kei_hk 發表於 2024-5-16 02:39
回歸正題﹐究竟第三保是真係會否會失效?
若果第三保真係失效，建議樓主直接報案。
就算係車cam群組拍到違規行為，都要片主主動報案。
更何況只有文件描述。
响度po係全無作用，頂多引起熱議。
1320 發表於 2024-5-16 14:39
可能宜定就試行, 效果好就正式申請入字都唔奇, 至少假日一定有市場
尋晚睇ETA，唔睇唔知原來B8來回都開唔少廣福特，睇嚟B8響周末同假日有機會學B1感一拆二或者三分開大埔客同沙田客。我私心睇好做密大埔特可以吸好多大埔嘅X線轉車客，尤其大埔X線d逆向服務質素會明顯好過城河東嘅對外線好多。
利申：試過搭B8轉74X番牛頭角舒服過火車轉綠線/277E好多，價錢又平，時間上又冇輸過比全鐵
williamwwl1109 發表於 2024-5-16 14:59
尋晚睇ETA，唔睇唔知原來B8來回都開唔少廣福特，睇嚟B8響周末同假日有機會學B1感一拆二或者三分開大埔客 ...
不過如果做大廣福特車的話面臨的問題系黃鬼唔能借B8全票的價錢去掠水
雖然口岸到廣福的票價系10.7但要落車啪卡，唔落車啪卡黃鬼可以收全票16.1
仲有$2客
williamwwl1109 發表於 2024-5-16 14:59
尋晚睇ETA，唔睇唔知原來B8來回都開唔少廣福特，睇嚟B8響周末同假日有機會學B1感一拆二或者三分開大埔客 ...
坦白講喺廣福轉車個網絡都幾完善，九東九西新界南港島都可以去到，仲唔駛兜落沙田分分鐘行遠咗。
08x200-201 發表於 2024-5-16 15:19
不過如果做大廣福特車的話面臨的問題系黃鬼唔能借B8全票的價錢去掠水
雖然口岸到廣福的票價系10.7，但系 ...
咁有咩問題姐...唔掠咪唔掠囉...你咁肯定城巴整個廣福得出嚟係FOR掠全程水用？
我上星期日下午搭過一次B8出大埔，坦白，十個有九個客落車前都識去車頭拍吓卡，
無拍嗰個係兩蚊客。
講掠水，不如講吓喺落馬洲站搭B1出新田/元朗嗰班又有幾多個真係知道有$13.2嘅分段吧...
我搭咁多次喺新田落車，有拍回贈嘅真係10%都唔知有冇(當然唔包括我啦)。
LAK2 發表於 2024-5-16 14:30
樓上列舉的隱藏特車
令人諗起當年93A興旺時
有班次總站上客就行寶豐路寶康路直上翠林
上當年將軍澳還未有地鐵時，早上返學見到，不止93A，93K正線同蕪湖街特車也有總站上客後(站長計人數截人)，直上翠林特車
3x年前29M也有總站上客後(站長計人數截人)直去現時順利消防局上客(當年兩邊土地是順利安置區)
論這些不依批准路線行車，當年中巴應仲多
s3n370 發表於 2024-5-16 14:56
若果第三保真係失效，建議樓主直接報案。
就算係車cam群組拍到違規行為，都要片主主動報案。
我只係想學野。
樓主一開口就話第三保會出事﹐我真係想知點解佢可以實牙實齒去講。
究竟樓主真係有依據﹐定係憑空想像出來。
ps. 警方都會留意網上影片的﹐有時都會主動調查的。
最近一單就係元朗﹐2名小童無帶頭盔駕駛/坐電動單車﹐兼且違反交通規則。
本帖最後由 1320 於 2024-5-16 16:16 編輯
反而想問一個好基本既問題, 如果司機係營運時行錯路(不少都會有), 唔好彩地發生左意外, 咁保險又包唔包?
GD1570 發表於 2024-5-16 15:22
咁有咩問題姐...唔掠咪唔掠囉...你咁肯定城巴整個廣福得出嚟係FOR掠全程水用？
我上星期日下午搭過一次B ...
講掠水，不如講吓喺落馬洲站搭B1出新田/元朗嗰班又有幾多個真係知道有$13.2嘅分段吧... 我搭咁多次喺新田落車，有拍回贈嘅真係10%都唔知有冇(當然唔包括我啦)。
有陣時﹐唔係乘客唔想去拍卡﹐而係客觀情況影響他們的決定。
條走廊全滿晒人﹐又有一堆行李阻塞令到無位讓你行去車頭﹐車費又只係$1.X。
倒不如當係買個方便﹐廢事去拍卡。
講明先﹐唔係話所有人都係這樣想。
有唔少人真係唔知有分段﹐亦會有人堅持去拍卡。
所以﹐在落馬洲返元朗最理想就係上元朗車﹐好過坐天水圍車﹐唔駛去拍卡之餘﹐又有得平$1.x。
寄望﹐九巴真係會正式分拆成2條線﹐這樣就皆大歡喜。
1320 發表於 2024-5-16 16:14
反而想問一個好基本既問題, 如果司機係營運時行錯路(不少都會有), 唔好彩地發生左意外, 咁保險又包唔包?
...
如果真係會唔包﹐即係司機會犯法﹐駕駛未有第三保的汽車。
試問﹐有邊個職業司機﹐日日行咁多轉車﹐可以確保自己一定唔會行錯路?
一行錯路﹐除左有機會被乘客投訴之餘﹐仲要犯法有機會被警方檢控﹐仲會有人去做職業司機?
唔好話唔小心行錯路﹐連突發性的改路都一樣。
如果保單真係講到明﹐不依指定路線就會無第三保﹐咁邊一個可以決定改路?
既要有權去決定改路﹐亦要保險公司接受cover你改路﹐唔知程序上又要幾多時間?