幾多，大家都係估估下
另外起下你底，計埋今次，up左同類型問題4次，水唔係咁灌的:shutup:
載客量如何
咁東鐵過海客又如何？
咁東鐵D客有幾多人坐去過海,係咪通常坐唔滿(包括企位)
castanopsis 發表於 2022-6-16 21:29
大圍、沙市、火炭
繁時三區都多人返工，其中沙市同大圍都係全日位，港島東全日都會有人去
行西隧可以串埋 ...
沙田區返工人數係由北至南遞減
你建議整條由南至北行嘅線，咁樣更加放大而家989嘅問題
你拗話682轉798趕客 (實際上798上繁入火炭絕對唔疏)，咁搵682直接加一兩班直入火炭嘅逆向，點都比你建議開989更切合返工客需求
至於糖水道至電照街嗰截北角，就算唔搭港島綫去金鐘轉，仲有五飛紅隧車車海去紅磡轉，車程都唔慢，你整條疏車假特快出黎唔知可以吸到幾多客啦
至於西區，900都已經建議開逆向，停皇后街
當然，以而家東鐵綫過海後個客量跌幅計，仲開唔開得成都值得質疑
南區華富香港仔入新東雖然要轉車，但選擇都多 (黃竹坑轉/金鐘轉/紅磡轉)，一樣唔會睬你西隧轉疏車巴士入新東
留意番，轉車會work嘅只係得本身選擇少嘅大西北
HV7967 發表於 2022-6-17 11:41
無人知啊。一日運吉未出大數跌幾多，大家都係估估下
紅隧咪兩萬
但成堆紅隧線加埋一日做幾多人要搵人指點
如果成堆加埋做十萬
跌兩萬已經20%
其實睇返以前數據
106都幾誇張2013年一日2萬3客
但同時亦有D客量較低既103 109 113 117 170
中間既108 110
中巴年代102 112一日都係做萬幾個客
本帖最後由 HV7967 於 2022-6-17 12:04 編輯
kay 發表於 2022-6-17 11:57
紅隧咪兩萬
但成堆紅隧線加埋一日做幾多人要搵人指點
如果成堆加埋做十萬
紅隧2萬係通車頭一個禮拜嘅數字
而家有回流潮，但係回流左幾多得巴士公司知
所以都係要等政府出數據to get a full picture
如果講鐵增長左幾多，仲要計埋西北/屯馬沿線幾多流左落東鐵
Ricky403 發表於 2022-6-17 11:43
沙田區返工人數係由北至南遞減
你建議整條由南至北行嘅線，咁樣更加放大而家989嘅問題
宜家target既客源主要四種——
(1) 住沙田河西，去港島東返工
(2) 住沙田河西，去港島東行街消遣
(3) 住港島東，去沙田河西返工
(4) 住港島東，去沙田行街消遣
989宜家只係做到(1)
但只要延長服務時段，港島做埋北角/筲箕灣非繁客倉，就做到(2)
飛走四美開埋逆向，就可以囊括曬(3)同(4)
每一班客，都唔夠客全日，但四班客加埋，做全日其實係穩陣
沙田區返工人數係由北至南遞減
你建議整條由南至北行嘅線，咁樣更加放大而家989嘅問題
你拗話682轉798趕客 (實際上798上繁入火炭絕對唔疏)，咁搵682直接加一兩班直入火炭嘅逆向，點都比你建議開989更切合返工客需求
全日最多客去既，係沙田市中心，其次係大圍
同樣地，大圍人口係河西咁多區入面，最多
火炭只限兩繁七八班車多客，加上入面工業區半獨市，全日線擺頭站好合理
我當然唔反對你開682特入火炭，但咁樣唔叫做做咗 港島東<>沙田
798之前有好一段時間，連下繁都開到落20-28
而自從改經源禾路之後，係明顯拉長咗火炭客既車程，靠佢轉車真係死得
682單係攬住一個石門，已經坐得滿逆向，火炭/沙市/大圍加埋既返工客，我估多過石門兩倍有多
可想言之798<>682吸引力有幾低
至於糖水道至電照街嗰截北角，就算唔搭港島綫去金鐘轉，仲有五飛紅隧車車海去紅磡轉，車程都唔慢，你整條疏車假特快出黎唔知可以吸到幾多客啦
呢啲理論同798開線既時候啲淡友好相似
坑口入沙田，要平有98A/91M<>89X，要快有102<>89，要穩定有鐵
但798一開，哪怕都係快唔過102<>89，平唔過91M<>89X，穩定唔過鐵，班客都係走曬去搭798
事實上，一程過既巴士線
無論有幾多個轉車既alternative
只要時間同啲alternative差唔多，基本上一開就會攞到一半市佔
castanopsis 發表於 2022-6-17 16:53
宜家target既客源主要四種——
(1) 住沙田河西，去港島東返工
(2) 住沙田河西，去港島東行街消遣
咁講啦,
東鐵過海後,989客量的確是有下降
佢已經過左全日最佳時機
同期900半全日,但現在客量大跌, 顯然唔知點樣收科
castanopsis 發表於 2022-6-17 16:53
宜家target既客源主要四種——
(1) 住沙田河西，去港島東返工
(2) 住沙田河西，去港島東行街消遣
1.
首先有樣野值得疑問，(2)(3)(4)點解要用989做？當初招標嗰時，顯然運署只係畀佢做(1)，無其他，989想做埋(2)~(4)，都要匯達肯爭取
不過東鐵綫過海段通車後，就連(1)入面選搭989嘅人都大減，回程個開車時間又已經做到少少(2)，但都係得30-40個呢下先死，933荃灣得三個站都唔止呢個數
學前面大埔站友咁講，沙田青沙西隧線同307類似，當東鐵綫過到海後，喺運署眼中佢地就完成咗使命，剩低有客嘅就留，無客嘅就減班取消
2.
問題就係，沙田東區有幾大需求要開多條全日線？682唔夠載？無轉乘優惠、走線長喺運署角度都唔會考慮，只會考慮需求同埋有乜線到
而需求導向下，明顯開682分支/特班直入火炭係更聚焦
至於你講到798下繁都開20-28，但火炭開出黎，頭站唔怕上唔到車，影響根本好細
至於點解吸唔到客，有兩個可能：第一係798要兜沙市，咁老實講下繁798分拆沙田火炭仲實用；第二就係東區返火炭嘅慣性搭鐵，因為火炭巴士太少，畀人感覺交通不便
點都好，而家東鐵綫過到海，東區去沙田鐵路只需喺金鐘轉一程，無可否認做沙田東區嘅巴士時機已過
3.
睇清楚啲競爭對手
觀塘轉車轉嘅係巴士，紅隧轉車轉嘅係東鐵綫
沙田東區搭鐵吸引力亦大過沙田將軍澳
再者，全香港咁多地方，都要揀啲易吸客同多人嘅位先開直達線，唔係A去B有需求就要用巴士做，呢個係部分巴士迷常見謬誤
東區去荃灣都易做過去沙田，933同989無論客量定增長潛力都差太遠
S3bl430 發表於 2022-6-17 17:28
咁講啦,
東鐵過海後,989客量的確是有下降
佢已經過左全日最佳時機
900擺大了個頭。好像980X, 981P續少續少加班咪好。