原帖由 dippy 於 2012-1-29 00:16 發表 http://www.hkitalk.net/HKiTalk2/images/common/back.gif
去行亞皆老街已經直接過行你果條直出既太子道啦
所以不論24定25都係行亞皆老街算
而且為左四彩同埋慈雲山搞咁大壇野, 其實真係有D無謂
個人認為無必要搞到咁複雜
而且重組後都係快唔得多, 比起紅小有一段距離
既然 ...
亞皆老街同太子道西的直接程度無分別，但係後者可以做埋太子，
而我亦相信前者可能比較塞車。
你搞1/7/208唔係唔得，但係做得好的老牌流水線（特別係1號）我唔太傾向搞，
另外你亦令到竹園無車去尖碼。
四彩、慈雲山（特別係後者）就係需要大幅重組先得，
另外3C亦做緊少量九龍塘來往慈雲山的流水客，因此我先會咁改3C，
同埋順手解決橫頭磡 <-> 富山的問題。
我唔expect 3A比紅小快，但係起碼單程可以比3C慳到三個字左右，
行車時間合理好多，一定可以由紅小手上搶返客。
原帖由 GL3789 於 2012-1-28 13:33 發表 http://www.hkitalk.net/HKiTalk2/images/common/back.gif
往旺角方向
宏照道、宏光道、啟仁街、啟禮道、宏光道，入番啟東道，唔洗好似你咁塞啟華街盞燈兩次，仲要係宏天廣場果位塞車
多10分鐘車程但唔洗行15分鐘搭港鐵，如果咁都話係遊車河，我都唔知你條數係點計囉
如果因為果10分鐘而無人搭，就證明現時既交通服務係足以應付需求啦
我唔認為只係行多10分鐘咁少。彩盈唔直出而要先兜落淘大，已經唔見五分鐘，
入九龍灣就一定唔只五分鐘咁少，起碼13X入啟業麗晶係超過五分鐘。
仲有九龍灣繁忙時間可以好塞。
你最後果句，只係顯示出你認為彩福彩德因為本身無全日對外線，
所以就要迫佢地由「兜多三個字」或者「行多三個字落山」二選一，否定佢地獲得直接、合理服務的需要。
咁即係同運吉用一日一班兜多三個字的9號特車，敷衍佢地，
用定線趕客，製造數據話山上需求不足，唔再俾多D合理對外交通俾佢地，同出一轍，不能接受。
原帖由 dippy 於 2012-1-29 01:08 發表 http://www.hkitalk.net/HKiTalk2/images/common/back.gif
竹園去九龍城有11K, 抵坐D潻
竹園去旺角至尖咀有新既7號
基本上無乜野做得好唔好
我係講緊竹園去尖碼無車。
同埋rule of thumb一直都係：做得好的線，可以唔郁就唔郁。
郁7同208我意見唔太大（但係7號線本身行法好直接），
但係1號本身係老牌線，密車又多人，我唔想越搞越差。
慈雲山果組根本唔需要郁到1同7都可以重組。
而且亞皆老街同太子道根本一樣咁塞車
但係人們普遍認為亞皆老街快D(當然, 新24仲可以諗下行唔行橋飛站)
同埋我所謂「直接」係講緊直行太子道東 vs 兜入啟業（GL3789的方案）或者跟而家條9號兜黃大仙，
而唔係太子道西 vs 亞皆老街。
我同意慈雲山係慢, 但係既然依家都做唔起
想信大家對九巴都無乜希望
既然係咁, 就慢慢先搞
反而四彩揾啟業笨就已經最簡單咁搞掂
一部車由9抽又得, 由其他線抽都得
而家做唔起只係因為條3C太兜，拉直之後就唔同晒啦。
另外同意四彩最理想係直接將成條24搬上山，唔使郁到3C/9/203E果組，
咁到時5C/7/11/208都唔使減車（不過3B一樣要縮短同減車陰乾）。
只係而家既然條9號做緊坪石，兼有一班彩福特車，
萬一因為啟德的問題而令到搬24失敗的話，
拎3C/9/203E果組去重組幾乎肯定係剩返的唯一選擇。
原帖由 dippy 於 2012-1-29 01:13 發表 http://www.hkitalk.net/HKiTalk2/images/common/back.gif
無話能不能接受既
但個人傾向如果彩福特車用27既名義開會受落D就真既
但另一點值得留意既係, 彩仁既站點唔好, 因為地理限制
而巴士又唔可以好似小巴咁入停車場門口擺站
路過既線如果唔入到彩歡既話其實無乜用
入到去就唔駛做彩盈
所以三邊只能做到兩邊
小巴都分左83A出黎啦
之前講左，咁行就可以做得晒：http://g.co/maps/633j5
不過前提係一定由24抽車做。
另外小巴只係去到彩虹。巴士站位的確唔靚，但係起碼好過行出去搭車。
原帖由 S3BL100 於 2012-1-29 00:08 發表 http://www.hkitalk.net/HKiTalk2/images/common/back.gif
成件事我只係覺得你不斷搵藉口，否定慈雲山獲得合理巴士服務的需要。
個問題係，而家彩虹只係少左條佢地根本都無乜點搭的9同203E，
但係仲有大把功能非常相似的路線，亦換左條3C做彩虹 - 蒲崗村道/黃大仙/橫頭磡/九龍塘流 ...
條新3C兜到嘔先去到九龍塘,你都仲可以話換條線俾彩虹,我真是替彩虹邨居民多謝你!!條9號無乜彩虹邨
人搭,你企係站頭數?問九巴攞料?定自己胡亂猜測?我也覺得你只是斷定有極大需求慈雲山去尖沙咀?你有
証據嗎?慈雲山要車去尖沙咀咪郁條5C囉!!一半車由九龍城至尖沙咀跟5號咁行,一半車跟番5C原線咁行,已
經做到去尖沙咀兼毋須從其他地方抽走大量資源。由清真寺行去漆咸道都是不多於15分鐘步程，應該可以接受吧!
唔通要行哂成條彌敦道先叫行咗尖沙咀?
至於3C就要做埋樂富及九龍塘客,我個人覺得無得郁,最多抽D班次行窩打老道直落油麻地,起碼都叫做羊毛
出在羊身上,要快D去旺角咪繼續由紅小去做囉,要快D又要平,這又是甚麼道理?
[ 本帖最後由 5號的前fans 於 2012-1-29 02:31 編輯 ]
原帖由 5號的前fans 於 2012-1-29 02:28 發表 http://www.hkitalk.net/HKiTalk2/images/common/back.gif
條新3C兜到嘔先去到九龍塘,你都仲可以話換條線俾彩虹,我真是替彩虹邨居民多謝你!!條9號無乜彩虹邨
人搭,你企係站頭數?問九巴攞料?定自己胡亂猜測?我也覺得你只是斷定有極大需求慈雲山去尖沙咀?你有
証據嗎?慈雲山要車去尖沙咀咪郁條5C囉!!一半車由九龍城至尖沙咀跟5號咁行,一半車跟番5C原線咁行,已
經做到去尖沙咀兼毋須從其他地方抽走大量資源。由清真寺行去漆咸道都是不多於15分鐘步程，應該可以接受吧!
唔通要行哂成條彌敦道先叫行咗尖沙咀?
至於3C就要做埋樂富及九龍塘客,我個人覺得無得郁,最多抽D班次行窩打老道直落油麻地,起碼都叫做羊毛
出在羊身上,要快D去旺角咪繼續由紅小去做囉,要快D又要平,這又是甚麼道理?
唔好誇大，9號彩虹村的確無咩人搭，主要客源係黃大仙，但係客亦唔多。
而且彩虹落旺角至佐敦仲有收費一樣的95，
落尖沙咀根本唔會慢碌9號，落旺角至佐敦亦有合理替代，
回程亦有大把車揀，唔鍾意仲有成大條鐵路。
係去亞皆老街影響較大，但係一樣可以行出四美街搭新9號，
或者行出彩虹交匯處，或者搭95太子道西落車行過去，受影響人數根本極少。
我想知道彩虹邨有咩神聖不可侵犯，係咪又要9又要95又要成堆線擦邊經過，一條都不能少？
係咪為左彩虹有齊咁多條根本唔需要既線，而要同樣係黃大仙一份子，
但係無鐵路、欠缺其他選擇的慈雲山繼續受苦？
如果你話5C抽一半車跟5號咁行，到時下路來往尖咀俾人減一半班，
而佢地本身係無鐵路，亦無其他服務替代，佢地真係多謝你。
你淨係識顧住本身有大量選擇、極其方便的彩虹邨的利益，
對其他地區的便利同整體規劃置若罔聞，咁唔係搞山頭主義係咩？
慈雲山需要一條直出旺角的巴士線，係相當合理同低微的要求，
呢班客根本唔應該用紅小車海去做。
事實亦證明小巴主導慈雲山交通，嚴重影響該區交通狀況。
如果你認為為左彩虹邨繼續有齊咁多條線，一條都唔少得
而漠視其他人的需要，任由資源繼續失衡，
要慈雲山繼續只能夠慢碌或者捱貴車的話，
我相信我地之間無討論空間。
原帖由 S3BL100 於 2012-1-29 00:26 發表 http://www.hkitalk.net/HKiTalk2/images/common/back.gif
亞皆老街同太子道西的直接程度無分別，但係後者可以做埋太子，
而我亦相信前者可能比較塞車。
你搞1/7/208唔係唔得，但係做得好的老牌流水線（特別係1號）我唔太傾向搞，
另外你亦令到竹園無車去尖碼。
四彩、慈雲山（特別係後 ...
尖沙咀快線個度我明白，而我都同意你計算得好精密，但係dippy兄講得無錯，真係比較複雜，如果簡單少少，將3C 改去彩虹，203E 改去慈雲山北再縮短，然後拉9號泊富山，起碼大家同居民都易明。