本帖最後由 LBluemoonHK 於 2024-3-7 13:21 編輯
Citcalag 發表於 2024-3-7 12:50
定義清楚個問題係好事。咁你認為道德有冇客觀標準先
你既道德同我既道德可以建基於不同標準
影響到人咪去批lo，油尖旺區班雞比人詬病左唔知幾多年啦，學你話齋係多元主義，你有你對，我亦同是，嘈半日都無結果，早就預到啦
肯定就無原則放諸四海皆准，全部都有地域性限制，你要爭邊條道德原則高下我無興趣，唔好抹殺任何一種聲音就好，thx
本帖最後由 12Lane 於 2024-3-7 13:47 編輯
LBluemoonHK 發表於 2024-3-7 12:39
相信有部分人唔知自己短搭長會造成困擾，post上網可以增加事件關注度，知曉不知者，當然有好多真係貪，而 ...
有人唔知長車短搭會造成困擾，呢個係長車短搭問題，唔係長車短搭引起嘅「公帑」問題。如果係有困擾，任何人長車短搭都會同樣造成相近困擾。
「有好多真係貪」呢句野冇意義，因為我同樣可以話有「好多都冇貪」，冇得被證實嘅指控，甚至連呢班係咩人都確認唔到，淨係知係60歲以上，咁同打空氣冇分別。我就用晒數字計比你睇，平均每人每日補貼左十蚊，去左巴士度得四蚊，貪嘅人係多定少，自行判斷啦。
表象就係有個人上車，聽到佢用兩蚊卡，然後搭兩個站落車，僅此而已，我就睇唔到單憑呢種咁普通嘅行為，可以有咩公審依據。不過既然公審好多時係情緒行為嘅表達，用咁多理性去分析係無意思，但我唔認為對達成最終目的係有明顯幫助，甚至引起反效果；表象反映唔到任何背後動機嘅事，同道唔道德已經扯唔上關係，又唔係深入討論動機又唔係法庭，極其量只係街邊鬧交。
本帖最後由 Citcalag 於 2024-3-7 13:52 編輯
LBluemoonHK 發表於 2024-3-7 13:14
你唔好混淆刻板印象同客觀事實，你需要自己親自搭一程長途車，自己親身感受下呢堆問題是否存在先
另外我 ...
公審有何意義？公審既問題在於批鬥文化，不論打格與否，都係增加社會矛盾。若然唔滿意他人所為可以當面指出，例如之前成日有人影人相批鬥人坐關愛座，你根本冇資格去判斷坐左關愛座既人係咪合理使用，佢係咪今日M到、唔舒服，唔需要同你解釋。同理，長者$2搭去邊，合唔合理都唔需要同你交代。
結果關愛座就製造寒蟬效應。幾年前經常見地鐵逼到死都冇人夠膽坐關愛座。近幾年開始檢討公審呢件事，情況先好轉。
放上網絡只係單單打打，除非搵得返個post，否則即係「得你講冇人講」，根本就唔平等。唔平等待遇就係唔道德。
Dont get me wrong，我唔否認我平時搭車都有堆廢老播普通話影片，我甚至試過出聲叫個阿伯收聲唔好嘈，講句說話，問題解決。whats the point of 網絡公審？出完個post就會靜哂？個老人家會行快左？
再者，呢d車廂內影響他人既情況。長途短途，任何交通工具都有存在，關長車短搭咩事？
簡而言之：
https://memeprod.sgp1.digitaloceanspaces.com/user-wtf/1622104489098.jpg
LBluemoonHK 發表於 2024-3-7 12:07
已經講得好清楚二者關聯性，相信你已經get到，而長者車上不道德行爲尤爲普遍，2元客群體佔大多數不文明搭 ...
$7-15可以，咁$15.1 接唔接受到？$15.2 接唔接受到？
用道德來批評呢件事既難處，就好難解釋點解搭$15車可以，搭$15.1就唔得。
Citcalag 發表於 2024-3-7 13:59
$7-15可以，咁$15.1 接唔接受到？$15.2 接唔接受到？
用道德來批評呢件事既難處，就好難解釋點解搭$15車 ...
其實呢無point呢就可以沉默是金，巴士公司制定價格相約，係咪真係有14.9，14.8，14.7，14.6你自己check下，巴士路綫同港鐵差唔多都係按區域性收費，如果真係決斷咪直接斬開兩邊，15.0開始就叫做貴，不過班長者唔識計數，最簡單咪分長短途，長短途好明顯就係一個分界綫
Citcalag 發表於 2024-3-7 13:47
公審有何意義？公審既問題在於批鬥文化，不論打格與否，都係增加社會矛盾。若然唔滿意他人所為可以當面指 ...
即時阻撓咪就有機會引發更多衝突lo，到時候連片都有得擺上網， channel c hk見都得啦，有埋把聲落去就真係認到身份，明顯係沉默之必要
12Lane 發表於 2024-3-7 13:44
有人唔知長車短搭會造成困擾，呢個係長車短搭問題，唔係長車短搭引起嘅「公帑」問題。如果係有困擾，任何 ...
其實長車短搭本來會影響人，但話曬自己出錢無問題，，人地資助你，唔使你比錢，結果就走去搭貴車一兩個站落，用納稅錢揮霍，呢d咪過分，再加上長者未必有清晰意志，無按鍾/到站唔落車，導致有好多過站問題滋生，所以更加唔適合短搭長。
呢次係長者問題較普通乘客多，自然係圍討論繞長者，其他乘客雖有同類問題，但惡性影響相對細
Citcalag 發表於 2024-3-7 13:47
公審有何意義？公審既問題在於批鬥文化，不論打格與否，都係增加社會矛盾。若然唔滿意他人所為可以當面指 ...
c hing 唔知由邊度cope返黎個gift，太有實力啦，係咪無野講就用圖片充字數，大家錦話:lol
Citcalag 發表於 2024-3-7 13:47
公審有何意義？公審既問題在於批鬥文化，不論打格與否，都係增加社會矛盾。若然唔滿意他人所為可以當面指 ...
社會再無批評，輿論一面倒，真係人類文明社會:loveliness:下一步就係文字獄，禁止批評當權者/任何弱勢社群，否則釘十字架示衆公審，一方面唔比人審，另一方面排斥異己走去審人地，實現弱勢群體美好大團結;P
LBluemoonHK 發表於 2024-3-7 15:55
社會再無批評，輿論一面倒，真係人類文明社會下一步就係文字獄，禁止批評當權者/任何弱勢社 ...
你係咪誤解左批評同批鬥