新香港底下嘅暗黑兵法我地真係識條鐵，擺明就係唔想行電車，口裡說不身體卻很誠實。但又唔可以大大聲話比人知你堆國產車廢，大大聲話以後都電動，最後呀爺出聲制止，正中下懷。
PatPatLeo 發表於 2022-7-31 13:45
因為要推個冷氣引擎幾乎長行，所以冇慳到油
用油仲多過全柴...
GR614 發表於 2022-8-1 13:50
用油仲多過全柴...
唔係話好多年前就住香港環境調校個系統邏輯之後已經正常返咩?
E50H 個原理同 Note e-Power 一樣，都係近年好多hybrid 私家車用既方式，點都會慳到油既
換轉E50H 用最新既電池同驅動技術，應該有好成績
當然成本、前景都係問題
ccicoltd 發表於 2022-7-31 18:22
早期的 GMI 綠小早已變成廢鐵。
油電最可取之處是能保持引擎在最省油的區間運行，不像普通柴油車一起步噴 ...
但應該係可以上斜著偈，落斜回生叉電夠推住架車去。
之前試過搭22A小巴由樂華去到觀碼都無著過偈，反而由觀塘上山就幾乎次次都要著。
如果可以安排車輛大規模喺總站叉電，好似深圳咁全市都主要用純電問題都無咁大。但香港即使新建嘅總站，設計果陣都無預留俾巴士放低充電。
實際應用上，假設一條線用5正2蛇，其實有空間安排巴士在非繁忙時間輪流在站內充電，司機擺低架食飯車又可以安排佢叉電。但係依家叉電一定要返廠叉，咪變咗費時失事、影響出車率同日常運作。而當巴士公司為電容車起咗個叉電站之後，車廠倒閉搞到成套設備報廢，巴士公司又肯唔肯大量增加充電站？
其實內地城市都計過條數，用全電車，巴士用車需求大約要多30-35#左右。相關時間就是用來充電。香港的總站邊有位似深圳咁整個力能充電站係旁邊啊。至於氫燃料巴士，空擴地方用冇問題的。行隧道的話，巴士公司的保險有幾百億保額，仲要政府批准先可以。看政府現在的態度，成功機會就似城巴701了。所以如果電池發展到隨時於總站更換，那才會適合香港使用，而電池也要細小，那就更方便。甚至巴士公司安排巴士在如香港站巴士總站變為換電站，為中環區巴士服務就仲還可以。
12Lane 發表於 2022-8-1 11:55
新香港底下嘅暗黑兵法我地真係識條鐵，擺明就係唔想行電車，口裡說不身體卻很誠實。但又唔可以大大聲話比人 ...
首先得了解為何巴士公司不太熱衷引進和試驗電動巴士：
1. 來來去去都係得中電港燈，而且事實上係冇選擇，總冇可能說港燈賣電比中電便宜，跟住3000幾部電動巴士過晒海叉電啩；油公司假假哋都有三幾間揀，而且包送貨啵。
2. 香港專利巴士最多行十八年，當一部巴士每日運作十八小時計數，呢七百幾萬分鐘，每分鐘都係錢。柴油巴士一缸油基本夠行一整日；如果電動巴士嚿電曳啲，或者久而久之normal wear and tear大半日就要收車去叉電，配合唔到目前營運模式啵，起碼個油缸唔會因為車齡高而縮咗水嘛。
3. 承上，電動巴士的cost driver就是幾嚿電瓶，而目前未有電動巴士正常完成其在港十八年的life cycle，故此冇一個total cost of ownership的數字作參考之用，有別於柴油巴士。喺目前專利巴士行業回報率不及幾十年前的大環境下，實好難請巴士公司在電動巴士範疇上有投資和研發意欲。
4. 巴士產地問題。買冷氣，你買日立/大金/珍寶/松下...定約克/格力/美的？甚至有人寧買凶宅牌都唔買國產機啦！
或者，特府肯大幅延長專利巴士使用年期到廿幾年，可能有得諗，但之後其他啲商用車、旅遊巴士又撲出嚟爭取一視同仁喇！
不談氫巴，連相關法例都未訂立，匯達部新氫巴竟然連行街街都唔得，這問題更大：比方說發生氫巴在路面發生嚴重交通意外時，消防能否用切割機鋸開車身拯救傷者？而所產生的火花會否有危險等。
其次，有其他版友都提及那些出車數據從何而來？「飛機文」的作者從無交代，喂我諗佢做城巴MD時，都唔會接受個OM/OD求其揼個冧把出來就話加/減車啩？
再者，觀乎近兩篇「飛機文」(上一篇講兩巴合併)，我認為再一次印證作者投資目光比較短淺。
1. 自古 (1979年) 以來，城巴不時都出現股權轉讓：自立門戶→中海徐展堂→捷達→周大福企業/新創建「雞扒妹」家族→善水資本，平均十年翻一翻，當然唔係盈利啦。我又唔見九巴、嶼巴有呢啲新聞啵。點解呢？
2. 2004年周大福企業/新創建「雞扒妹」家族收購埋城巴後，作者話內部已合併，咁點解唔索性整合埋新巴，單單用「城巴」一個牌頭走天下、投新綫？喺港英運輸署做過事的作者做不到嘅，Adam Leishman同佢班同鄉就成功做到喇。
3. 經過近三年疫情，兩大專利巴士集團，唔洗問阿貴都知邊個傷啦，之前件人間極品喺立法會答問會都話有巴士公司「蝕到入肉」囉！點解？買完啲雞蛋擺晒喺同一個籃，畀條盲毛一撞咪跌晒喺地下，一地都係囉！傳統投資智慧都建議資本家分散投資，唔好將啲雞蛋擺晒喺同一個籃啦。咁作者係投資緊佢檔巴士生意，定係喺屋企玩推巴士？
4. 承上，10號車喺1998年搵都普躉新車行收$3.4，行到車也劏埋都係收緊呢個價，同第一城一樣：小朋友由襁褓到有投票權都係搭緊一樣嘅巴士！強呀！搭嗰個梗高興啦，收錢嗰個......長遠咪而家咁囉。呢類公共事業要有賺錢，加價真係最簡單容易，睇兩電一煤兼地鐵公司就知啦。
5. 又承上，阿作者當年搵咗邊個接棒繼承MD衣缽呀？啲精算師有咩特質呀？屙尿隔渣再攞去淋花呀！大家早排開口開鼻點晒名嗰個「拆劃主管」是誰喺中華公司請返嚟呀？
最後，人去茶涼啦，又要準備出騎樓睇日落：夕陽無限好，oh oh oh，卻是近黃昏！
edhong 發表於 2022-8-1 08:53
上面太長唔覆了，你講到港島一眾平價路線，真係想知550萬買一架車（或者你可以當大量買打返個八折），行17 ...
係有位嘅，不過要巴士公司自己出錢起設施啫。
edhong 發表於 2022-8-1 16:53
上面太長唔覆了，你講到港島一眾平價路線，真係想知550萬買一架車（或者你可以當大量買打返個八折），行17 ...
香港電動車普及化最缺乏係地方。
想差得快，用電多，牛房就要大，發展商就一定要諗方法平衡。
舊總站又未必夠用電capacity裝到charger，變相營運上又要番廠差一係去晒某一兩個總站差（又係空間問題），咁不如用番油車，能屈能伸擺邊都得。