依家就用大陸既standard去停版
如果要用上面果套既話N版有關警民衝突既post都要和諧 原帖由 ATE24 於 2012-1-3 13:46 發表 http://www.hkitalk.net/HKiTalk2/images/common/back.gif
如果判決無誤，則三十日之說近日有例支持，本人認為可以接受。
我認為FBI2的"傻X"根本是內地流行而且通用用語,毫無粗俗之意,只是有部分未分青毫皂白的香港人誤以為"傻X"是粗口,
"傻X"真正意思係形容一個人缺乏腦袋思考,在內地一些禁用粗言的網站也接受用"傻X"二字.連中文字意思都搞不清就隨便重罰使用通用語句的板友,
實在太無稽了! FBI2根本沒有犯錯,錯就錯在部分站務的中文水平需要再接受教育!
[ 本帖最後由 kmb3asv141 於 2012-1-4 10:04 編輯 ] 如果大家都有意見，
咁點解我地唔見板主走出來解釋一下自己的判決呢? 其實我又覺得這只是有關粗言執行站規問題, 不論是否同意
admin91有關決定, 討論時都唔駛, 亦唔應該將有關事件政治化...
如果呢度真係用上面果套, 就一早好多野都會限制左吧..
我相信有關admin主要都係希望hkitalk 保持網絡禮儀, 而唔係
將內地一套搬黎....如果係其他語言的粗口, 亦一樣會處理
我相信大家作為版友, 也唔希望自己被不禮貌發言對待
只是大家對有關字眼是否容許, 有唔同意見吧.... 原帖由 3ASV196 於 2012-1-4 10:03 發表 http://www.hkitalk.net/HKiTalk2/images/common/back.gif
其實我又覺得這只是有關粗言執行站規問題, 不論是否同意
admin91有關決定, 討論時都唔駛, 亦唔應該將有關事件政治化...
如果呢度真係用上面果套, 就一早好多野都會限制左吧..
我相信有關admin主要都係希望hkitalk...
今次我只覺得有人係恃住自己知啲唔知啲嘅知識
就指板友係講粗俗字
係呢個係非常唔好嘅先例
若果日後講啲嘢唔啱某位板主聽嘅話
又會唔會用其他地方嘅定義去執行站規？
呢個係一件非常危險嘅趨勢
板友存在擔心係在所難免
而且唔知點解有關人士可以咁耐都唔出嚟回應下
不論admin戶口定私人戶口都有喺我呢篇文發出後都有登入過italk
係咪視而不見、視板友意見如無物？ 我唔係偏幫任何一方，但係再諗深一層，我覺得成件事可能另有內情……
我估唔知會唔會係突然間有一大班人投訴FBI2的貼文，詳細羅列罪狀，要求重判。
我曾經做過板主，知道呢d public opinion好容易影響最終判決。
admin91（DIH）係少數italk入面我極為尊敬的板友/板主，
而FBI2過往亦曾經有多次發表令人關注的言論，我當年都停過佢板，
佢今次踩中地雷，都好難得到大家同情。
但係我會建議admin91適宜交代一下，收到咩投訴、投訴內容係咩，
等大家自行判斷一下成件事的來龍去脈。 原帖由 S3BL100 於 2012-1-4 12:14 發表 http://www.hkitalk.net/HKiTalk2/images/common/back.gif
我唔係偏幫任何一方，但係再諗深一層，我覺得成件事可能另有內情……
我估唔知會唔會係突然間有一大班人投訴FBI2的貼文，詳細羅列罪狀，要求重判。
我曾經做過板主，知道呢d public opinion好容易影響最終判決。
admin91（DIH） ...
或者好似舊年咁單51低地台事件
板主私下收到有人報告，或者誤信報料者而做出今次決定
講真，FBI2可以話有涉及舊年單51低地台事件
當時我都有表達強烈意見
今次出聲只係認為將上面一套用落香港度真係實屬不智
但當事人admin91仍然毫無回應
似乎唔係咁好
我都唔想到最後重蹈51低地台事件嘅覆轍 似乎admin91係冇意回覆在座咁多板友嘅疑問
上次訪問︰2012-1-4 14:54有登入過但都唔回應板友
到底admin91想點樣？係咪諗住唔面對群眾？
係咪想步好幾位前板主嘅後塵？ 首先感謝各位站友關心板務及本人執法情況。
坦白說，本人擔任板主只有五個月，經驗尚淺，處理事務時的確有可能有標準不一的情況。
本人於該次判決後，沒有瀏覽過Z23板，所以一直沒有回應。請容我解釋今次事件。
－－－－－－－－－－
FBI2該篇貼文出街後，我是有以普通站友身份回文，
但當時沒有太在意FBI2的貼文，是在收到一名站友報告後，回看調查。
更正：亦有留意FBI2該貼文的字詞，本來已打算調查，後來收到一名站友報告，故立即處理。
本人暫不擬公開報告人的身份及內容，只能說他不是經常報告的人，報告內容也屬溫和理性。
正正由於本人明知自己經驗尚淺，不想錯判枉判，所以每次判刑前，均會詳閱站規。
是次事件中，本人於站規中發現第34A條合用，遂再詳細審視之。
以下是本人由調查至判決的心路歷程。
一）詞語本身
站規第34A條說：不得使用粗俗、粗言穢語或刻意跟粗言穢語相近之字詞。
「傻X」一詞，本人早年在內地網民的貼文中見過，後來理解到後面的英文字母是指代女性生殖器。
本人兩三年前在實驗室做研究生，曾與不下於十位來自內地的年輕人相處，
在他們之間「傻X」一詞都仍然是極粗俗語言，他們只會在背後極憤怒地罵人或極熟絡的朋友之間才會講。
以本人理解，這個詞的粗俗性，與粵語中一些借代方向字（東南＿北）或借代小食名稱（＿腸）的粗口相似。
因此本人意識到這個詞是粗俗的，即使已經以英文字母代替。
若以英文字母借代即可讓此語過關，那麼如上所指的借代方向字或借代小食名稱，是否可在本板通行？
假如這些粵語借音字不能出街，普通話借音字也同樣不能出街。
若照上文下理，FBI2站友當時的使用，也接近該詞原有意思，難以說成是不知道或「傻的嬰兒」。
結論：本人認為這個字詞，屬於「刻意跟粗言穢語相近之字詞」。
二）鬆緊度
感情上，「51低地台事件」中，本人曾以普通站友身份和FBI2站友討論，當時FBI2站友態度良好。
本人眼見自上次事件後，FBI2站友貼文態度有改善，
在R3也不是搞事之人，本想輕判，例如警告或發寬限期改文。
三）站規條文
無奈，在站規中，有關使用粗俗言語的第34A條，
列出的情況比較多樣，的確可以「套」在FBI2站友該次貼文中。
34A.a)非常嚴重：罵戰，或在批評、詆譭、揶揄、嘲諷、責罵任何人、組織或機構之文章中使用此等詞語。
當中所指的「詆譭...任何人...之文章中」，成為本人執法依據。
hkitalk向來執法較嚴，本人理解是，即使反問、指桑罵槐、講反話，都受此條文規管。
以本人理解，這條文不止是禁止「用粗俗言語詆譭其他站友」，
還包括「在詆譭站友的文章中用了粗俗言語，不管那粗俗言語是指向誰」。
在該篇貼文中，FBI2站友是引jpoon站友貼文後，說「你當香港去東莞既客係傻X嗎?」，
「你」明顯指jpoon站友，「傻X」並不是指jpoon站友，但該文已有詆譭的嫌疑，
因jpoon站友本來沒有「當香港去東莞既客係傻X」的意思，是FBI2站友主觀道出這句。
結論：「刻意跟粗言穢語相近之字詞」中了、「詆譭任何人之文章中使用此等詞語」也中了，
本人唯有將此例當作「非常嚴重」處理，根據站規第53a)IV)條判即時停板30日。
由閱讀站規中得到此判決，本人也是萬般無奈。
明知FBI2站友是一時意氣，此判決可能令他很泄氣，
但為了對守規則沒有踩界的站友公平、為了避免將來出現「點解罰我唔罰佢」的指控、
為免有更多及更嚴重的粗口諧音貼文出現，站規也寫得清清楚楚，本人唯有依法判決。
－－－－－－－－－－
關於寬限期
有站友提到以前曾給予寬限期的做法。
但是，那些是「抄新聞」的情況，不能和「粗俗言語」相提並論。
「抄新聞」在本站並非經常發生，在本人接任R3板主時卻一連串出現（因為碰上7.23事故後續報道）。
翻查Z4（暫停貼文權及警告紀錄），此前相似案例只以灌水（站規第16條）判之。
但本人細閱站規後，認為不是灌水，而是侵犯版權（站規第33條）。
本人假定站友可能對此方面不太熟悉，以及沒有先例可援，
故本人「發明」以警告及寬限期改文處理，
因為本人的立場是維持板上討論氣氛，而不是以停人板為己任。
曾有站友在寬限期內都沒有改文、解釋又牽強，最終也是被判停板。
但是，「粗俗言語」卻不同，在日常生活中也會遇到，用得出很難說是不懂、誤用。
板齡較久的站友應有足夠判斷力及自制能力，避免使用有關字眼。
在FBI2該次貼文中，更是完全沒有必要、完全可以避免。
加上站規對這情況定得較嚴，所以本人在這次事件上沒有使出寬限期。
－－－－－－－－－－
這件案的爭議點
我相信這宗判決引起最大爭議的地方是如何解釋站規第34A條，及分板板主的酌情權可以有多大。
本人已奉上自己的見解，大家可以再斟酌，但本人不擬逐項為自己辯護，要解釋的都解釋了。
對於一些站友的善意擔憂，本人在此聲明，只收到一個語調溫和理性的報告，別無其他。
此次判決沒有受到外來壓力，只有自己給自己的壓力。感謝關心。
－－－－－－－－－－
個人觀感
老實說，作為板主，要出動執法時，內心是不好受的。
經驗淺的板主如我，遇上模稜兩可或灰色地帶的情況，
雖說可以請教其他板務人員，但有時可能事態緊急，
不處理可能會朝不理想的方向發展，唯有快刀斬亂麻；
過程中就有可能會判斷錯誤或不能維持同一標準。
又或者各人對站規條文的理解可能不同，形成不同分板執法鬆緊不一。
本人樂意接受批評，但依站規處事，是鬆是緊這很難說。
對於今次事件，若受影響站友決定上訴，或其他站友有任何投訴，本人亦歡迎站方任何處理。
然而，若沒有站方權威性的解釋或介入，本人目前不擬推翻有關判決。
本人不是存心擺款或做了板主飄飄然，不是指站友不能批評，
而是本人認為板主作每一個決定都應該審慎、要經得起考驗，才是對板主職務及站友負責。
若板主容易受人影響而朝令夕改的話，對整個系統的穩定性也不是好事，以前也見識過。
茲事體大，思前想後、翻查資料，我是用了兩小時打這篇回應，並非故意逃避。
本貼文內容可能會就行文或補充等作小規模改動，但大致上觀點就是這些。
本人就此事的交代暫時至此，不擬回應個別站友的提問。
本人判決是否有問題，這應該是站方要處理的事。
此致
各站友
admin91/DIH
[ 本帖最後由 admin91 於 2012-1-4 17:32 編輯 ]
回復 29# 的帖子
老實講，唔知板主思想可唔可以進步一啲？可否接納而家呢個詞語唔再係粗俗字？
前文都有述連舖頭都有用傻X
證明而家呢個字係連大陸人自己都可以出得廳堂
何解板主思想仍然停留過去、將舊有標準套落今次單案度？
思想係咪比大陸人更保守？
更無稽嘅係，居然將大陸嘅標準攞落黎嚟香港用
難道板主你認為呢度喺大陸？要用大陸果套用喺呢度？
我喺網上Search到，關於傻x嘅目前用法係︰
「後來這個「傻X」也被濫用了，大家如果很可愛的或開玩笑的講「你這個傻X」，會跟很可愛或開玩笑的講「你是腦殘喔？」有差不多的效果。重點就在講話時的語氣跟情境，當然很憤怒時講「你他X傻X」這樣就真的是罵人沒錯了！所以，還是要請大家依照不同情境自行重新定義。」
既然傻X一字演變成大家互相開玩笑嘅用法，何解板主唔可以咁理解停板板友嘅用意？
仲有嘅係，你都認為「傻X」並不是指jpoon站友，但又冇解釋到詆譭邊個
詆譭空氣？詆譭啲嬰孩？定抑或詆譭到閣下？
既然你都唔認為「傻X」係詆譭果句句子中唯一一個嘅Subject
咁何來有詆譭之意？但大前提係，傻X已經唔再係粗俗字
所以有冇詆譭或責罵人呢點已經唔駛再討論
你由頭到尾講到自己判停板板友停30日係逼於無奈、好無辜咁
何解板主唔徵詢一下其他站方人員意見？
至於你提到「亦有留意FBI2該貼文的字詞，本來已打算調查，後來收到一名站友報告，故立即處理」
如果當時你真係有打算調查，何解唔公布「文章內疑似有違規」而鎖文或者禁止改文？
突然有板友向你報告你先開盡Turbo嚟辦案？
恕我直言，板主應該與時並進，就算你認為粗俗字，何解唔出個Warning先而要一理就停30日咁多？
若果板主喺今次問題上真係思想前後，集思廣益嘅話
相信唔會存在咁多疑問
擔心第日喺italk有人提及草x馬這種動物時(為免被人誤會我爆緊粗先打X)，會唔會又被人誤當係粗俗字而被人停板呢？